କଷ୍ଟ୍ୟୁମ ଡିଜାଇନ୍‌ର ମୂଲ୍ୟ ଏବେ ଆଉ ନାହିଁ

ଫିଲ୍ମ ନିର୍ମାଣ ପୂର୍ବରୁ ଗୋଟିଏ ମିଳିତ ବୈଠକ ଡକାଯାଉଥିଲା। ପ୍ରଯୋଜକ, ନିର୍ଦ୍ଦେଶକଙ୍କ ସମେତ ବାକି ସମସ୍ତ ବିଭାଗର ଲୋକ ଉପସ୍ଥିତ ରହୁଥିଲେ। କେଉଁ ସ୍ଥାନରେ ଶୁଟିଂ ହେବ, କ’ଣ ପିନ୍ଧିଲେ ଭଲ ଦେଖାଯିବ ତାହା ଆଲୋଚନା ହେଉଥିଲା। ଶୁଟିଂର ମାସକ ପୂର୍ବରୁ ଆମେ ଚିନ୍ତାରେ ରହୁଥିଲୁ ଏହି ଫିଲ୍ମ ନିମନ୍ତେ କ’ଣ ସ୍ବତନ୍ତ୍ର ପୋଷାକ ତିଆରି କରିବୁ, ଯାହା ଏହି ଫିଲ୍ମରେ ମାର୍କେଟ ନେବ। ହେଲେ ଏବେ ସେମିତି କିଛି ନାହିଁ। ଦୁଇଦିନ ପରେ ଶୁଟିଂ ଥିବ, ଆଜି ଫୋନ କଲ ଆସୁଛି ପ୍ରସ୍ତୁତ ରୁହ ଶୁଟିଂ ପାଇଁ। ଶୁଟିଂ ଲୋକେଶନ ହଠାତ୍‌ ବଦଳାଇ ଦିଆଯାଉଛି। ସେମାନେ ଚିନ୍ତା କରୁ ବି ନାହାନ୍ତି, ଲୋକେଶନ ବଦଳିଗଲେ ତାହା ପୋଷାକ ଉପରେ ମଧ୍ୟ ପ୍ରଭାବ ପଡ଼େ। କେବଳ ପେଟ ପୋଷିବା ପାଇଁ ଏବେ ଏହି ରଙ୍ଗିନ ଦୁନିଆରେ ପୋଷାକ କାମ କରୁଛି। ନଚେତ୍‌ କଷ୍ଟ୍ୟୁମ ଡିଜାଇନ କିମ୍ବା ଡିଜାଇନରଙ୍କ ମୂଲ୍ୟ ଏବେ କିଛି ନାହିଁ କହିଲେ ଚଳେ। ଏହା ଚ୍ୟାଲେଞ୍ଜର ସହ କହିପାରିବି ଯେ, ସ୍ବପ୍ନ ସାଗର, ଯାହାକୁ ରଖିବେ ଅନନ୍ତ, ସହରୀ ବାଘ, ପୁଅ ମୋର କଳା ଠାକୁର କିମ୍ବା ଆସୁଛି ମୋ କାଳିଆ ସୁନା ଚଳଚ୍ଚିତ୍ରରେ ଯେଉଁଭଳି ଭାବେ କଷ୍ଟ୍ୟୁମ ଡିଜାଇନ କରାଯାଇଥିଲା ତାହା ବର୍ତ୍ତମାନ ସିନେ ଦୁନିଆରେ କାମ କରୁଥିବା ଆଗ ଧାଡ଼ିର ନିର୍ଦ୍ଦେଶକ କିମ୍ବା ପ୍ରଯୋଜକମାନଙ୍କ ଚିନ୍ତା କରିବାଠାରୁ ଊର୍ଦ୍ଧ୍ୱରେ। ଫିଲ୍ମ ହିଟ୍‌ କିମ୍ବା ଫ୍ଲପ୍‌ ହେବା ଦିଗରେ ପୋଷାକର ପ୍ରଭାବ ମଧ୍ୟ ରହିଥାଏ। ଏ କଥା କହିଛନ୍ତି ଓଡ଼ିଆ ଚଳଚ୍ଚିତ୍ର ଜଗତର ବର୍ଷୀୟାନ କଷ୍ଟ୍ୟୁମ ଡିଜାଇନର ନିର୍ମଳ ଦାଶ। ଏବେ ସୁଦ୍ଧା ପ୍ରାୟ ୩୦୦ ଚଳଚ୍ଚିତ୍ର ପାଇଁ ନିର୍ମଳ ପୋଷାକ ଦାୟିତ୍ୱ ତୁଲାଇ ସାରିଲେଣି। ୪୨ବର୍ଷର କ୍ୟାରିୟର ଭିତରେ ତିନିଥର ସେ ରାଜ୍ୟ ଚଳଚ୍ଚିତ୍ର ପୁରସ୍କାର ପାଇଛନ୍ତି। ଏହି ରଜରେ ମୁକ୍ତିଲାଭ କରିଥିବା ତୁ ମୋ ଲଭଷ୍ଟୋରି-୨ରେ ମଧ୍ୟ ସେ ପୋଷାକ ଦାୟିତ୍ୱରେ ଥିଲେ।
କଳାଧଳା ଚଳଚ୍ଚିତ୍ର ଯାଯାବରରେ ସେ ସହକାରୀ କଷ୍ଟ୍ୟୁମ ଡିଜାଇନର ଭାବେ କାମ କରିବା ଆରମ୍ଭ କରିଥିଲେ। ମୁଖ୍ୟ ଦାୟିତ୍ୱରେ ଥାନ୍ତି ସନତ କୁମାର ଗାଙ୍ଗୁଲୀ। ହେଲେ ସନତ ଶୁଟିଂ ଅଧାରୁ କାମ କରିବେ ନାହିଁ ବୋଲି ମନା କରି ଦେଇଥିଲେ। ଫଳରେ ସବୁ ଦାୟିତ୍ୱ ନିର୍ମଳଙ୍କ କାନ୍ଧରେ ଦିଆଗଲା। ଏହା ହିଁ ତାଙ୍କ ପ୍ରଥମ ଫିଲ୍ମ। ନିର୍ମଳ କୁହନ୍ତି, ସେ ସମୟରେ ଗୋଟିଏ ଫିଲ୍ମ ନିର୍ମାଣ କରିବାକୁ ହେଲେ କ୍ୟାମେରା, ଲାଇଟ ଓ ସାଉଣ୍ଡ କଲିକତା, ବମ୍ବେ କିମ୍ବା ମାଡ୍ରାସରୁ ଆସୁଥିଲା। ପୋଷାକ ପାଇଁ ମଧ୍ୟ କଲିକତା ଉପରେ ନିର୍ଭର କରିବାକୁ ପଡ଼ୁଥିଲା। ତେଣୁ କଟକରେ ପୋଷାକ ତିଆରି କରି ଓଡ଼ିଆ ସିନେ ଜଗତରେ ଏକ ବିପ୍ଳବ ଅଣାଯାଇଥିଲା। ଫଳରେ କମ୍‌ ଖର୍ଚ୍ଚ ଓ କମ୍‌ ସମୟରେ ଗୋଟିଏ ଫିଲ୍ମ ପାଇଁ ପୋଷାକ ପ୍ରସ୍ତୁତ ସମ୍ଭବ ହୋଇଥିଲା। ଉତ୍ତରଦାୟୀ, ଦାମିନୀ, ତୁଳସୀ, ଅପା, ରାଣୀ ଭଳି ଅନେକ ଓଡ଼ିଆ ସିରିଏଲ ପାଇଁ ମଧ୍ୟ ସେ ପୋଷାକ ଦାୟିତ୍ୱ ତୁଲାଇଛନ୍ତି। ଭେଟେରାନ ମୁଭି ମେକର ବସନ୍ତ ନାୟକ ତାଙ୍କ ଚଳଚ୍ଚିତ୍ର ନାଗଫାଶଠାରୁ ଆରମ୍ଭ କରି ୧୪୩ ଆଇ ଲଭ ୟୁ ଚଳଚ୍ଚିତ୍ର ନିର୍ମାଣ ପର୍ଯ୍ୟନ୍ତ ସେ ସବୁବେଳେ ନିର୍ମଳଙ୍କୁ ହିଁ ଖୋଜିଛନ୍ତି। ୪୨ମୌଜା ବେଣ୍ଟକାରରେ ରହୁଥିବା ନିର୍ମଳ ଏବେ ବି ସିନେ ଦୁନିଆ ସହ ଜଡ଼ିତ। ତାଙ୍କ ପୁଅ ରାଜା ଦାଶ ଓଡ଼ିଆ ଚଳଚ୍ଚିତ୍ର ଜଗତର ଜଣେ ଯୁବ ନିର୍ଦ୍ଦେଶକ ଭାବେ ପରିଚିତ।
-ରିପୋର୍ଟ: କୁମାରଶ୍ରୀ ସାହୁ


Enter your email to get our daily news in your inbox.

All Right Reserved By Dharitri.Com

ଏକାଠି କ୍ରିତି, କବୀର

ମୁମ୍ବାଇ: ଅଭିନେତ୍ରୀ କ୍ରିତି ସାନୋନ୍‌ ତାଙ୍କ ପ୍ରେମ ସମ୍ପର୍କକୁ ନେଇ ଗତ କିଛି ଦିନ ହେବ ଚର୍ଚ୍ଚାରେ ରହିଛନ୍ତି। କୋଟିପତି ବ୍ୟବସାୟୀ କବୀର ବାହିଆଙ୍କୁ କ୍ରିତି ଡେଟ୍‌...

ସାରା ଓଡ଼ିଶାରେ ଶୁଭୁଛି chi chi chi re nani chi, ରହସ୍ୟ ଜାଣି ହେବେ ତାଜୁବ!

ଭୁବନେଶ୍ୱର,୧୩।୧: ଛି ଛି ଛିରେ ନନୀ ଛି ଛି’…ଏବେ ଯେଉଁଠି ଶୁଣିବ ସେଇଠି ଶୁଭୁଛି ଏଇ ଗୀତ। ପିଲାଠୁ ବୁଢା ଯାଏ ସବୁଠି ଧନକେ ଦେଖିଲୁ...

ଜିମ୍‌ରେ ରଶ୍ମିକା ଆହତ

ବେଙ୍ଗାଲୁରୁ: ଅଭିନେତ୍ରୀ ରଶ୍ମିକା ମନ୍ଦାନାଙ୍କ ଗୋଡ଼ରେ ଆଘାତ ଲାଗିଛି। ସେ ଇନ୍‌ଷ୍ଟାଗ୍ରାମରେ ଏକ ପୋଷ୍ଟ କରି ୪ଟି ଫଟୋ ଶେୟାର କରିବା ସହ ଏହି ସୂଚନା ଦେଇଛନ୍ତି।...

୪୫ ବର୍ଷ ବୟସରେ ଲୁଚାଛପାରେ ବିବାହ କଲେ ପ୍ରଭାସ !

ହାଇଦ୍ରାବାଦ: ଆଜିକାଲି ବେଶ ଚର୍ଚ୍ଚାରେ ଦକ୍ଷିଣ ଭାରତୀୟ ସୁପରଷ୍ଟାର ପ୍ରଭାସ। ସୋସିଆଲ ମିଡିଆରେ ଏବେ ପ୍ରଭାସ ଲୁଚାଛପାରେ ବିବାହ କରିଦେବା ଖବର ଭାଇରାଲ ହେଉଛି। ନିକଟରେ...

‘ଫତେହ’କୁ ପଛରେ ପକାଇଲା ‘ଗେମ୍‌ ଚେଞ୍ଜର’

ମୁମ୍ବାଇ: ଅଭିନେତା ସୋନୁ ସୁଦଙ୍କ ‘ଫତେହ’ ଓ ସାଉଥ୍‌ ସୁପରଷ୍ଟାର ରାମ ଚରଣଙ୍କ ‘ଗେମ୍‌ ଚେଞ୍ଜର’ ଶୁକ୍ରବାର ଏକସଙ୍ଗେ ବକ୍ସ ଅଫିସରେ ରିଲିଜ୍‌ ହୋଇଥିଲା। ତେବେ ରିଲିଜ୍‌...

ହୃଦଘାତ ନୁହେଁ, ଟିକୁ ତଲସାନିଆଙ୍କର ହୋଇଛି ବ୍ରେନ୍‌ ଷ୍ଟ୍ରୋକ୍‌; ଚିନ୍ତାରେ ପ୍ରଶଂସକ

ମୁମ୍ବାଇ: ବଲିଉଡର ଖ୍ୟାତନାମା ଅଭିନେତା ଟିକୁ ତଲସାନିଆ ଅସୁସ୍ଥ। ବ୍ରେନ୍‌ ଷ୍ଟ୍ରୋକ୍‌ ହେବା ଯୋଗୁ ତାଙ୍କୁ ଡାକ୍ତରଖାନାରେ ଭର୍ତ୍ତତ କରାଯାଇଛି। ଶନିବାର ସକାଳେ ଅଭିନେତାଙ୍କୁ ହୃଦଘାତ...

ପ୍ରେମାନନ୍ଦ ମହାରାଜଙ୍କ ଶରଣ ପଶିଲେ ବିରୁଷ୍କା: ମାଗିଲେ ୨ ଜିନିଷ

ନୂଆଦିଲ୍ଲୀ,୧୦।୧: ଟିମ ଇଣ୍ଡିଆର କିମ୍ବଦନ୍ତୀ ବ୍ୟାଟ୍ସମ୍ୟାନ ବିରାଟ କୋହଲିଙ୍କ ପାଇଁ ଅଷ୍ଟ୍ରେଲିଆ ଗସ୍ତ କିଛି ବିଶେଷ ନ ଥିଲା। ବର୍ଡର-ଗାଭାସ୍କର ଟେଷ୍ଟ ସିରିଜରେ ଟିମ ଇଣ୍ଡିଆକୁ...

ଛାଡପତ୍ର ନେଇ ଇସାରା ଦେଲେ ଚହଲ! କହିଲେ ଏହା ସତ…

ନୂଆଦିଲ୍ଲୀ,୧୦।୧: ଟିମ ଇଣ୍ଡିଆର ଖେଳାଳି ୟୁଜବେନ୍ଦ୍ର ଚହଲ ଏବଂ ଧନଶ୍ରୀ ଆଜିକାଲି ନିଜ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଅଛନ୍ତି। କିଛି ସମୟ ଧରି ଏହି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri