ଖର୍ଚ୍ଚ ଦାବି ଆଲୋଚନାରେ ସରକାରଙ୍କୁ ବିରୋଧ

ଭୁବନେଶ୍ୱର, ୧୬।୭(ବ୍ୟୁରୋ): ଗୃହରେ ରାଜସ୍ବ ଓ ବିପର୍ଯ୍ୟୟ ପରିଚାଳନା ଏବଂ ଅବକାରୀ ବିଭାଗର ଖର୍ଚ୍ଚ ଦାବି ଉପରେ ସୋମବାର ଅପରାହ୍ନରେ ଆଲୋଚନା ହୋଇଥିଲା। ଏହି ଆଲୋଚନାରେ ଉଭୟ ବିରୋଧୀ ଏବଂ ଶାସକ ଦଳର ସଦସ୍ୟ ଭାଗ ନେଇଥିଲେ। ବିରୋଧୀ ସଦସ୍ୟମାନେ ରାଜ୍ୟ ସରକାରଙ୍କ ବିଭିନ୍ନ ରାଜସ୍ବ ଓ ଅବକାରୀ ବିଭାଗର ସମସ୍ୟା ସମ୍ପର୍କରେ ମନ୍ତ୍ରୀଙ୍କ ଦୃଷ୍ଟିକୁ ଆଣିଥିଲେ। ଅମର ଶତପଥି ଠିଆ ହୋଇ ଗୃହର କାର୍ଯ୍ୟ ସମ୍ପର୍କରେ କିଛି ମନ୍ତବ୍ୟ ରଖିଥିଲେ। ରୁଲ୍‌ ୩୬ କଥା କହି ସେ କହିଥିଲେ ଯେ, ଆଜି ହେଉଛି ପ୍ରଶ୍ନ ଉତ୍ତର କାର୍ଯ୍ୟକ୍ରମ। ଅଧିକ ପ୍ରଶ୍ନ ଆସୁଥିବାରୁ ୧ ଘଣ୍ଟାରେ ଆଲୋଚନା ସରିପାରୁନାହିଁ। ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଆଜି ପ୍ରଶ୍ନକାଳ ଆରମ୍ଭ ସମୟରେ ଜଣେ ପାଟିକଲେ, ଯାହା ଠିକ୍‌ ନୁହେଁ। ଯାହା ପୂର୍ବାହ୍ନରେ ହୋଇଥିଲା ତାହାର ପୁନରାବୃତ୍ତି ନ ହେବା ଆବଶ୍ୟକ ବୋଲି ସେ କହିଛନ୍ତି। ଏହାର ବିରୋଧ କରି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ସଙ୍ଗେ ସଙ୍ଗେ ଅମର ଶତପଥୀଙ୍କ କଥାକୁ ବିରୋଧ କରିଥିଲେ। ସେ କହିଥିଲେ ଯେ, ବିରୋଧୀଙ୍କ ଅଧିକାର ଅଛି ସେମାନେ ରାଜ୍ୟର ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଯେକୌଣସି ସମୟରେ ଉଠାଇପାରିବେ। ଏହାପରେ ପ୍ରଥମେ ବାଚସ୍ପତି ରାଜସ୍ବ ଓ ବିପର୍ଯ୍ୟୟ ପରିଚାଳନା ଏବଂ ଅବକାରୀ ବିଭାଗର ଭୋଟ୍‌ ଅନ୍‌ ଡିମାଣ୍ଡ ପ୍ରସ୍ତାବ ଆଣିଥିଲେ। ଏହାପରେ ରାଜସ୍ବ ଏବଂ ଅବକାରୀ ବିଭାଗର ବ୍ୟୟ ମଞ୍ଜୁରୀ ବିଲ୍‌ ଉପରେ ଆଲୋଚନା ଆରମ୍ଭ ହୋଇଥିଲା। ପ୍ରଥମେ ଭାଜପା ବିଧାୟକ ବିଷ୍ଣୁ ସେଠୀ ରାଜସ୍ବ ଓ ଅବକାରୀ ବିଭାଗର ବିଭିନ୍ନ ଅନିୟମିତତା ନେଇ ସରକାରଙ୍କ ଉପରେ ବର୍ଷିଥିଲେ। ସେ କହିଥିଲେ ଯେ, ଅବକାରୀ ବିଭାଗ ସମ୍ପର୍କିତ ଯେଉଁ ଖର୍ଚ୍ଚ ଆଗତ ହୋଇଛି ତାକୁ ସେ ସମର୍ଥନ କରୁନାହାଁନ୍ତି। ବିଭାଗର ଖର୍ଚ୍ଚ ସମ୍ପର୍କରେ ମନ୍ତ୍ରୀ ଯେଉଁସବୁ ଚିତ୍ର ଦର୍ଶାଇଛନ୍ତି ସେ ବିଷୟରେ ସମସ୍ତଙ୍କୁ ଜଣାଅଛି। ଏ ପର୍ଯ୍ୟନ୍ତ ରାଜସ୍ବ ବିଭାଗ ରାଜ୍ୟରେ ଖାଲି ପଡିଥିବା ଆର୍‌ଆଇ, ଅମିନ ପଦବୀ ପୂରଣ କରିପାରୁନାହିଁ। ତହସିଲ୍‌ ଅଫିସ୍‌ ଗଲେ ସବୁଥିପାଇଁ ଲାଞ୍ଚ ଦେବାକୁ ପଡୁଛି। ଓଡିଶାର ଉପକୂଳ ଅଞ୍ଚଳରେ ବାତ୍ୟା ଓ ବନ୍ୟା ସବୁବେଳେ ଲାଗି ରହିଛି। ସାଳନ୍ଦୀ ଏବଂ ବୈତରଣୀ ନଦୀରେ ବୋଟ୍‌ ଚାଲିପାରୁନି। ସେହିପରି ଜଗନ୍ନାଥ ଜମିର ବ୍ୟବହାର ଏବଂ ସେଥିରୁ ରାଜସ୍ବ ଆଦାୟ ସମ୍ପର୍କରେ ସେ କହିଛନ୍ତି। ଅନ୍ୟପଟେ ଭଦ୍ରକ ମଦ ମୃତ୍ୟୁ କଥା ଉଠାଇ ସେ ସରକାରଙ୍କ ଉପରେ ବର୍ଷିଥିଲେ। ନିର୍ବାଚନ ପୂର୍ବଦିନ ଚାନ୍ଦବାଲି ଅଞ୍ଚଳରେ ୧୨ଜଣଙ୍କ ବିଷାକ୍ତ ମଦ ପିଇ ମୃତ୍ୟୁ ହୋଇଥିଲା। ଯେଉଁମାନେ ମଦ ବାଣ୍ଟିଥିଲେ ସେମାନେ ଶାସକ ଦଳର ଏବଂ ମୃତ୍ୟୁବରଣ କରିଥିବା ଲୋକେ ମଧ୍ୟ ବିଜେଡିର ଥିଲେ। ହେଲେ ଏହି ଘଟଣାରେ ମୁଖ୍ୟ ଦାୟୀ ଯିଏ ତାକୁ ଏ ପର୍ଯ୍ୟନ୍ତ ଧରାଗଲାନାହିଁ। ମନ୍ତ୍ରୀ ଏହା ଉପରେ ଗୁରୁତ୍ୱର ସହ ବିଚାର କରନ୍ତୁ ବୋଲି ସେ କହିଛନ୍ତି। ଶ୍ରେଷ୍ଠ ମଦ ବ୍ୟବସାୟୀଙ୍କୁ ପୁରଷ୍କାର ଦିଆଯିବା ଘଟଣାରେ ସିଏ ସରକାରଙ୍କୁ ଟାର୍ଗେଟ କରିଥିଲେ। ମନ୍ତ୍ରୀ ଶ୍ରେଷ୍ଠ ମଦ ବ୍ୟବସାୟୀଙ୍କୁ ପଦ୍ମଭୂଷଣ କିମ୍ବା ପଦ୍ମଶ୍ରୀ ଦିଆଯିବାର ବ୍ୟବସ୍ଥା କରନ୍ତୁ ବୋଲି କହିଛନ୍ତି। ଏହାପରେ ଅମର ପ୍ରସାଦ ଶତପଥୀ ଦୁଇ ବିଭାଗର ଖର୍ଚ୍ଚ ଦାବି ମଞ୍ଜୁରୀ ପ୍ରସ୍ତାବ ଦାବିକୁ ସମର୍ଥନ ଦେଇଛନ୍ତି। ଏହାପରେ ପ୍ରଫୁଲ୍ଲ ସାମଲ ବ୍ୟୟ ବରାଦ ବିଲ୍‌କୁ ସମର୍ଥନ ଦେଇ କହିଛନ୍ତି ଯେ, ରାଜସ୍ବ ବିଭାଗର ପରିଚାଳନା ଦେଖି ଆଶ୍ଚର୍ଯ୍ୟ ଲାଗୁଛି। ସମସ୍ତେ ମାନୁଛନ୍ତି। ବର୍ତ୍ତମାନ ମଧ୍ୟ ରାଜ୍ୟରେ ବହୁ ଭୂମିହୀନ ରହିଛନ୍ତି। ଭୂସଂସ୍କାର ଆଇନରେ ସଂଶୋଧନ ଆବଶ୍ୟକ। ଲଘୁ ଖଣିଜ ସମ୍ପଦ ଉପରେ ମାଫିଆ ରାଜ କରିଲେଣି। ୪୫ ହଜାର ଏକର ଜମି ଜବର ଦଖଲରେ ରହିଛି। ଏହାପରେ ନରସିଂହ ମିଶ୍ର କହିଛନ୍ତି ଯେ, ବିଜୁ ବାବୁ ଦେଶୀ ମଦ ବନ୍ଦ କରିଥିଲେ। ଗୁଜରାଟ, ବିହାରରେ କାଗଜ କଲମରେ ମଦ ବନ୍ଦ ଅଛି। ମଦ ବନ୍ଦ କରାଗଲେ ସମସ୍ୟାର ସମାଧାନ ହେବନାହିଁ। ଏହା ଉପରେ ନିୟନ୍ତ୍ରଣର ଆବଶ୍ୟକତା ରହିଛି। ହାଇଓ୍ବେ ନିକଟରେ ମଦ ଦୋକାନ ବନ୍ଦ କରାଯିବା ଦରକାର। ବହୁ ବିଧାୟକ ଜାଣନ୍ତି ନାହିଁ ସେମାନଙ୍କ ଅଞ୍ଚଳରେ କେଉଁ ରାଜସ୍ବ ନିୟମ ପ୍ରଚଳିତ ହେଉଛି। ଏହାପରେ ସୁରେଶ ରାଉତରାୟ ଜଗନ୍ନାଥ ମୁଖ୍ୟତଃ ରାଜସ୍ବ ବିଭାଗ ଉପରେ ବିଶେଷ ଧ୍ୟାନ ଦେଇଥିଲେ। ଫନୀ ଦ୍ୱାରା ଖୋର୍ଦ୍ଧା ଲୋକେ ବିଶେଷ କ୍ଷତିଗ୍ରସ୍ତ ହୋଇଛନ୍ତି। ସେମାନଙ୍କୁ ସାହାଯ୍ୟ ଯୋଗାଇବା। ଏହାସହ ପୂର୍ବରୁ ସେହି ଅଞ୍ଚଳରେ ଥିବା ବହୁ ସ୍ଥିତିବାନ ଜମି ଜଗନ୍ନାଥଙ୍କ ନାମରେ ହୋଇଯାଇଥିଲା। ଫଳରେ ବହୁ ବାସିନ୍ଦା ନିଜ ଜମି ସେଠାରେ ବିକ୍ରି କରିବାରେ ଅସୁବିଧା ଭୋଗିଲେ। ଏନେଇ ହାଇକୋର୍ଟ ଦେଇଥିବା ରାୟ କାର୍ଯ୍ୟକାରୀ ହେବା ଆବଶ୍ୟକ। ସେହିପରି ବହୁ କଲେଜ ପିଲା ବର୍ତ୍ତମାନ ନିଶାଦ୍ରବ୍ୟ ଖାଇବାରେ ଲାଗିଛନ୍ତି। ଏନେଇ ମଧ୍ୟ ଗୁରୁତ୍ୱ ଦେବାକୁ ସେ କହିଥିଲେ।


Enter your email to get our daily news in your inbox.

All Right Reserved By Dharitri.Com

ଶିମିଳିପାଳରେ ମହାରାଷ୍ଟ୍ରର ଦ୍ୱିତୀୟ ମହାବଳ ବାଘୁଣୀ

ବାରିପଦା,୧୪ା୧୧(ନୀଳାଦ୍ରି ବିହାରୀ ଦଣ୍ଡପାଟ)-ମୟୂରଭଞ୍ଜ ଜିଲା ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପରେ ମହାରାଷ୍ଟ୍ରର ଅନ୍ୟ ଏକ ମହାବଳ ବାଘୁଣୀ ‘ଗଙ୍ଗା’ ଗୁରୁବାର ରାତିରେ ପହଞ୍ଚତ୍ଛି। ସ୍ବତନ୍ତ୍ର ଟିମ୍‌...

ପାରାଦୀପରେ ହେବ ୨ ଲକ୍ଷ କୋଟିର ପୁଞ୍ଜି ନିବେଶ: ମୁଖ୍ୟମନ୍ତ୍ରୀ

ପାରାଦୀପ,୧୪ା୧୧: ଆଗାମୀ ଦିନରେ ପାରାଦୀପରେ ନିବେଶ ହେବ ୨ ଲକ୍ଷ କୋଟିର ପୁଞ୍ଜି। ଗୁରୁବାର କଳିଙ୍ଗ ବାଲିଯାତ୍ରାକୁ ଉଦ୍‌ଘାଟନ କରିବା ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ...

ଭକ୍ତଙ୍କ ଦାନରୁ ମିଳିଛି ୩୦୦ରୁ ଊର୍ଦ୍ଧ୍ୱ କେଜି ରୁପା: ଛାଉଣି ହେବ ରତ୍ନପଲଙ୍କ, ପତିତପାବନ ମନ୍ଦିର 

ପୁରୀ,୧୪ା୧୧(ଅଜିତ୍‌ କୁମାର ମହାନ୍ତି): ଶ୍ରୀମନ୍ଦିର କାର୍ଯ୍ୟାଳୟରେ ଗୁରୁବାର ଏକ ଗୁରୁତ୍ୱପୂର୍ଣ୍ଣ ବୈଠକ ମୁଖ୍ୟ ପ୍ରଶାସକ ଡ. ଅରବିନ୍ଦ ପାଢ଼ୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଭକ୍ତଙ୍କ ଦାନ...

ଚାଷୀଙ୍କ ସହ ଖେଳିଲେ ସିଧା ପଠାଯିବ ଜେଲ, ଏମିତି କାହିଁକି କହିଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୧୪।୧୧: ବିଜେଡିକୁ ଟାର୍ଗେଟ କରି ମୁଖ୍ୟମନ୍ତ୍ରୀ ମୋହନ ମାଝୀ କହିଛନ୍ତି, ଚାଷୀଙ୍କ ସ୍ବାର୍ଥରେ ବାଧା ଆଣିଲେ ଜେଲ ପଠାଯିବ। ସମବାୟ ସପ୍ତାହରେ ସମବାୟ ବିଭାଗରେ ଦୁର୍ନୀତିଗ୍ରସ୍ତ...

ଓଡ଼ିଶାର ୨୪ ଉପକୂଳ ଗ୍ରାମକୁ ମିଳିଲା ସୁନାମି ପ୍ରସ୍ତୁତ ଟ୍ୟାଗ୍

ଭୁବନେଶ୍ୱର,୧୪।୧୧: ଇଣ୍ଡୋନେସିଆରେ ଅନୁଷ୍ଠିତ ଦ୍ୱିତୀୟ ଗ୍ଲୋବାଲ ସୁନାମି ସମ୍ମିଳନୀରେ ଓଡିଶାର ୬ ଟି ଜିଲାର ୨୪ ଟି ସୁନାମି ପ୍ରବଣ ଉପକୂଳବର୍ତ୍ତୀ ଗ୍ରାମଗୁଡିକୁ ମିଳିତ ଜାତିସଂଘର...

ହୋଟେଲ ବୟରୁ ବନିଥିଲେ ନକଲି ଡାକ୍ତର: ଧରାପଡି ଜେଲ୍ ଗଲେ

ବ୍ରହ୍ମପୁର,୧୪।୧୧ (ସୁବାସ ଚନ୍ଦ୍ର ପାଢ଼ୀ): ପୂର୍ବରୁ ଵ୍ରହ୍ମପୁର ପୋଲିସ ଗେଟ ବଜାର ମିତ୍ର ସାହିରେ କ୍ରିଷ୍ଣା ପାଇଲ୍ସ କ୍ଲିନିକ ଖୋଲିଥିବା ଜଣେ ନକଲି ଆୟୁର୍ବେଦିକ ଡାକ୍ତରଙ୍କୁ...

ସତ ହେଲା ଧରିତ୍ରୀରେ ପ୍ରକାଶିତ ଖବର: ତାରାତାରିଣୀ ମନ୍ଦିର ଚୋରି ଘଟଣାରେ ସେବାୟତ, ସୁରକ୍ଷାକର୍ମୀ ଗିରଫ

ପୁଷୋତ୍ତମପୁର,୧୪।୧୧: ଗଞ୍ଜାମ ଜିଲାର ଇଷ୍ଟଦେବୀ ମା’ ତାରାତାରିଣୀଙ୍କ ମନ୍ଦିରରୁ ମାଙ୍କ ରୁପା ଅଳଙ୍କାର ଚୋରି ସହ ହୁଣ୍ଡିକୁ ଭାଙ୍ଗି ସେଥିରେ ଥିବା ଭକ୍ତଙ୍କ ଦାନ ଟଙ୍କା...

ଶିଶୁ ଦିବସ ଅବସରରେ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା: ଛାତ୍ରୀଛାତ୍ରଙ୍କ ପାଇଁ…

ଭୁବନେଶ୍ୱର,୧୪।୧୧: ମୁଖ୍ୟମନ୍ତ୍ରୀ ମୋହନ ମାଝୀ ଗୁରୁବାର ରାଜ୍ୟସ୍ତରୀୟ ଶିଶୁ ଦିବସ ସମାରୋହରେ ବଡ଼ ଘୋଷଣା କରିଛନ୍ତି। ଓଡ଼ିଶା ଆଦର୍ଶ ବିଦ୍ୟାଳୟର ହଷ୍ଟେଲରେ ରହୁଥିବା ଛାତ୍ରୀଛାତ୍ରଙ୍କ ମାସିକ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri