ଜଳସଙ୍କଟ ଭୋଗିବେ ବନ୍ଦରାଞ୍ଚଳବାସୀ

ପାରାଦୀପ, ୧୭।୩ (ସ୍ବ.ପ୍ର.): ଚଳିତବର୍ଷ ଖରାଦିନେ ପାରାଦୀପ ବନ୍ଦରାଞ୍ଚଳରେ ପୁଣି ଜଳସଙ୍କଟ ଦେଖାଦେବ। ଏଥିପାଇଁ ସମସ୍ତେ ଜଳ ପରିଚାଳନା କ୍ଷେତ୍ରରେ ସଚେତନ ରହିବାକୁ ବନ୍ଦର ଅଧ୍ୟକ୍ଷ ସୋମବାର ଗଣମାଧ୍ୟମ ଜରିଆରେ ପରାମର୍ଶ ଦେଇଛନ୍ତି। ଏପରି ଜଳସଙ୍କଟ କାରଣ ସମ୍ପର୍କରେ ଅଧ୍ୟକ୍ଷ ରିଙ୍କେଶ ରାୟ କହିଛନ୍ତି, କଟକରୁ ପାରାଦୀପ ପର୍ଯ୍ୟନ୍ତ ଜଳଉତ୍ସ ତାଳଦଣ୍ଡା କେନାଲକୁ ଜଳସମ୍ପଦ ବିଭାଗ ପକ୍ଷରୁ ଖନନ କରାଯିବ। ଏଥିପାଇଁ ମେ ୩୧ ପର୍ଯ୍ୟନ୍ତ ଜଳଯୋଗାଣ ବନ୍ଦ ରହିବ। ବର୍ତ୍ତମାନ ବନ୍ଦର ଜଳଭଣ୍ଡାରରେ ଥିବା ପାଣି ୩ ମାସ ପର୍ଯ୍ୟନ୍ତ ଦୁଇବେଳା ଯୋଗାଣ କରିହେବ ନାହିଁ। ତେଣୁ ଦିନକୁ ଥରେ ଯୋଗାଣ କରାଯିବ। ସ୍ବଳ୍ପ ପାଣିରେ ଚଳିବା ପାଇଁ ସେ ବନ୍ଦରାଞ୍ଚଳବାସୀଙ୍କୁ କହିଛନ୍ତି। ତଥାପି ବିକଳ୍ପ ଭାବେ ପାଣି ଆଣିବା ପାଇଁ ଏବେ ସେ ରାଜ୍ୟ ସରକାରଙ୍କ ସହ ଯୋଗାଯୋଗ କରୁଛନ୍ତି। ଯଦି ଆଲୋଚନା ସଫଳ ହୁଏ, ତେବେ ପୂର୍ବରୁ ଯେପରି ତାଳଦଣ୍ଡା କେନାଲର ଚୌଧୁରୀଗଡ଼ାଠାରେ ମୋଟର ଯୋଗେ ମହାନଦୀରୁ ପାଣି ଅଣାଯାଇଥିଲା, ସେହିଭଳି କରାଯିବ। ପାଣି ଚାହିଦା ମେଣ୍ଟାଇବା ସକାଶେ ପାରାଦୀପ ବନ୍ଦର ପକ୍ଷରୁ ସମୁଦ୍ରର ଲୁଣି ପାଣିକୁ ବିଶୋଧନ କରିବା ପାଇଁ ଅବଲଣୀକରଣ କାରଖାନା କରାଯିବ। ୨୦୦କୋଟି ଟଙ୍କା ବ୍ୟୟ ଅଟକଳରେ ଏହା କରାଯିବ। ବର୍ତ୍ତମାନ ଏହି ପ୍ରସ୍ତାବ କେନ୍ଦ୍ର ଜାହାଜ ଚଳାଚଳ ମନ୍ତ୍ରଣାଳୟରେ ବିଚାରାଧୀନ ରହିଛି। ସମ୍ଭବତଃ ଆସନ୍ତା ଜୁନ୍‌ରୁ ଏହି ପ୍ରକଳ୍ପ କାର୍ଯ୍ୟ ଆରମ୍ଭ ହୋଇପାରେ ବୋଲି ରାୟ କହିଥିଲେ।
ସୂଚନାଥାଉ କି, ୨୦୧୩ରୁ ବନ୍ଦରାଞ୍ଚଳରେ ଖରାଦିନେ ଜଳସଙ୍କଟ ଲାଗି ରହିଛି। ବନ୍ଦରାଞ୍ଚଳ ଓ ଜାହାଜ ପାଇଁ ଦୈନିକ ୪ ମିଲିୟନ୍‌ ଗ୍ୟାଲେନ ପାଣିରୁ ଅଧିକ ଆବଶ୍ୟକ ହୋଇଥାଏ। ଏହି ପାଣି କଟକର ଯୋବ୍ରାଠାରୁ ତାଳଦଣ୍ଡା କେନାଲ ଦେଇ ଆସି ବନ୍ଦରର ୧୭୫ ଏକର ବିଶିଷ୍ଟ ଜଳାଶୟରେ ଗଚ୍ଛିତ ରହିଥାଏ। ଜଳାଶୟର ବାଲିଘରାଠାରେ ସେହି ପାଣିକୁ ବିଶୋଧନ କରାଯାଇ ଦିନକୁ ୨ଥର ଯୋଗାଣ କରାଯାଏ। ୯ ମିଟର ଗଭୀର ଥିବା ସେହି ଜଳାଶୟ କ୍ରମଶଃ ପୋତି ହୋଇ ଏବେ ମାତ୍ର ୬ ଫୁଟ ଗଭୀରରେ ରହିଛି। ଯେଉଁଥିପାଇଁ ଜଳଧାରଣ କ୍ଷମତା କମିଯାଇଛି। ଅପରପକ୍ଷେ ମହାନଦୀରେ ଜଳସଙ୍କଟ ଯୋଗୁ ଖରାଦିନେ ତାଳଦଣ୍ଡା କେନାଲକୁ ଠିକ୍‌ ଭାବେ ପାଣି ଆସୁନାହିଁ। ଏଣୁ ଏଭଳି ସଙ୍କଟ ଲାଗିରହିଛି। ଜଳାଶୟକୁ ଖନନ ପ୍ରସଙ୍ଗରେ ଅଧ୍ୟକ୍ଷ ରାୟ କୁହନ୍ତି, ଜଳାଶୟ ଖନନ କରିବା ପାଇଁ ବିଗତ ଦିନରୁ ଚେଷ୍ଟା ହୋଇଛି। କିନ୍ତୁ ଲୁଣି ପାଣି ବାହାରିବାର ସମ୍ଭାବନା ଥିବାରୁ ଖନନ କରାଯିବ ନାହିଁ। ଆଗକୁ ଖରାଦିନ ଏବଂ ଏବର କରୋନା ଭୟରେ ଲୋକେ ଅଧିକ ପାଣି ଆବଶ୍ୟକ କରୁଛନ୍ତି। ଏବେ ପାଣି ଯୋଗାଣରେ କଟକଣା ଲାଗିବା ପରେ ଲୋକଙ୍କ ସମସ୍ୟା ଦ୍ୱିଗୁଣିତ ହେବ ବୋଲି ଆଲୋଚନା ହେଉଛି।


Enter your email to get our daily news in your inbox.

All Right Reserved By Dharitri.Com

ଘନକୁହୁଡ଼ି ସହ ବାଲିଗୁଡ଼ାକୁ ପୁଣି ଫେରିଛି ଶୀତ, ଯାନବାହନ ଚଳାଚଳରେ ବାଧା

ବାଲିଗୁଡ଼ା,୬ା୧(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲା ବାଲିଗୁଡ଼ା ଅଞ୍ଚଳରେ ମେଘୁଆ ପାଗ ପରେ ପୁଣି କୁହୁଡ଼ି ସାଙ୍ଗକୁ ଫେରିଲା ଶୀତ ଲହରି। ଲଘୁଚାପ ବର୍ଷା ପରେ...

ସାତକୋଶିଆରେ ଆରମ୍ଭ ହେଲା କୁମ୍ଭୀର ଗଣନା

ଅନୁଗୋଳ,୬ା୧: ସୋମବାରଠାରୁ ୩ ଦିନ ପର୍ଯ୍ୟନ୍ତ ସାତକୋଶିଆରେ କୁମ୍ଭୀର ଗଣନା କରାଯିବ। କୁମ୍ଭୀର ଗଣନା ପାଇଁ ଆଜିଠୁ ଆସନ୍ତା ୯ ତାରିଖ ସକାଳ ପର୍ଯ୍ୟନ୍ତ ମହାନଦୀରେ...

ମା’ଙ୍କ ଖର୍ଚ୍ଚ ରସିଦ ବହିରେ ତାଳମେଳ ନାହିଁ

ମହାକାଳପଡ଼ା, ୬ା୧(ପ୍ରତାପ ଚନ୍ଦ୍ର ସ୍ବାଇଁ):କେନ୍ଦ୍ରାପଡ଼ା ଜିଲା ପ୍ରସିଦ୍ଧ ଶକ୍ତିପୀଠ ମା’ ରାମଚଣ୍ଡୀ ମନ୍ଦିର ପୂର୍ବତନ ଟ୍ରଷ୍ଟିଙ୍କ ଫଲ୍ସ ରସିଦ ହିସାବ ତଦନ୍ତ ବେଳେ ଧରାପଡ଼ିଛି। ୨୦୧୪...

କ୍ରିକେଟ୍‌ରେ ଇତିହାସ ରଚିଲେ ପାକିସ୍ତାନ ଯୋଡ଼ି: ଭାଙ୍ଗିଲା ୨୨ ବର୍ଷର ରେକର୍ଡ

କେପଟାଉନ,୬।୧: ଦୁଇ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ଦ୍ୱିତୀୟ ତଥା ଶେଷ ଟେଷ୍ଟ ପାକିସ୍ତାନ ଏବଂ ଦକ୍ଷିଣ ଆଫ୍ରିକା ମଧ୍ୟରେ କେପଟାଉନରେ ଖେଳାଯାଉଛି। ଏହି ମ୍ୟାଚ୍‌ରେ...

ବରଗଡ଼ରେ ହେବ ବାଲ୍‌ ଧନୁଯାତ୍ରା

ମଥୁରାନଗରୀ,୬।୧(ପ୍ରେମାନନ୍ଦ ଖମାରୀ):ବୃହତ୍‌ ମୁକ୍ତାକାଶ ରଙ୍ଗମଞ୍ଚ ବରଗଡ଼ ଧନୁଯାତ୍ରା ମହୋତ୍ସବ ଶୁକ୍ରବାର ସନ୍ଧ୍ୟାରୁ ଆରମ୍ଭ ହୋଇଛି। ଦୀର୍ଘ ୧୧ଦିନ ବ୍ୟାପୀ ଏହି ମହୋତ୍ସବ ଚାଲିବ। ତେବେ ଏହି...

ଭତ୍ରାଡ୍ୟାମ୍‌ରେ ୧୦ ବିଦେଶୀ ପ୍ରଜାପତିର ପକ୍ଷୀ

ଭବାନୀପାଟଣା,୬।୧(ଉତ୍ତମ କୁମାର ଦାଶ):କଳାହାଣ୍ଡି ଜିଲାରେ ଡିସେମ୍ବର ଶେଷ ସପ୍ତାହରୁ ଶୀତର ଲହରି ଆରମ୍ଭ ହୋଇଛି। ଶୀତ ଋତୁର ଆରମ୍ଭରୁ ପ୍ରାୟ ୧୦ରୁ ଅଧିକ ପ୍ରଜାତିର ପରିବ୍ରାଜକ...

ମୟୂରଭଞ୍ଜରେ ଜେଏମ୍‌ଏମ୍‌ର ସଭାପତି ଘୋଷଣା

ବାରିପଦା,୬।ା୧(ନୀଳାଦ୍ରି ବିହାରୀ ଦଣ୍ଡପାଟ):ଝାଡ଼ଖଣ୍ଡ ମୁକ୍ତି ମୋର୍ଚ୍ଚା (ଜେଏମ୍‌ଏମ୍‌) ନୂତନ ମୟୂରଭଞ୍ଜ ଜିଲା କମିଟି ଘୋଷିତ ହୋଇଛି। ସ୍ଥାନୀୟ ରଘୁନାଥପୁରସ୍ଥିତ ମଣ୍ଡପରେ ରାଜ୍ୟ ସଭାନେତ୍ରୀ ଅଞ୍ଜନୀ ସୋରେନଙ୍କ...

ପୁରୀରେ ଚାଲିଲା ଡବଲ୍‌ ଡେକର୍‌ ବସ୍‌

ପୁରୀ,୬।୧(ଅଜିତ୍‌ କୁମାର ମହାନ୍ତି): ଆସନ୍ତା ୮ ତାରିଖରୁ ୩ ଦିନ ବ୍ୟାପୀ ଭୁବନେଶ୍ୱରରେ ପ୍ରବାସୀ ଭାରତୀୟ ସମ୍ମିଳନୀ ଅନୁଷ୍ଠିତ ହେବାକୁ ଯାଉଛି। ପ୍ରବାସୀ ଭାରତୀୟଙ୍କ ପରିଭ୍ରମଣ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri