ରାୟପୁର,୨୮।୪: ଛତିଶଗଡ଼ରେ ବାସ କରୁଛନ୍ତି କର୍ନାଟକର ମୈସୁରଓ୍ବାଲୀ ଗ୍ରାମ ନିବାସୀ ଡି. କୃଷ୍ଣ କୁମାର। ଗତ ୪ ବର୍ଷ ତଳେ ତାଙ୍କ ପିତାଙ୍କ ମୃତ୍ୟୁ ହୋଇଥିଲା। ଏବେ କୃଷ୍ଣ କୁମାର ୪୦ ବର୍ଷ ପୁରୁଣା ସ୍କୁଟରେ ମା’ଙ୍କୁ ବସାଇ ତୀର୍ଥ ଯାତ୍ରା କରାଇଛନ୍ତି। ଇତିମଧ୍ୟରେ ସେ ତାମିଲନାଡୁ, ଆନ୍ଧ୍ରପ୍ରଦେଶ, ମହାରାଷ୍ଟ୍ର, ଗୋଆ, ପଣ୍ଡିଚେରୀ ଆଦି ଯାତ୍ରା କରି ଦନ୍ତଓ୍ବାଡାରେ ପହଞ୍ଚି ମା’ ଦନ୍ତେଶ୍ୱରୀଙ୍କୁ ଦର୍ଶନ କରିଛନ୍ତି। ଏପର୍ଯ୍ୟନ୍ତ କୃଷ୍ଣ କୁମାର ବିବାହ କରି ନାହାଁନ୍ତି। ମା’ଙ୍କ ସେବା କରିବା ପାଇଁ କୃଷ୍ଣ କୁମାର ଏଭଳି କରିଥିବା ମା’ କୁଣ୍ଡା ରତ୍ନା କହିଛନ୍ତି। ସ୍ଥାନୀୟ ଅଞ୍ଚଳରେ କୃଷ୍ଣ କୁମାରଙ୍କୁ ଏ ଯୁଗର ଶ୍ରବଣ କୁମାର କୁହାଯାଉଛି। କୃଷ୍ଣ କୁମାରଙ୍କ ଏଭଳି କାର୍ଯ୍ୟ ନେଇ ଚର୍ଚ୍ଚା ଜାରି ରହିଛି।
