ସାରା ବିଶ୍ୱରେ ବର୍ତ୍ତମାନ କରୋନା ଭାରଇସ୍କୁ ନେଇ ଭୟର ବାତାବରଣ ସୃଷ୍ଟି ହୋଇଛି। ପ୍ରତିଦିନ ରୋଗୀଙ୍କ ସଂଖ୍ୟା ମଧ୍ୟ ବଢ଼ିଚାଲିଛି। ବର୍ତ୍ତମାନ ସୁଦ୍ଧା ଭାରତରେ ୩ ହଜାରରୁ ଊର୍ଦ୍ଧ୍ୱ ଲୋକ କାରୋନା ଭାଇରସ୍ରେ ଆକ୍ରାନ୍ତ ହୋଇସାରିଛନ୍ତି। ଏହାକୁ ଦୃଷ୍ଟିରେ ରଖି କେନ୍ଦ୍ର ସରକାରଙ୍କ ପକ୍ଷରୁ ଦେଶରେ ୨୧ ଦିନିଆ ଲକ୍ଡାଉନ୍ ଘୋଷଣା କରାଯାଇଛି। ମାତ୍ର ଅତ୍ୟାବଶ୍ୟକୀୟ ସାମଗ୍ରୀ ଯଥା ରାଶନ ଜିନିଷ, ଫଳ, ପନିପରିବା, ଔଷଧ ଦୋକାନ, ଡାକ୍ତରଖାନା, ବ୍ୟାଙ୍କ ସେବା ଆଦି ଖୋଲାରହିଛି। ଏହି ପରିସ୍ଥିତିରେ ଜଣେ ବ୍ୟାଙ୍କ କର୍ମଚାରୀ କରୋନାରୁ ବର୍ତ୍ତିବା ଲାଗି ଏମିତି ଏକ ପଦକ୍ଷେପ ନେଇଛନ୍ତି, ଯାହା ଦେଖିଲେ ନିଶ୍ଚିତ ପ୍ରଶଂସା କରିବେ। ଏହାର ଏକ ଭିଡିଓ ସୋସିଆଲ ମିଡିଆରେ ଏବେ ଭାଇରାଲ ହୋଇଛି।
ଭିଡିଓରେ କ୍ୟାସିୟର ଜଣକ ବହୁ ସତର୍କତା ଅବଲମ୍ବନ କରୁଥିବା ଦେଖିବାକୁ ମିଳିଛି। ସେ ଗ୍ରାହକଙ୍କଠାରୁ ସିଧାସଳଖ ରସିଦ୍ ନ ନେଇ ଏକ ଟୁଇଜର ଜରିଆରେ ନେଉଛନ୍ତି। ପରେ ଏହି ରସିଦ୍କୁ ଏକ ଆଇରନ୍ କରୁଛନ୍ତି। ଉକ୍ତ ବ୍ୟାଙ୍କ କର୍ମଚାରୀ ଜଣକ ହାତରେ ଗ୍ଲୋଭ୍ସ ବ୍ୟବହାର କରୁଥିବା ଭିଡିଓରେ ଦେଖିବାକୁ ମିଳିଛି।
ଉକ୍ତ ଭିଡିଓଟିକୁ ପଙ୍କଜ ନୈନ୍ ନାମକ ଜଣେ ଆଇପିଏସ ଅଧିକାରୀ ତାଙ୍କ ଟୁଇଟର ଆକାଉଣ୍ଟରେ ଶେୟାର କରିବା ସହ ପ୍ରଶଂସା ମଧ୍ୟ କରିଛନ୍ତି। ଭିଡିଓଟି ଏପ୍ରିଲ ୪ରେ ଶେୟାର ହୋଇଥିବା ବେଳେ ବର୍ତ୍ତମାନ ସୁଦ୍ଧା ଏହାକୁ ୮ ହଜାର ୟୁଜର ଦେଖିସାରିଲେଣି। ଏଥି ସହିତ ବହୁ ୟୁଜର ବ୍ୟାଙ୍କ କର୍ମଚାରୀଙ୍କ ଏଭଳି କାର୍ଯ୍ୟକୁ ଢେର୍ ପ୍ରଶଂସା କରିଛନ୍ତି।
Salute to the creativity of this Bank cashier 👍
Killing all viruses 👌👌#AmazingIndians pic.twitter.com/cKaRNixd48— Pankaj Nain IPS (@ipspankajnain) April 4, 2020
