ଭୁବନେଶ୍ୱର, ୧୭।୧୧ (ସ୍ପୋଟର୍ସ ବ୍ୟୁରୋ)- ଟୋକିଓରେ ଚାଲିଥିବା ଜାପାନ ଅନ୍ତର୍ଜାତୀୟ ପାରା ବ୍ୟାଡ୍ମିଣ୍ଟନ ପ୍ରତିଯୋଗିତାର ପୁରୁଷ ସିଙ୍ଗଲ୍ସ ଫାଇନାଲରେ ଓଡ଼ିଶାର ପ୍ରମୋଦ ଭଗତ ପ୍ରବେଶ କରିଛନ୍ତି। ସେମିଫାଇନାଲ ମ୍ୟାଚ୍ରେ ପ୍ରମୋଦ ୨୧-୭, ୨୧-୧୭ ସିଧାସଳଖ ଗେମ୍ରେ ଇଣ୍ଡୋନେସିଆର ମମନ ନୁର୍ଜାମନଙ୍କୁ ପରାସ୍ତ କରିଛନ୍ତି। ରବିବାର ଅନୁଷ୍ଠିତ ହେବାକୁ ଥିବା ଫାଇନାଲରେ ପ୍ରମୋଦଙ୍କ ମୁକାବିଲା ଇଂଲଣ୍ଡର ଡାନିଏଲ୍ ବେଥେଲଙ୍କ ସହ ହେବ। ଏଥିପୂର୍ବରୁ ଖେଳାଯାଇଥିବା କ୍ୱାର୍ଟର ଫାଇନାଲ ମ୍ୟାଚ୍କୁ ମଧ୍ୟ ପ୍ରମୋଦ ଏକପାଖିଆ ଭାବେ ଜିତିନେଇଥିଲେ। ଏଥିରେ ସେ ୨୧-୧୭, ୨୧-୧୭ ଗେମ୍ରେ ସାଥୀ ଭାରତୀୟ ଖେଳାଳି ବିକ୍ରମ କୁମାରଙ୍କୁ ହରାଇ ଅନ୍ତିମ-୪ରେ ପ୍ରବେଶ କରିଥିଲେ।
