ବ୍ରିସବେନ,୧୦।୧- ଚଳିତ ବିଗ୍ ବାସ ଲିଗ୍ର ୨୯ ମ୍ୟାଚ୍ରେ ବ୍ରିସବେନ ହିଟ୍ ୫ ଉଇକେଟରେ ହାବର୍ଟ ହରିକେନ୍ସକୁ ହରାଇ ଦେଇଛି। ମ୍ୟାଚ୍ରେ ୧ ଉଇକେଟ ନେବା ସହ ଗୁରୁତ୍ୱପୂର୍ଣ୍ଣ ୪୩ ରନ୍ର ଅପରାଜିତ ଇନିଂସ ଖେଳିଥିବା ବେନ କଟିଂଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ବିବେଚିତ କରାଯାଇଥିଲା। ପରେ ସେ ଜଣାଶୁଣା ଉପସ୍ଥାପିକା ତଥା ପତ୍ନୀ ଇରିନ ହୋଲାଣ୍ଡଙ୍କ ସହ କଥା ହୋଇଥିଲେ। ତୁମେ ପର୍ଥରେ ଖେଳିବା ଓ ଶୋଇବାକୁ ବହୁତ ଭଲ ପାଅ ମୁଁ ଜାଣିଛି। ବିଶ୍ରାମ ନିଅ। ପର୍ଥରେ ଭଲ ଖେଳିବ। ନ ହେଲେ ଘରକୁ ଫେରିିବ ନାହିଁ ବୋଲି ହୋଲାଣ୍ଡ ସ୍ବାମୀ କଟିଂକୁ ସାକ୍ଷାତ୍କାରବେଳେ କହିଥିଲେ। ହାବର୍ଟ ହରିକେନ୍ସ ପକ୍ଷରୁ ଧାର୍ଯ୍ୟ ୧୨୭ ରନ୍ର ବିଜୟ ଲକ୍ଷ୍ୟକୁ ବ୍ରିସବେନ ହିଟ ୧୮.୨ ଓଭରରେ ୫ ଉଇକେଟ ହରାଇ ହାସଲ କରିନେଇଥିଲା।
