ମୁମ୍ବାଇ: ଆଲିଆ ଭଟ୍ଟ ଓ ରଣବୀର ସିଂଙ୍କ ଅଭିନୀତ ଫିଲ୍ମ ‘ଗଲି ବୟ’ର ଏକ ପୋଷ୍ଟର ମୁମ୍ବାଇ ପୋଲିସ ଦ୍ୱାରା ମଙ୍ଗଳବାର ସୋସିଆଲ ମିଡିଆରେ ଶେୟାର କରାଯାଇଥିବା ଦେଖାଯାଇଛି। ଏହି ପୋଷ୍ଟର ମାଧ୍ୟମରେ ଲକ୍ଡାଉନ ସମୟରେ ଲୋକଙ୍କୁ ଘରେ ରହିବାକୁ ପୋଲିସ ପରାମର୍ଶ ଦେଇଛି। ଏହି ପୋଷ୍ଟରରେ ଆଲିଆଙ୍କର ଏକ ସ୍ମାଇଲିଂ ଫଟୋ ସହ ଇଂରାଜୀରେ ଲେଖାଯାଇଛି, ‘That face when he says he is going out for a walk during lockdown’। ଯାହା ଲୋକଙ୍କୁ ହସାଇ ହସାଇ ବେଦମ୍ କରିଛି। ପୂର୍ବରୁ ମଧ୍ୟ ମୁମ୍ବାଇ ପୋଲିସ ବଲିଉଡ୍ର ସାହାରା ନେଇ ଲୋକଙ୍କୁ ଘରେ ରହିବାକୁ ବୁଝାଇଥିବା ଦେଖାଯାଇଥିଲା। ସୂଚନାଯୋଗ୍ୟ, କରୋନା ଭାଇରସ ସଂକ୍ରମଣକୁ ନେଇ ସାରା ଦେଶରେ ଲକ୍ଡାଉନ ଚାଲିଥିବାରୁ ଏବେ ଲୋକଙ୍କୁ ଘରେ ରହିବାକୁ ପରାମର୍ଶ ଦିଆଯାଉଛି।
