କୋଲକାତା,୬।୭: ନୋବେଲ ପୁରସ୍କାର ବିଜେତା ଅମର୍ତ୍ତ୍ୟ ସେନ୍ ଶୁକ୍ରବାର କହିଛନ୍ତି, ଏବେ ‘ଜୟ ଶ୍ରୀରାମ’ ସ୍ଲୋଗାନ କେବଳ ଲୋକଙ୍କୁ ଆଘାତ ଦେବା ପାଇଁ ବ୍ୟବହାର କରାଯାଉଛି। କାରଣ ଏହାର ବେଙ୍ଗଲି ପରମ୍ପରା ସହ କୌଣସି ସମ୍ପର୍କ ନାହିଁ। ଜାଦବପୁର ବିଶ୍ୱବିଦ୍ୟାଳୟରେ ଉଦ୍ବୋଧନ ଦେବା ଅମସରରେ ସେନ୍ ଏହା କହିଛନ୍ତି। ସେ କହିଛନ୍ତି କୋଲକତାରେ ସେ ପୂର୍ବରୁ କେବେ ‘ଜୟ ଶ୍ରୀରାମ’ ସ୍ଲୋଗାନ ଶୁଣି ନ ଥିଲେ ବା ରାଜ୍ୟରେ ରାମ ନବମୀ ପାଳନ ହେବା ଦେଖି ନ ଥିଲେ। ସେନ୍ଙ୍କ କହିବା କଥା ହେଲା ସେ ତାଙ୍କ ୪ ବର୍ଷର ନାତି ବା ନାତୁଣୀଙ୍କୁ ଯେତେବେଳେ ପଚାରିଲେ ତୁମର ପ୍ରିୟ ଦେବତା କିଏ ବୋଲି ଉତ୍ତର ପାଇଥିଲେ ମା’ଦୁର୍ଗା। ତେଣୁ ଦୁର୍ଗାଙ୍କୁ କେବେ ରାମ ନବମୀ ସହ ତୁଳନା କରାଯାଇ ନ ପାରେ ବୋଲି ସେ କହିଛନ୍ତି।
