ବିଜେପୁର,୧୯।୧୨(ଡି.ଏନ୍.ଏ.): ବରଗଡ଼ ଜିଲା ବିଜେପୁର ପୋଲିସ ଏକ ଚୋରି ରାକେଟ ଠାବ କରି ମୁଖ୍ୟ ଅଭିଯୁକ୍ତ ସମେତ ୫ଜଣଙ୍କୁ ବୁଧବାର କୋର୍ଟ ଚାଲାଣ କରିଥିଲା। ତେବେ ଏହି ଘଟଣାରେ ସମ୍ପୃକ୍ତ ଚୋରି ସାମଗ୍ରୀକୁ କ୍ରୟ କରିବା ଅଭିଯୋଗରେ ଦୁଇଜଣ କ୍ରେତାଙ୍କୁ ଗୁରୁବାର ଅପରାହ୍ନରେ ସୋହେଲା କୋର୍ଟକୁ ଚାଲାଣ କରାଯାଇଥିବା ସୂଚନା ମିଳିଛି। ସେମାନେ ହେଲେ ଉକ୍ତ ଥାନା ଅନ୍ତର୍ଗତ ଜାରିଂ ଗ୍ରାମର ଜୟମିତ୍ର ପଧାନ(୫୮) ଓ ମୁଣୋମହୁଲର ଅଗସ୍ତି ସାହୁ(୩୮)।
ସୋହେଲା ଥାନା ଅନ୍ତର୍ଗତ ବନାବିରାର ମୁଖ୍ୟ ଅଭିଯୁକ୍ତ ଗିରିଶ ଜଗଦଲା ବିଭିନ୍ନ ସ୍ଥାନରୁ ଚାଷୀମାନଙ୍କର ଗଭୀର ନଳକୂପର ସମରସେବୁଲ୍ ପମ୍ପ ଚୋରି କରିଥିଲେ। ତାଙ୍କଠାରୁ ଜୟମିତ୍ର ଓ ଗିରିଶ ୩ଟି ଲେଖାଏ ସମରସେବୁଲ ପମ୍ପ କ୍ରୟ କରିଥିଲେ। ଏନେଇ ପୋଲିସ କେସ ନଂ ୨୨୩/୧୯ରେ ଏକ ମାମଲା ରୁଜୁ କରି ଅଭିଯୁକ୍ତଦ୍ୱୟଙ୍କୁ କୋର୍ଟ ଚାଲାଣ କରିଥିଲା।
