ସାଧାରଣ ଲୋକଙ୍କୁ ୨୬ ଲକ୍ଷ ଟଙ୍କା ରୋଜଗାର କରିବାକୁ ବର୍ଷ ବର୍ଷ ସମୟ ଲାଗିଯାଇଥାଏ। ଯେଉଁ ଟଙ୍କାକୁ ରୋଜଗାର କରିବାକୁ ଏତେ ସମୟ ଲାଗିଥାଏ ସେହି ଟଙ୍କାକୁ ଖର୍ଚ୍ଚ କରିବାକୁ ମଧ୍ୟ ଇଚ୍ଛା ହୋଇ ନ ଥାଏ। ତେବେ ଆପଣ ଜାଣି ଆଶ୍ଚର୍ଯ୍ୟ ହେବେ ଜଣେ ମହିଳା ଗୋଟିଏ ଦିନରେ ୨୬ ଲକ୍ଷ ଟଙ୍କା ଖର୍ଚ୍ଚ କରି ଚର୍ଚ୍ଚାକୁ ଆସିଛନ୍ତି। ସେ ବି ଚକୋଲେଟ କିଣି।
ମହିଳା ଜଣକ ହେଉଛନ୍ତି ଝମିରା ହାଜ୍ଭି। ସେ ଜଣେ ଦୁର୍ନୀତିଗ୍ରସ୍ତ ବ୍ୟାଙ୍କ କର୍ମଚାରୀ ଜାହାଙ୍ଗୀର ହାଜ୍ଭିଙ୍କ ସ୍ତ୍ରୀ। ଜାହାଙ୍ଗୀର ଏବେ ୧୫ ବର୍ଷର ଜେଲଦଣ୍ଡ ଭୋଗୁଛନ୍ତି। ସେ ଅନ୍ତର୍ଜାତୀୟ ବ୍ୟାଙ୍କର ଅଧ୍ୟକ୍ଷ ଥିଲେ। ଝମିରା ଲଣ୍ଡନର ଏକ ବିଳାସପୂର୍ଣ୍ଣ ଷ୍ଟୋରରୁ ୨୬ ଲକ୍ଷ ଟଙ୍କାର ଚକୋଲେଟ କିଣିଛନ୍ତି ଯେଉଁଠି ଏକ ଚକୋଲେଟ ଡବା ୫୩ ହଜାର ଟଙ୍କା ମୂଲ୍ୟରେ ବିକ୍ରି ହୋଇଥାଏ। ଏହା ବ୍ୟତୀତ ସେ ୮ କୋଟି ୮୨ ଲକ୍ଷ ଟଙ୍କାର ଖେଳନା, ୫୦ କୋଟି ଟଙ୍କାର ଅଳଙ୍କାର କିଣିଥିଲେ। ମହିଳାଙ୍କ ଏହି ଅସାଧାରଣ ଜୀବନଶୈଳୀ ପାଇଁ ତାଙ୍କୁ କୋର୍ଟ ଯିବାକୁ ପଡିଛି। ତାଙ୍କର ଏଭଳି ଖର୍ଚ୍ଚ ଦେଖି କୋର୍ଟରେ ତାଙ୍କୁ ତାଙ୍କ ଆୟ ସମ୍ପର୍କରେପ୍ରଶ୍ନ ପଚରା ଯାଇଥିଲା। ଯାହାର ଉତ୍ତର ଶୁଣି ବିଚାରପତିଙ୍କ ହୋସ୍ ଉଡ଼ିଯାଇଥିଲା। ଏଥିସହ ସେଠାରେ ଉପସ୍ଥିତ ଲୋକେ ହତବାକ୍ ହୋଇଯାଇଥିଲେ।
