ନୂଆଦିଲ୍ଲୀ,୧୦।୮: କଂଗ୍ରେସ କାର୍ଯ୍ୟକାରୀ କମିଟି ବୈଠକରେ ଶନିବାର ଅଧ୍ୟକ୍ଷ ପଦକୁ ନେଇ କିଛି ସମାଧାନ ଆସିବ ବୋଲି ଅନୁମାନ କରାଯାଉଥିଲା। ହେଲେ ବୈଠକରେ ଯୋଗ ଦେବା ପରେ ଉପା ଅଧ୍ୟକ୍ଷା ସୋନିଆ ଗାନ୍ଧୀ ଓ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଏହି ବୈଠକରୁ ଉଠି ଆସିଥିଲେ। ସୋନିଆ କହିଥିଲେ ଆମେ ଏଥିରେ ଭାଗ ନେବୁ ନାହିଁ। ବାହାରକୁ ଆସି ସୋନିଆ ଗଣମାଧ୍ୟମ ପ୍ରତିନିଧିଙ୍କୁ ସୂଚନା ଦେଇଥିଲେ କି ଭୁଲ୍ କ୍ରମେ ଆମ ନାଁ ଉକ୍ତ ତାଲିକାରେ ସାମିଲ କରାଯାଇଥିଲା। ହେଲେ କଂଗ୍ରେସ ଅଧ୍ୟକ୍ଷ ପଦ ପାଇଁ ଯେଉଁ ବୈଠକ ହେଉଛି ସେଥିରେ ରାହୁଲ କି ମୋର କୌଣସି ଭୂମିକା ଆବଶ୍ୟକ ନାହିଁ। ଏତିକି କହି ସୋନିଆ ବାହାରକୁ ଆସିବା ପରେ ସିଡବ୍ଲୁସି ବୈଠକ ଶେଷ ହୋଇଥିବା କୁହାଯାଉଛି। ଅନ୍ୟପଟେ କଂଗ୍ରେସ ଯେଉଁ ୫ଟି ଭାଗରେ ବାଣ୍ଟି ହୋଇ ଯାଇଛି ସେମାନଙ୍କ ମଧ୍ୟରେ ଅଧ୍ୟକ୍ଷ ପଦକୁ ନେଇ ତର୍ଜମା ଚାଲିଥିବା କୁହାଯାଉଛି। ଅଧିକାଂଶ କଂଗ୍ରେସ ନେତା ଅଧ୍ୟକ୍ଷ ପଦ ପାଇଁ ରାହୁଲଙ୍କ ନା
ନେଉଥିବା ଶୁଣିବାକୁ ମିଳିଛି। ତେବେ ପୁଣି ଥରେ କଂଗ୍ରେସ ଅଧ୍ୟକ୍ଷ ପଦକୁ ନେଇ ଅଙ୍କକଷା ସରି ନ ଥିବା କୁହାଯାଉଛି। ସୂଚନାଯୋଗ୍ୟ, ଗତ ଲୋକ ସଭା ନିର୍ବାଚନରେ ପରାଜୟ ହେବା ପରେ ମେ’ ମାସରେ ରାହୁଲ କଂଗ୍ରେସ ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ ସୁଦ୍ଧା ଏପର୍ଯ୍ୟନ୍ତ ତାହା ପୁରଣ ହୋଇ ନାହିଁ। ଏହା କଂଗ୍ରେସର ଦୁର୍ବଳତା ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି।
