କେନ୍ଦ୍ରାପଡା ଅଫିସ, ୧୬।୬- କେନ୍ଦ୍ରାପଡା ଜିଲାରେ ମଙ୍ଗଳବାର ୯ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଫଳରେ ଏବେ ଜିଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୮୫ରେ ପହଞ୍ଚିଛିା ଆକ୍ରାନ୍ତଙ୍କ ମଧ୍ୟରୁ ୩ ଜଣ ନିକଟରେ ସଂଗରୋଧ କେନ୍ଦ୍ରରୁ ଯାଇ ନିଜ ଘରେ ଥିବା ବେଳେ ଅବଶିଷ୍ଟ ଜିଲାର ବିଭିନ୍ନ ସଂଗରୋଧ କେନ୍ଦ୍ରରେ ଥିଲେ ା ଆକ୍ରାନ୍ତଙ୍କୁ ଚିକିତ୍ସା ପାଇଁ ଛତାସ୍ଥିତ କୋଭିଡ ଚିକିତ୍ସାଳୟକୁ ନିଆଯାଇଛି ା ଏନେଇ ଜିଲାପାଳ ସମର୍ଥ ବର୍ମା ସୂଚନା ଦେଇଛନ୍ତି। ସେ କହିଛନ୍ତି, ନୂଆ ୩ ଚିହ୍ନଟ ନିଜ ଘରେ ସଂଗରୋଧ ନିୟମରେ ରହୁଥିବାରୁ ଗୋଷ୍ଠୀ ସଂକ୍ରମଣର ଆଶଙ୍କା ନାହିଁ ା ତେବେ ସେମାନଙ୍କ ପରିବାର ସଦସ୍ୟଙ୍କ ସ୍ବାବ ନମୁନା ସଂଗ୍ରହ ହୋଇଛି ା ସ୍ଥାନୀୟ ଅଞ୍ଚଳକୁ ବିଶୋଧିତ କରାଯାଇଛି ା ଏଥିସହ ସୋମବାରଠାରୁ ଜିଲାରେ କରୋନା ସମ୍ପର୍କୀୟ ଟିକିନିକି କାର୍ଯ୍ୟ ଆରମ୍ଭ ହୋଇଯାଇଛି ା ଏଥିରେ ଆଶାକର୍ମୀ ଓ ସ୍ବାସ୍ଥ୍ୟକର୍ମୀମାନେ ନିୟୋଜିତ ହୋଇଛନ୍ତି ା ଜିଲାରେ ମୋଟ ୧୮୫ ଆକ୍ରାନ୍ତଙ୍କ ମଧ୍ୟରୁ ୧୬୩ ଜଣ ସୁସ୍ଥ ହୋଇଥିବାବେଳେ ମାତ୍ର ୨୨ ଜଣ କରୋନା ଆକ୍ରାନ୍ତ ଚିକିତ୍ସିତ ହେଉଥିବା ଜିଲାପାଳ ସୂଚନା ଦେଇଛନ୍ତି ା
