ଦିଗପହଣ୍ଡି,୩୧ା୧୦(ଡି.ଏନ.ଏ.)-ଦିଗପହଣ୍ଡି ବ୍ଲକ ବମକେଇ ଗଁା ପତିତପାବନ ସାହିର ବିଜୟ କୁମାର ପ୍ରଧାନଙ୍କ ଘରୁ ଦୁର୍ବୃତ୍ତମାନେ ମଙ୍ଗଳବାର ରାତିରେ ପ୍ରାୟ ୪ ଭରି ଓଜନର ସୁନାଗହଣା, ୪୦ ହଜାର ଟଙ୍କା ଓ ମୋବାଇଲ ଫୋନ ଲୁଟି ନେଇଛନ୍ତି। ବିଜୟଙ୍କ ଏତଲାକୁ ଭିତ୍ତି କରି କେ.ନୂଆଗାଁ ପୋଲିସ ନଂ. ୨୧୫/୧୯ ରେ ମାମଲା ରୁଜୁ କରିଛିି। ବ୍ରହ୍ମପୁରରୁ ଆସିଥିବା ସନ୍ଧାନୀ କୁକୁର ଓ ସାଇଣ୍ଟିଫିକ ଟିମ୍ ପହଞ୍ଚତ୍ ତଦନ୍ତ କରିଥିଲେ ମଧ୍ୟ ଦୁର୍ବୃତ୍ତଙ୍କ ସୁରାକ ମିଳି ନ ଥିବା ତଦନ୍ତକାରୀ ଅଧିକାରୀ ଏସ୍ଆଇ ଜ୍ଞାନରଞ୍ଜନ ସେଠୀ କହିଛନ୍ତି। ବିଜୟ ରାତ୍ରିଭୋଜନ ସାରି ପରିବାର ଲୋକଙ୍କ ସହ ଘରର ୨ୟ ବଖରାରେ ଶୋଇଥିଲେ। ପରିବାର ଲୋକେ ସକାଳୁ ଉଠି ଦେଖିବା ବେଳକୁ ଘର ବାରିପଟ କବାଟ ଭାଙ୍ଗି ଦୁର୍ବୃତ୍ତମାନେ ଆଲମିରା ଓ ଟ୍ରଙ୍କ ଚାବି ତାଡ଼ି ଟଙ୍କା ଓ ସୁନଗହଣା ଲୁଟି ନେବା ସହ ଅନ୍ୟାନ୍ୟ ଆସବାବପତ୍ର ଫିଙ୍ଗା ଫୋପଡା କରିଦେଇଥିଲେ। ବିଜୟ ଏ ନେଇ ଥାନାରେ ଅଭିଯୋଗ କରିଥିଲେ। ବିଜୟଙ୍କ ପଡ଼ିଶାରେ ରହୁଥିବା ତାଙ୍କ ଭାଇ ଭାସ୍କରଙ୍କ କବାଟ ଭାଙ୍ଗି ଦୁର୍ବୃତ୍ତ ଚୋରି ଉଦ୍ୟମ କରିଥିଲେ ମଧ୍ୟ ଘରେ ପଶି ପାରି ନ ଥିବା ଜଣାପଡ଼ିଛି।
