ମୁମ୍ବାଇ: ବଲିଉଡ୍ ଅଭିନେତା ବିକି କୌଶଳ ନିଜ ପର୍ସନାଲ ଲାଇଫ୍କୁ ନେଇ ବିଟାଉନରେ ବେଶ୍ ଚର୍ଚ୍ଚାରେ ରହୁଛନ୍ତି। ହରଲୀନ ସେଟ୍ଟୀଙ୍କ ସହ ବ୍ରେକ୍ ଅପ୍ ପରେ କ୍ୟାଟରୀନା ଓ ଭୂମି ପେଦେନକରଙ୍କ ସହ ବିକିଙ୍କ ନଁା ଯୋଡା ହୋଇସାରିଛି। ହେଲେ ଏବେ କ୍ୟାଟରୀନା କି ଭୂମିଙ୍କୁ ନୁହେଁ ବରଂ ମାଲବିକା ମୋହନଙ୍କୁ ସେ ଡେଟ୍ କରୁଥିବା ଚର୍ଚ୍ଚା ହେଉଛି। ଫିଲ୍ମ ‘ବିୟଣ୍ଡ ଦ କ୍ଲାଉଡସ୍’ର ମୁଖ୍ୟ ଅଭିନେତ୍ରୀ ମାଲବିକାଙ୍କ ସହ ବିକିଙ୍କ ପ୍ରେମ ସମ୍ପର୍କ ଥିବା କୁହାଯାଉଛି। ସୂଚନାମୁତାବକ ବିକି, ସନୀ କୌଶଳ, ମାଲବିକା ଓ ତାଙ୍କ ଭାଇ ଉଭୟ ପରସ୍ପରଙ୍କୁ ପିଲାଦିନରୁ ଜାଣିଥିବା ବେଳେ ସେମାନଙ୍କ ଭିତରେ ଏକ ସ୍ପେଶାଲ ବଣ୍ଡିଂ ରହିଛି। ଏଥିଯୋଗୁ ବିକି ଓ ମାଲବିକା ବହୁ ଭଲ ସାଙ୍ଗ ମଧ୍ୟ। ବିକି ଯେତେ ବ୍ୟସ୍ତ ଥିଲେ ମଧ୍ୟ ସମୟ କାଢ଼ି ମାଲବିକାଙ୍କ ଘରକୁ ଲଞ୍ଚ କିମ୍ବା ଡିନରରେ ଯାଇଥାନ୍ତି। ମାଲବିକା ମୁମ୍ବାଇରେ ନିଜ ମା ବାପା ଓ ଭାଇଙ୍କ ସହ ରୁହନ୍ତି। ଗତ ଗୁରୁବାର ବିକି ଓ ସନି ମାଲବିକାଙ୍କ ଘରକୁ ଡିନର ପାଇଁ ଯାଇଥିଲେ। ସେହି ସମୟରେ ମାଲବିକା ନିଜ ଇଷ୍ଟାଗ୍ରାମରେ ଡିନର କରୁଥିବାର ଏକ ଭିଡିଓକୁ ଶେୟାର କରିଥିଲେ। ତେବେ ବିକି ପଞ୍ଜାବୀ ହୋଇଥିଲେ ମଧ୍ୟ ଗୁରୁବାର ଦିନ ସାଉଥ ଇଣ୍ଡିଆନ ଖାଦ୍ୟ ଖାଇବାକୁ ପସନ୍ଦ କରିଥାନ୍ତି। ବିଭିନ୍ନ ସମୟରେ ବିକି ମାଲବିକାଙ୍କୁ ଘରେ ଛାଡିବା ଆଣିବା, ଲଞ୍ଚରେ ନେବା ଓ ସେଟ୍ରେ ବିଭିନ୍ନ ସରପ୍ରାଇଜ୍ ଦେଇଥାନ୍ତି। ତେବେ ଏହାକୁ ଦେଖିଲେ ଦୁଜଣଙ୍କ ଭିତରେ ପ୍ରେମ ସମ୍ପର୍କ ଥିବା ଜଣାପଡ଼ୁଛି।
