କେନ୍ଦୁଝର/ଝୁମ୍ପୁରା,୧୭ା୧(ସ୍ବ.ପ୍ର.) ବମୋରୀ ଫରେଷ୍ଟ ସେକ୍ସନ ଅନ୍ତର୍ଗତ ମଲଦା ଗ୍ରାମରେ ଏକ ଗୋଠ ଛଡା ଦନ୍ତା ଉତ୍ପାତ ଚଳାଇ ଥିବାରୁ ଲୋକେ ଭୟଭୀତ ହୋଇ ପଡିଛନ୍ତି। ହାତୀଟି ଗୁରୁବାର ରାତିରେ ମିତ୍ରଭାନୁ ବାରିକଙ୍କ ପାଚେରୀ ଭାଙ୍ଗି ଦେଇଥିବା ବେଳେ ଆଖପାଖ ଅଞ୍ଚଳରେ ବ୍ୟାପକ ଫସଲ ନଷ୍ଟ କରିଛି। ଲୋକେ ନିଆଁ ଜଳାଇ ଓ ବାଜା ବଜାଇ ଘଉଡାଉ ଥିଲେ ମଧ୍ୟ ହାତୀଟି ପାଖ ଜଙ୍ଗଲରେ ଲୁଚି ରହୁଛି। ଦୁଇ ମାସ ପରେ ଏହି ଦନ୍ତାଟି ଫେରିଥିବା ସ୍ଥାନୀୟ ଲୋକ ସୂଚନା ଦେଇଛନ୍ତି। ହାତୀଟି ପାଖ କାଳିଆପାଳ ଜଙ୍ଗଲରେ ରହୁଛି। ସା ହେଲେ ପଦାକୁ ବାହାରି ଉପଦ୍ରବ ଚଳାଇଥିବାରୁ ସ୍ଥାନୀୟ ଲୋକେ ଆତଙ୍କିତ ହୋଇପଡିଛନ୍ତି। ଏନେଇ ବନ ବିଭାଗ ତୁରନ୍ତ ପଦକ୍ଷେପ ଗ୍ରହଣ କରିବାକୁ ଦାବି ହେଉଛି।
