ଛତ୍ରପୁର,୧୬।୬(ଡି.ଏନ୍.ଏ.): ଗଞ୍ଜାମ ଜିଲା ସଦରମହକୁମା ଛତ୍ରପୁର ସହରର ପ୍ରବେଶ ପଥଗୁଡିକୁ ବ୍ୟାରିକେଟ କରି ସିଲ୍ କରି ଦିଆଯାଇଛି। କେତେକ ଅମାନିଆ ନିୟମ ଉଲ୍ଲଂଘନ କରି ଗାଡ଼ିଧରି ଛତ୍ରପୁର ସହରକୁ ଆସୁଛନ୍ତି। ଏଥିଲାଗି ଛତ୍ରପୁର ଏନ୍ଏସି କର୍ତ୍ତୃପକ୍ଷଙ୍କ ପକ୍ଷରୁ କଡ଼ା ପଦକ୍ଷେପ ନିୟାଯାଇ ନିୟୁ ପୋଲିସ ଲାଇନ, ଶ୍ୟାମା କାଳୀ ସାହି ନିକଟ ଏବଂ ଷ୍ଟେଶନ ନିକଟରେ ବ୍ୟାରିକେଟ୍ କରାଯାଇଛି। ଫଳରେ ଉକ୍ତ ବ୍ୟାରିକେଟ୍ ଅପର ପାର୍ଶ୍ୱରେ ଥିବା ବଉଳଗାଁ, ଚିକଲଖଣ୍ଡି, ପୁଳିଙ୍ଗି, ମହନାଦପୁର, ଭିକାରିପଲି, ସୁନ୍ଦରପୁର ଆଦି ୬ ଟି ପଞ୍ଚାୟତର ଲୋକେ ଛତ୍ରପୁର ସହରକୁ ଯିବା ଆସିବା ସମ୍ପୂର୍ଣ୍ଣ ବନ୍ଦ ହୋଇଯାଇଛି। ଏପରିକି ଆମ୍ବୁଲାନ୍ସ ଓ ଅତ୍ୟାବଶ୍ୟକୀୟ ଗାଡି କିଭଳି ଉକ୍ତ ପଞ୍ଚାୟତକୁ ଯିବ ସେନେଇ ସମସ୍ୟା ସୃଷ୍ଟି ହୋଇଛି।
