ମୁମ୍ବାଇ: ବଲିଉଡ୍ ଅଭିନେତା ରଣବୀର ସିଂ ନିଜର ଦମ୍ଦାର ଅଭିନୟ ଓ ଭିନ୍ନ ଭିନ୍ନ ଚରିତ୍ର ପାଇଁ ବେଶ୍ ଜଣାଶୁଣା। ତାଙ୍କ ପାଖରେ ବହୁ ନୂଆ ନୂଆ ପ୍ରୋଜେକ୍ଟ ରହିଥିବା ବେଳେ ଏବେ ଅପ୍ କମିଂ ଫିଲ୍ମ ‘ଜୟେଶଭାଇ ଜୋରଦାର’ର ଫାଷ୍ଟ ଲୁକ୍ ରିଲିଜ୍ ହୋଇଛି। ଫିଲ୍ମର ପୋଷ୍ଟରରେ ରଣବୀର ଅରେଞ୍ଜ କଲରର ଏକ ପ୍ରିଣ୍ଟେଡ୍ ଟି-ଶାର୍ଟ, ବ୍ଲାକ୍ ଫେଡେଡ୍ ପ୍ୟାଣ୍ଟ ଓ ନୂଆ ହେୟାର ଷ୍ଟାଇଲ୍ରେ ବେଶ୍ ହ୍ୟାଣ୍ଡସମ୍ ଦେଖାଯାଉଛନ୍ତି। ଉକ୍ତ ପୋଷ୍ଟରରେ ରଣବୀରଙ୍କ ପଛରେ କେତେକ ମହିଳା ଓଢ଼ଣା ପକାଇଥିବା ଦେଖିବାକୁ ମିଳିଛି। ତେବେ ପୋଷ୍ଟରକୁ ଦେଖିଲେ ଲାଗୁଛି ଫିଲ୍ମଟି ଡ୍ରାମା ଓ କମେଡିରେ ଭରପୂର ହୋଇଥିବ ବୋଲି ଆଶା କରାଯାଉଛି। ୟଶ୍ ରାଜଙ୍କ ବ୍ୟାନରରେ ତିଆରି ହୋଇଥିବା ଏହି ଫିଲ୍ମର ନିର୍ଦ୍ଦେଶନା ଭାର ତୁଲାଉଛନ୍ତି ଦିବ୍ୟାଙ୍ଗ ଠକ୍କର। ଏଥିରେ ରଣବୀରଙ୍କୁ ଜଣେ ଗୁଜରାଟୀ ବ୍ୟକ୍ତି ଚରିତ୍ରରେ ଦେଖିବାକୁ ମିଳିବ। ସବୁ ଫିଲ୍ମରେ ତାଙ୍କର ଚରିତ୍ର ଭିନ୍ନ ଭିନ୍ନ ଓ ଚ୍ୟାଲେଞ୍ଜିଂ ରହିଥାଏ। ହେଲେ ଏହି ଚରିତ୍ର ବି ତାଙ୍କୁ ବେଶ୍ ମାନୁଥିବା ନେଇ ଚର୍ଚ୍ଚା ହେଉଛି। ଜଣେ ସାଧାରଣ ବ୍ୟକ୍ତି ଏଭଳି ଏକ ପରିସ୍ଥିତିରେ କିଭଳି ଅସାଧାରଣ କାର୍ଯ୍ୟ ସବୁ କରିପାରେ ସେ ନେଇ ଫିଲ୍ମଟି ଗତିଶୀଳ ହୋଇଛି। ଆସନ୍ତା ବର୍ଷ ଏହି ଫିଲ୍ମ ପରଦାକୁ ଆସିବ।
