ଭାରତର ଅଭିଜ୍ଞ ଉଇକେଟ କିପର ବ୍ୟାଟ୍ସମ୍ୟାନ ଦିନେଶ କାର୍ତ୍ତିକ ଆଜି ୩୫ତମ ଜନ୍ମଦିନ ପାଳନ କରୁଛନ୍ତି। ମହେନ୍ଦ୍ର ସିଂ ଧୋନୀଙ୍କ ପରି ଦୀନେଶ କାର୍ତ୍ତିକ ତାଙ୍କର ଶେଷ ଅନ୍ତର୍ଜାତୀୟ ମ୍ୟାଚ ୨୦୧୯ ବିଶ୍ୱକପ ସେମିଫାଇନାଲରେ ଖେଳିଥିଲେ। କାର୍ତ୍ତିକଙ୍କୁ ୩୫ତମ ଜନ୍ମଦିନରେ ଅଭିନନ୍ଦନ ଜଣାଇଛି ଆଇସିସି ଏବଂ ବିସିସିଆଇ। ଏକଦା ଦୀନେଶ କାର୍ତ୍ତିକଙ୍କ ବ୍ୟକ୍ତିଗତ ଜୀବନକୁ ନେଇ ବେଶ୍ ଚର୍ଚ୍ଚାରେ ଥିଲେ। ଭାରତୀୟ କ୍ରିକେଟ ଖେଳାଳି ମୁରଲୀ ବିଜୟଙ୍କ ସହ ତାଙ୍କର ବିବାଦ କାହାକୁ ଅଛପା ନାହିଁ। ମୁରଲୀ ବିଜୟ ଦୀନେଶ କାର୍ତ୍ତିକଙ୍କୁ ବିଶ୍ୱାସଘାତକତା କରି ତାଙ୍କ ଗର୍ଭବତୀ ସ୍ତ୍ରୀଙ୍କୁ ବିବାହ କରିଥିଲେ ବୋଲି ଖବର ପ୍ରକାଶ ପାଇଥିଲା। ୨୦୦୭ରେ କାର୍ତ୍ତିକ ପିଲାଦିନର ବନ୍ଧୁ ନିକିତାଙ୍କୁ ବିବାହ କରିଥିଲେ। ୨୦୧୨ରେ ନିକିତା ଏବଂ ବିଜୟଙ୍କ ସାକ୍ଷାତ ହୋଇଥିଲା। ପରେ ଉଭୟଙ୍କ ପ୍ରେମ ସମ୍ପର୍କ ଆରମ୍ଭ ହୋଇଥିଲା। କାର୍ତ୍ତିକ ଏହା ଜାଣିବା ପରେ ନିକିତାଙ୍କୁ ଛାଡପତ୍ର ଦେଇଥିଲେ। ସେତେବେଳେ ସେ ଗର୍ଭବତୀ ଥିଲେ। ମୁରଲିଙ୍କୁ ବିବାହ କରିବା ପରେ ନିକିତା ଏକ ପୁତ୍ର ସନ୍ତାନ ଜନ୍ମ ଦେଇଥିଲେ। ସେପଟେ କାର୍ତ୍ତିକ ସ୍କ୍ବାସ୍ ଖେଳାଳି ଦୀପିକା ପାଲିକଲଙ୍କୁ ବିବାହ କରିଥିଲେ।
