ନୂଆଦିଲ୍ଲୀ,୨୩।୫: କୋଭିଡ୍-୧୯ ଲାଗି ବର୍ତ୍ତମାନ କଟକଣା ଧୀରେ ଧୀରେ କୋହଳ ହେଉଥିବାରୁ ସରକାର କିଛି କିଛି କ୍ଷେତ୍ରକୁ ଆର୍ଥତ୍କ କାର୍ଯ୍ୟକଳାପ ଲାଗି ଅନୁମତି ଦେଇଛନ୍ତି। ଏହି ପଦକ୍ଷେପ ଅନ୍ତର୍ଗତ ହୋଣ୍ଡା ମୋଟର ସାଇକେଲ ଆଣ୍ଡ ସ୍କୁଟର ଇଣ୍ଡିଆ ପ୍ରାଇଭେଟ ଲିମିଟେଡ୍ ପୁନର୍ବାର ତା’ର ଉପତ୍ାଦନ ଆରମ୍ଭ କରିବ ବୋଲି ସୂଚନା ଦେଇଛି। କମ୍ପାନୀର ୪ଟି ଯାକ କାରଖାନା ୨ଟି ପର୍ଯ୍ୟାୟରେ ସରକାରୀ କଟକଣା ଓ ସାମାଜିକ ଦୂରତା ଅନୁସାରେ ଉପତ୍ାଦନ ଆରମ୍ଭ କରିବ। ଗ୍ରାହକଙ୍କ ଚାହିଦା ଏବଂ ଯୋଗାଣ ଶୃଙ୍ଖଳକୁ ନଜରରେ ରଖି ହୋଣ୍ଡା ଏହାର ଉପତ୍ାଦନ ଯୋଜନା ପ୍ରସ୍ତୁତ କରିଛି ବୋଲି କହିଛି। କର୍ନାଟକର ନର୍ସାପୁରାଠାରେ ଥିବା କମ୍ପାନୀର ସର୍ବବୃହତ୍ କାରଖାନା ମେ ୨୫ରୁ ଉପତ୍ାଦନ ଆରମ୍ଭ କରିବ। ସେହିପରି ଅନ୍ୟ ୩ଟି କାରଖାନାରେ ଜୁନ୍ ପ୍ରଥମ ସପ୍ତାହରୁ ଉପତ୍ାଦନ ଆରମ୍ଭ କରାଯିବ। ଯୋଗାଣକାରୀ ସଂସ୍ଥା ସେମାନଙ୍କ କାରଖାନା ଚାଲୁ କରିବା ଲାଗି ଆବଶ୍ୟକ ଅନୁମତି ହାସଲ କରିଛନ୍ତି। ବଜାର ଚାହିଦା ଅନୁସାରେ ହୋଣ୍ଡାର୬୦%ରୁ ଊର୍ଦ୍ଧ୍ୱ ଡିଲରଶିପ ମଧ୍ୟ ସେମାନଙ୍କ ବିକ୍ରି ଓ ସର୍ଭିସ କାର୍ଯ୍ୟ ଆରମ୍ଭ କରି ଦେଇଛନ୍ତି। ହୋଣ୍ଡା ବଜାରର ଚାହିଦା ଅନୁସାରେ ଯୋଗାଣରେ ବୃଦ୍ଧି ଆଣୁଛି । ହୋଣ୍ଡା ନେଟ୍ଓ୍ବାର୍କରେ ବିଏସ୍-୬ ଗାଡ଼ି ବଜାରରେ ଉପଲବ୍ଧ କରାଇବ।
