ବଲାଙ୍ଗୀର ଅଫିସ, ୨୨ା୫-ସାରା ଓଡିଶାରେ ସାବିତ୍ରୀ ବ୍ରତଧାରୀ ମହିଳାମାନେ ଉତ୍ସାହର ସହ ଏହି ଦିନକୁ ପାଳନ କରୁଛନ୍ତି ା ଏହି ଅବସରରେ ବଲାଙ୍ଗିରରେ ମଧ୍ୟ ସଧବାମାନଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି। ଶୁକ୍ରବାର ସକାଳୁ ସହରର ବିଭିନ୍ନ ସ୍ଥାନରେ ବ୍ରତପୂଜାର ଆୟୋଜନ ହୋଇଛି। ଏଥିପାଇଁ ମଧ୍ୟ ବେଶ ଭିଡ ପରିଲକ୍ଷିତ ହୋଇଛି। ସମ୍ପ୍ରତି କରୋନା କଟକଣା ଏହି ପର୍ବକୁ ଅଟକାଇ ପାରିନାହିଁ। ହେଲେ ମହିଳାମାନେ ବେଶ ସତର୍କତା ଅବଲମ୍ବନ କରିଥିବା ପରିଲକ୍ଷିତ ହୋଇଛି। ସହରର ତୁଳସୀନଗରପଡାରେ ମହିଳାମାନେ କୋଭିଡ-୧୯କୁ ଦୃଷ୍ଟିରେ ରଖି ମାସ୍କ ପିନ୍ଧି ପୂଜାର୍ଚ୍ଚନା କରିଛନ୍ତି। ସାନିଟାଇଜର୍ ବ୍ୟବହାର କରିବା ସହ ଏହି ପରମ୍ପରାକୁ ବଜାୟ ରଖିଛନ୍ତି। ବଲାଙ୍ଗିର ଅରେଞ୍ଜ ଜୋନ ଥିଲେ ହେଁ ଲୋକଙ୍କ ମଧ୍ୟରେ ଦିନକୁ ନେଇ ବେଶ ଉତ୍ସାହ,ଉଦ୍ଦୀପନା ଓ ଖୁସିର ବାତାବରଣ ଥିବା ଦେଖାଯାଇଛି। ଲଗ୍ନ ଅନୁଯାୟୀ ସଧବା ବ୍ରତଧାରୀମାନେ ପୂଜା ଶେଷ ପରେ ସତ୍ୟବାନମାନଙ୍କୁ ଗୋଡ ଧୋଇ ପୂଜା କରିବାର ପରମ୍ପରାକୁ ପାଳନ କରିଛନ୍ତି।
