ଗଞ୍ଜାମ, ୯ା୩(ଡି.ଏନ୍.ଏ.)- ଗଞ୍ଜାମ ଐତିହାସିକ ଦୋଳ ଯାତ୍ରାରେ ସୋମବାର ବଜାର ଯାତ୍ରା ଶାନ୍ତିଶୃଙ୍ଖଳାର ସହ ଶେଷ ହୋଇଛି। ରବିବାର ରାତି ୧୦ଟାରେ ସମସ୍ତ ସାହି ଠାକୁର ବଜାରରେ ପହଞ୍ଚତ୍ବା ପରେ ଯାତ୍ରା ଆରମ୍ଭ ହୋଇଥିଲା। ପରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ତଥା ରାମାୟଣ, ଭାରତଲୀଳା, ରାଧା ପ୍ରେମଲୀଳା ଆଦି ପରିବେଷଣ ହୋଇଥିଲା। ଏହାକୁ ଦେଖିବାକୁ ଲକ୍ଷାଧିକ ଲୋକଙ୍କ ଭିଡ଼ ଜମିଥିଲା। ପୂର୍ବାହ୍ନରେ ବିଧାୟକ ସୁବାସ ଚନ୍ଦ୍ର ବେହେରା, ପୂର୍ବତନ ଏମ୍ପି ପ୍ରତିନିଧି ସୁଧୀର କୁମାର ପାଢ଼ୀ, ପୂର୍ବତନ କାଉନ୍ସିଲର ଦଣ୍ଡପାଣି ପରିଡ଼ା, ଗଞ୍ଜାମ ଏନ୍ଏସି ନିର୍ବାଚନ ଅଧିକାରୀ ରାକେଶ ରଞ୍ଜନ ଦାସ, ବିଡିଓ ଜ୍ୟୋତି ଶଙ୍କର ରାଏ, ଥାନାଧିକାରୀ ଦିଲୀପ କୁମାର ସାହୁ, ବଣିକ ସଂଘ ସଭାପତି ଗୌରୀ ଶଙ୍କର ବାରିକ ପ୍ରମୁଖ ଉପସ୍ଥିତ ଥିଲେ। ଆଇନଶୃଙ୍ଖଳା ପାଇଁ ୩ ପ୍ଲାଟୁନ ପୋଲିସ ଫୋସର୍ର୍ ମୁତୟନ ହୋଇଥିଲେ। ଅପରାହ୍ନରେ ସମସ୍ତ ଠାକୁର ଦୋଳ ବିମାନରେ ନିଜ ନିଜ ମନ୍ଦିରକୁ ଫେରିଥିଲେ। ଏହି ଅବସରରେ ସାନ ବଜାର ଓ ବଡ଼ ବଜାରଠାରେ ସ୍ବେଚ୍ଛାସେବୀ ସଂଗଠନ ପକ୍ଷରୁ ପାନୀୟ ଜଳ ବଣ୍ଟନ କରାଯାଇଥିଲା। ଏଥିସହ ଦୋଳପୂର୍ଣ୍ଣିମା ଯାତ୍ରା ଅବସରରେ ବିଞ୍ଚଣାପଲି ଗ୍ରାମ ପକ୍ଷରୁ ଗଞ୍ଜାମ ବ୍ଲକର ବିଭିନ୍ନ ଗ୍ରାମର ସଂକୀର୍ତ୍ତନ ମଣ୍ଡଳୀ କଳାକାରଙ୍କୁ ମାନପତ୍ର ବଣ୍ଟନ କରାଯାଇଥିଲା। ମୁଖ୍ୟଅତିଥି ଭାବେ ବିଡିଓ ରାଏ ଓ ଥାନାଧିକାରୀ କଳାକାରମାନଙ୍କୁ ମାନପତ୍ର ପ୍ରଦାନ କରିଥିଲେ। ଏହାକୁ ବିଞ୍ଚଣାପଲି ଗ୍ରାମର ସଭାପତି କେ.ସିରାମୁଲୁ ରାଓ, ଉପସଭାପତି ବି. ମଧୁସୂଦନ, କେ.ଶଙ୍କର ରାଓ ପ୍ରମୁଖ ପରିଚାଳନା କରିଥିଲେ। ଯାତ୍ରାରେ ବିଭିନ୍ନ ଘରକରଣା ସାମଗ୍ରୀ ଦେଖିବାକୁ ମିଳିଥିଲା।
