ପାଟପୁର,୨୮ା୪- ଦିଗପହଣ୍ଡି ଅବକାରୀ ବିଭାଗ, ସାନଖେମୁଣ୍ଡି ତହସିଲଦାର, ପାଟପୁର ପୋଲିସ ସୋମବାର ରାତି ପ୍ରାୟ ୧୦ଟାରେ ପାଟପୁର ଥାନା ପଳାସପୁର ଛକରେ ଥିବା ଏକ ପାନ ଦୋକାନରେ ଚଢ଼ାଉ କରି ଜଣଙ୍କୁ ଗିରଫ କରିବା ସହ ୨୨ ଲିଟର ବିଦେଶୀ ମଦ ଜବତ କରିଛନ୍ତି। ଅଭିଯୁକ୍ତ ହେଲେ ପଳାସପୁର ଗ୍ରାମର ଅଶୋକ କୁମାର ସାହୁ। ଅବକାରୀ ବିଭାଗର ଜଣେ କର୍ମଚାରୀ ସୋମବାର ବିଳମ୍ବିତ ରାତିରେ ଉକ୍ତ ଦୋକାନକୁ ଯାଇ ମଦ ମାଗିବାବେଳେ ଦିଗପହଣ୍ଡି ଅବକାରୀ ଏସ୍ଆଇ ଅଭିରାମ ସାହୁ, ସାନଖେମୁଣ୍ଡି ତହସିଲଦାର ଅମିତ କୁମାର ନାୟକ, ପାଟପୁର ଥାନା ଏସ୍ଆଇ ଶୁଭ୍ରଜିତ ସାମନ୍ତରାୟ ଚଢ଼ାଉ କରି ଅଭିଯୁକ୍ତକୁ ଗିରଫ କରିବା ସହ ମଦ ଜବତ କରି ମଙ୍ଗଳବାର କୋର୍ଟ ଚାଲାଣ କରିଛନ୍ତି।
