ଆବଶ୍ୟକ ସାମଗ୍ରୀ: ନଡ଼ିଆ କୋରା ୨୫୦ମିଲି.ଗ୍ରାମ୍, ଏକ କପ୍ କ୍ଷୀର, ଏକ କପ୍ ରାବିଡି କିମ୍ବା ମିଲ୍କମେଡ୍, ୩-୪ଟି ଗୁଜୁରାତିର ଗୁଣ୍ଡ, ଅଧା ଚାମଚ ଗୋଲାପଜଳ, ଏକ କପ୍ ଚିନି, ୨-୩ ଟେବଲ୍ ସ୍ପୁନ୍ ଘିଅ, ୮-୧୦ଟି ଖଣ୍ଡ କାଜୁ, ଅଳ୍ପ କେଶର।
ପ୍ରସ୍ତୁତି ପ୍ରଣାଳୀ: ଚୁଲାରେ କ୍ଷୀର ଗରମ କରି ସେଥିରେ ନଡ଼ିଆ କୋରା ପକାଇ ଭଲ ଭାବେ ଗୋଳାଇ ଏକ ଘଣ୍ଟା ରଖିଦିଅନ୍ତୁ। ଏବେ ଏକ ପ୍ୟାନ୍ରେ ଘିଅ ପକାଇ ଗରମ କରନ୍ତୁ। ଏଥିରେ ପୂର୍ବରୁ ରଖାଯାଇଥିବା ନଡ଼ିଆକୋରା ପକାଇ ୨-୩ ମିନିଟ୍ ପର୍ଯ୍ୟନ୍ତ ଘାଣ୍ଟନ୍ତୁ। ଏଥିରେ ରାବିଡି କିମ୍ବା ମିଲ୍କମେଡ୍ ପକାଇ ଅଳ୍ପ ଆଞ୍ଚରେ ଘାଣ୍ଟନ୍ତୁ। ଚିନି ଏବଂ ଗୁଜୁରାତି ଗୁଣ୍ଡ ପକାଇ ୨୦ରୁ ୨୫ ମିନିଟ୍ ଗୋଳାନ୍ତୁ। ମିଶ୍ରଣ ଅଠାଳିଆ ହୋଇଯିବା ପରେ ଗୋଲାପ ଜଳ ପକାଇ ପୁଣି ଘାଣ୍ଟନ୍ତୁ। ବର୍ତ୍ତମାନ ଏକ ଟ୍ରେ କିମ୍ବା ପ୍ଲୋଟ୍ରେ ଘିଅ ଲଗାଇ ତା’ ଉପରେ ଏହି ମିଶ୍ରଣକୁ ରଖି ଛୁରି କିମ୍ବା ଚାମଚ ସାହାଯ୍ୟରେ ସମାନ କରି ଦିଅନ୍ତୁ । ଏହା ଉପରେ କେଶର ଏବଂ ଖଣ୍ଡ କାଜୁ ପକାଇ ଥଣ୍ଡା ହେବାକୁ ଛାଡି ଦିଅନ୍ତୁ। ଏହା ପରେ ନିଜ ପସନ୍ଦ ମୁତାବକ ଆକାରରେ କାଟି ଖାଇବାକୁ ଦିଅନ୍ତୁ।
