ନିମାପଡ଼ା,୨୬ା୫(ଡି.ଏନ୍.ଏ.): ପୁରୀ ଜିଲା ନିମାପଡ଼ା ଥାନା ଅଞ୍ଚଳର ଏକ କ୍ୱାରାଣ୍ଟାଇନ୍ ସେଣ୍ଟରରେ ରହୁଥିବା ପ୍ରେମୀ ଯୁଗଳ ସୋମବାର ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ସୂଚନା ଅନୁଯାୟୀ, ଗତ ୪ମାସ ପୂର୍ବେ ଏହି ଥାନା ଅଞ୍ଚଳର ସୌରଭ ଦାସ ଓ ଡେଲାଙ୍ଗ ଥାନା ଅଞ୍ଚଳର ପିଙ୍କିରାଣୀ ଦାସ ଘର ଛାଡି ଗୁଜରାଟର ଅହମ୍ମଦାବାଦରେ ରହୁଥିଲେ। ସୌରଭ ସେଠାରେ ଏକ ପ୍ଲାଷ୍ଟିକ କମ୍ପାନୀରେ କାର୍ଯ୍ୟ କରୁଥିଲେ। କରୋନା ଲାଗି ଗତ ୧୦ତାରିଖରେ ଉଭୟେ ଅହମ୍ମଦବାଦରୁ ଫେରି ଉକ୍ତ କ୍ୱାରାଣ୍ଟାଇନ ସେଣ୍ଟରରେ ରହୁଥିଲେ। ସେମାନଙ୍କ ସ୍ବାବ୍ ପରୀକ୍ଷା କରାଯିବା ପରେ ରିପୋର୍ଟ ନେଗେଟିଭ ଆସିଥିଲା। ୧୫ଦିନ ରହିବା ପରେ ସେଣ୍ଟରରେ ବିବାହ କରି ଘରକୁ ଫେରିଥିଲେ। ସେଣ୍ଟର ଦାୟିତ୍ୱରେ ଥିବା ଶିକ୍ଷକ ମୋହନ ସାହୁ ବର ପିତା ଓ ଶିକ୍ଷକ ଭଗବାନ ସେଠୀ କନ୍ୟା ପିତା ଭାବେ କାର୍ଯ୍ୟ ସମ୍ପନ୍ନ କରିଥିଲେ।
