ନୂଆଦିଲ୍ଲୀ,୯।୨- ବୁଶଫାୟାର ଚ୍ୟାରିଟି ମ୍ୟାଚ୍ ପୂର୍ବରୁ କ୍ରିକେଟର ଦୁଇ କିମ୍ବଦନ୍ତୀ ସଚିନ ତେନ୍ଦୁଲକର ଓ ରିକି ପଣ୍ଟିଂ ନେଟ୍ସ ସେସନରେ ବ୍ୟାଟିଂ ଅଭ୍ୟାସ କରୁଥିଲେ। ଦୁହିଁଙ୍କ ନାମରେ ଅନ୍ତର୍ଜାତୀୟ ସ୍ତରରେ ୧୭୧ ଶତକ ରହିଛି। ଉଭୟଙ୍କୁ ଗୋଟିଏ ସ୍ଥାନରେ ଦେଖିବା ପ୍ରଶଂସକଙ୍କ ଭିନ୍ନ ଅଭିଜ୍ଞତା ଥିଲା। ଅନ୍ତର୍ଜାତୀୟ କ୍ରିକେଟ ପାଉନ୍ସିଲ (ଆଇସିସି) ପକ୍ଷରୁ ସଚିନ ଓ ପଣ୍ଟିଂଙ୍କ ଏକ ଭିଡିଓ ଶେୟାର କରାଯାଇଛି। ଏହାର କ୍ୟାପଶନରେ ଲେଖାଯାଇଛି, ଗୋଟିଏ ଫ୍ରେମରେ ୬୧,୮୪୦ ରନ୍, ୧୭୧ ଶତକ ଓ ୪ ବିଶ୍ୱକପ୍। ଉଲ୍ଲେଖଯୋଗ୍ୟ, ତେନ୍ଦୁଲକରଙ୍କ ନାମରେ ୧୦୦ ଓ ପଣ୍ଟିଂ ନାମରେ ୭୧ ଅନ୍ତର୍ଜାତୀୟ ଶତକ ରହିଛି। ବୁଶଫାୟାର ମ୍ୟାଚ୍ରେ ତେନ୍ଦୁଲକର ପଣ୍ଟି ଏକାଦଶର କୋଚ୍ ଦାୟିତ୍ୱରେ ଥିଲେ।
