ବ୍ରହ୍ମପୁର ଅଫିସ,୨୬ା୪-ମହାରାଜା କୃଷ୍ଣଚନ୍ଦ୍ର ଗଜପତି(ଏମ୍କେସିଜି) ମେଡିକାଲରେ ରବିବାର ଜଣେ କରୋନା ସନ୍ଦିିଗ୍ଧ ଭର୍ତ୍ତି ହୋଇଛନ୍ତି। ସେ କିଡ୍ନୀ ରୋଗରେ ଆକ୍ରାନ୍ତ ହୋଇ ଭୁବନେଶ୍ୱରର ଏକ ହସ୍ପିଟାଲରେ ଚିକିତ୍ସିତ ହେଉଥିଲେ। ରବିବାର ସକାଳେ ସେ ନିଜ ଘର ଚିକିଟକୁ ଫେରିଥିଲେ। ତାଙ୍କର କାଶ ଓ ଜ୍ୱର ହୋଇଥିବାରୁ ଏମ୍କେସିଜିରେ ତାଙ୍କୁ ଭର୍ତ୍ତି କରାଯାଇଛି। ସନ୍ଦିିଗ୍ଧଙ୍କ ସ୍ବାବ୍ ରବିବାର ଅପରାହ୍ନରେ ସଂଗ୍ରହ କରାଯାଇଛି ବୋଲି ଅଧୀକ୍ଷକ ପ୍ରଫେସର ଡ. ସନ୍ତୋଷ କୁମାର ମିଶ୍ର ସୂଚନା ଦେଇଛନ୍ତି। ଅନ୍ୟପଟେ ଶନିବାର ଏମ୍କେସିଜିରେ ଭର୍ତ୍ତି ହୋଇଥିବା ଦିଲ୍ଲୀ ଫେରନ୍ତାଙ୍କ ସ୍ବାବ୍ ରିପୋର୍ଟ ଆସି ନ ଥିବା ଅଧୀକ୍ଷକ କହିଛନ୍ତି। ସେହିପରି ଏମ୍କେସିଜିର କରୋନା ପରୀକ୍ଷା କେନ୍ଦ୍ରରେ ଏଯାବତ ୩୦୦ରୁ ଊର୍ଦ୍ଧ୍ୱ ସନ୍ଦିିଗ୍ଧଙ୍କ ନମୁନା ପରୀକ୍ଷା କରାଯାଇଥିବା ବେଳେ ସମସ୍ତ ରିପୋର୍ଟ ନେଗେଟିଭ ଥିବା ମେଡିକାଲ ସୂତ୍ରରୁ ପ୍ରକାଶ।
