ପ୍ୟାରିସ,୧୭।୪(ଏଏଫ୍ପି): କୋଭିଡ-୧୯ ମହମାରୀ କାରଣରୁ ବର୍ଲିନ ଫର୍ମୁଲା ଇ ଗ୍ରାଁ ପ୍ରିକୁ ସ୍ଥଗିତ ରଖାଯାଇଛି। ଏହା ଜୁନ୍ ୨୧ ତାରିଖରେ ଆରମ୍ଭ ହେବାର କାର୍ଯ୍ୟକ୍ରମ ଥିଲା। ତେବେ ଏହାକୁ ଘୁଞ୍ଚାଇ ଦିଆଯାଇଛି ବୋଲି ଆୟୋଜକମାନେ ସୂଚନା ଦେଇଛନ୍ତି। ପଞ୍ଚମ ରେସ୍ ଭାବେ ଏହି ଇଭେଣ୍ଟକୁ ସ୍ଥଗିତ ରଖାଯାଇଛି। ଏହାପୂର୍ବରୁ ରୋମ, ପ୍ୟାରିସ୍, ସିଓଲ ଓ ଜାକାର୍ତ୍ତା ରେସ୍କୁ କରୋନା ଭାଇରସ ସଂକ୍ରମଣ କାରଣରୁ ସ୍ଥଗିତ ରଖାଯାଇଥିଲା। ଏହି ଭାଇରସର ସଂକ୍ରମଣକୁ ରୋକିବା ପାଇଁ ବିଶ୍ୱବ୍ୟାପୀ ସରକାରମାନେ ପ୍ରୟାସ ଜାରି ରଖିଛନ୍ତି। ଏପରିସ୍ଥଳେ କଣ୍ଟେନମେଣ୍ଟ ନିୟମକୁ ଆମେ ପାଳନ କରିବାକୁ ନିଷ୍ପତ୍ତି ନେଇଛୁ ବୋଲି ଆୟୋଜକମାନେ ସୂଚନା ଦେଇଛନ୍ତି। ତେବେ ଏହି ରେସ୍ ଆୟୋଜନ କରିବାକୁ ଓ ଶେଷ କରିବାକୁ ଆମେ ସବୁ ବିକଳ୍ପର ସନ୍ଧାନ କରିବୁ। ଆବଶ୍ୟକ ପଡିଲେ ରୁଦ୍ଧଦ୍ୱାରରେ ଏହି ରେସ୍ ଆୟୋଜନ କରିବାକୁ ପଛାଇବୁ ନାହିଁ ବୋଲି କୁହାଯାଇଛି।
