ଘଣ୍ଟା ଖାଲି ସମୟ କହେନି। ବାସ୍ତୁ ଅନୁସାରେ ଏହାକୁ ଘରେ ରଖିଲେ ଭାଗ୍ୟ ବି ବଦଳିପାରେ। ତାହା କେମିତି ଜାଣନ୍ତୁ ନିମ୍ନରୁ…
ଦୁର୍ଭାଗ୍ୟ ସୂଚକ ଅଟେ ବନ୍ଦ ଘଣ୍ଟା
ବାସ୍ତୁ ଅନୁସାରେ ବନ୍ଦ ଘଣ୍ଟା ଜୀବନରେ ସମସ୍ୟା ସୃଷ୍ଟି କରିପାରେ। ଘରେ ଭଙ୍ଗା ତଥା ବନ୍ଦ ଘଣ୍ଟା ଥିଲେ ତାହା ଦୁର୍ଭାଗ୍ୟ ଆଣିପାରେ। ତେଣୁ ଏହାକୁ ଯେତେଶୀଘ୍ର ହଟାଇଦେବା ଭଲ।
ଏହି ଦିଗରେ ଘଣ୍ଟା ଥିଲେ ଉନ୍ନତିରେ ଲାଗିପାରେ ଅଙ୍କୁଶ
ଘରର ଦକ୍ଷିଣ ଦିଗରେ ଘଣ୍ଟା ଲଗାହୋଇଥିଲେ ଘର ମୁଖିଆଙ୍କଠାରେ ସ୍ବାସ୍ଥ୍ୟ ସମସ୍ୟା ଦେଖାଦେବ ବୋଲି ବାସ୍ତୁଶାସ୍ତ୍ର କହେ। ତା’ସହ ଘର ଲୋକଙ୍କର ଉନ୍ନତି ବି ହେବ ନାହିଁ। ଆଉ ଘରେ ନକାରାତ୍ମକ ଉର୍ଜା ପ୍ରବାହ ହେବ।
କେଉଁ ଦିଗରେ ଲଗାଇବେ ଘଣ୍ଟା
ବାସ୍ତୁଶାସ୍ତ୍ର ଅନୁସାରେ ଘଣ୍ଟା ଘରର ପୂର୍ବ ଅବା ଉତ୍ତର ଦିଗର କାନ୍ଥରେ ଲଗାଇବା ଭଲ। ଏହାଦ୍ୱାରା ସବୁ ଶୁଭ ହେବାସହ ସମୃଦ୍ଧି ଓ ଉନ୍ନତି ମିଳିବ ଏବଂ ନୂଆ ମାର୍ଗ ପ୍ରଶସ୍ତ ହେବ। ଏମିତି କି ଅଟକି ରହିଥିବା କାମ ବି ହୋଇଯିବା ସମ୍ଭାବନା ରହିଛି। ଘରେ ପେଣ୍ଡୁଲମ୍ ଥିବା ଘଣ୍ଟା ରଖିବା ଭଲ। ତେବେ ଏହାକୁ ପଶ୍ଚିମ ଦିଗରେ ଲଗାଇବା ଭଲ। ଏହାଦ୍ୱାରା ପରିବାରର ଉନ୍ନତି ହେବ।
ଆକାର ଓ ରଙ୍ଗର ଧ୍ୟାନ ରଖିବା ଜରୁରୀ
ଘରେ କଳା, ନୀଳ ଓ ଲାଲ ରଙ୍ଗର ଘଣ୍ଟା ଲଗାଇବା ଉଚିତ ନୁହେଁ। କାରଣ ଏହାକୁ ବାସ୍ତୁ ଅନୁଯାୟୀ ଠିକ୍ ବୋଲି ଧରାଯାଏ ନାହିଁ। ଚାରିକୋଣିଆ ଓ ଗୋଲ ଘଣ୍ଟା ଘରେ ଲଗାଇବା ଭଲ। ପୂର୍ବ ଦିଗରେ ସବୁଜ କିମ୍ବା ହଳଦିଆ ରଙ୍ଗର, ଉତ୍ତର ଦିଗରେ ମାଟିଆ ବା ଆକାଶ ରଙ୍ଗ, ପଶ୍ଚିମରେ ସୁବର୍ଣ୍ଣ ରଙ୍ଗ ବା ମାଟିଆ ଅଥବା ଧଳା ରଙ୍ଗର ଘଣ୍ଟା ଲଗାଇବା ଭଲ। ଏହା ପରିବାରର ସମୃଦ୍ଧିକୁ ବୃଦ୍ଧି କରିଥାଏ। ଘରେ ସୁଖ ଓ ଶାନ୍ତି ଆଣିଥାଏ।
