ମୁମ୍ବାଇ: ଫିଲ୍ମ ଇଣ୍ଡଷ୍ଟ୍ରିରେ ମାପିଚୁପି କଥା କହୁ ନ ଥିବା କଳାକାରଙ୍କ ମଧ୍ୟରୁ ବଲିଉଡ୍ ଅଭିନେତା ରିଷି କପୁର ଅନ୍ୟତମ। ବଲିଉଡ୍ ହେଉ କି ବ୍ୟକ୍ତିଗତ ଜୀବନକୁ ନେଇ ସବୁବେଳେ ସେ ସ୍ପଷ୍ଟବାଦୀ କଥା କହିବାରେ ବିଶ୍ୱାସ ରଖନ୍ତି। ପୂର୍ବରୁ କେବଳ ରୋମାନ୍ସ ପାଇଁ ବେଶ୍ ଜଣାଶୁଣା ଥିବା ରିଷି ଏବେ ସବୁ ଚରିତ୍ରରେ ନିଜକୁ ଖାପଖୁଆଇ ନେଇଛନ୍ତି। ଦୁଇ ପୀଢ଼ି ମଧ୍ୟରୁ ତାଙ୍କର ସେକେଣ୍ଡ ଇନିଂସ୍କୁ ରିଷି ସବୁଠାରୁ ଭଲ ବୋଲି କୁହନ୍ତି। କାରଣ ପୁର୍ବରୁ ସେ ବଲିଉଡ୍ ଫିଲ୍ମରେ କେବଳ ଡ୍ୟାନ୍ସ କରିବା ସହ ଗୀତ ଗାଉଥିଲେ। ବଲିଉଡ୍ରେ କେହି ତାଙ୍କୁ ଗୁରୁତ୍ୱପୂର୍ଣ୍ଣ ଚରିତ୍ର ଦେଉ ନ ଥିବା ବେଳେ ଛୋଟ ପିଲା ଭାବି କେହି ଗମ୍ଭୀରତାର ସହ ମଧ୍ୟ ନେଉ ନ ଥିଲେ। ବିବାହ ପରେ ବି ସମସ୍ତେ ମୋତେ ଛୋଟ ପିଲା ଭାବୁଥିଲେ ଏବଂ କହୁଥିଲେ ଇଣ୍ଟରଭାଲ ପରେ ବଡ଼ ହୋଇଯିବ। ତେବେ ଉକ୍ତ ୧୦-୧୫ ବର୍ଷ ମଧ୍ୟରେ ତାଙ୍କୁ ସୁହାଇଲା ଭଳି ବା ଭଲ ଚରିତ୍ର ମିଳିପାରିଛି ବୋଲି ରିଷି କହିଛନ୍ତି। ଗତ କିଛି ବର୍ଷରୁ ସେ ଅଗ୍ନୀପଥ, କପୁର ଆଣ୍ଡ ସନସ୍ ଭଳି ଫିଲ୍ମରେ ମୁଖ୍ୟ ଚରିତ୍ରରେ ଅଭିନୟ କରିବାକୁ ସୁଯୋଗ ମିଳିଛି। ପୂର୍ବପରି ମୋତେ ଆଉ ଡ୍ୟାନ୍ସ, ରୋମାନ୍ସ କି ରୋମାଣ୍ଟିକ ଫିଲ୍ମ ମିଳୁନାହିଁ। ତେବେ ନିକଟରେ ରିଷି ଆଉ ଏକ ନୂଆ ପ୍ରୋଜେକ୍ଟେରେ କାମ କରିବାକୁ ଯାଉଛନ୍ତି ବୋଲି ଶୁଣିବାକୁ ମିଳିଛି। ଆକ୍ସନ, ଥ୍ରିଲର ଫିଲ୍ମ ‘ଦ ବଡି’ ରେ ସେ ଏକ ଭିନ୍ନ ଚରିତ୍ରରେ ନଜର ଆସିବେ।
