ଟାଟା ଗ୍ରୁପ ଅଧୀନକୁ ଆସିପାରେ ଏୟାର ଇଣ୍ଡିଆ

ନୂଆଦିଲ୍ଲୀ,୫-୧୧: ଟାଟା ଗ୍ରୁପ ନିକଟକୁ ଏୟାର ଇଣ୍ଡିଆର ପରିଚାଳନା ଭାର ଫେରିପାରେ। ରାଷ୍ଟ୍ରାୟତ୍ତ ଏୟାର ଇଣ୍ଡିଆ ବର୍ତ୍ତମାନ କ୍ଷତିରେ ଚାଲିଥିବା ବେଳେ ଏହାର ୧୦୦% ଅଂଶଧନ ବିକ୍ରି ଲାଗି ସରକାର ଯୋଜନା ରଖିଛନ୍ତି। ଏହି ବିମାନ କମ୍ପାନୀକୁ କିଣିବା ନେଇ ଟାଟା ଗ୍ରୁପ ବିଚାର କରିପାରେ ବୋଲି ଟାଟା ସନ୍ସର ଅଧ୍ୟକ୍ଷ ଏନ୍‌.ଚନ୍ଦ୍ରଶେକରନ ସୋମବାର ଦେଇଥିବା ଏକ ସୂଚନାରୁ ଜଣାପଡିଛି। ଚନ୍ଦ୍ରଶେକରନଙ୍କ ‘ବ୍ରିିଜିଟାଲ ନେଶନ’ ପୁସ୍ତକ ଉନ୍ମୋଚନ ଅବସରରେ ଏୟାର ଇଣ୍ଡିଆର ନିଲାମ ପ୍ରକ୍ରିୟାରେ ଟାଟା ଭାଗ ନେବା ପ୍ରସଙ୍ଗକୁ ସେ ଅଗ୍ରାହ୍ୟ କରି ନାହାନ୍ତି।
ସେ କହିଛନ୍ତି ଯେ, ଏହି ପ୍ରସଙ୍ଗରେ ବିଚାର କରିବା ଲାଗି ଟିମ୍‌କୁ କୁହାଯିବ। ବାସ୍ତବରେ ଏହି ନିଷ୍ପତ୍ତି ଟାଟା ସନ୍ସ ନୁହେଁ ଭିସ୍ତାରା ଦ୍ୱାରା ହେବ। ଭିସ୍ତାରା, ଏୟାର ଏସିଆ ବାଦ୍‌ କୌଣସି ତୃତୀୟ ବିମାନ କମ୍ପାନୀ ପରିଚାଳନା ସପକ୍ଷରେ ନ ଥିବା ସେ କହିଛନ୍ତି। ଏଗୁଡିକ ମିଶ୍ରଣ ନ ହେଲା ଯାଏ କିଛି ସମସ୍ୟା ରହିଛି। ଏହା ଉପରେ ସେ ହଁ କିମ୍ବା ନା କହି ନାହାନ୍ତି। ଅପରପକ୍ଷରେ କୌଣସି ସ୍ପଷ୍ଟ ସୂଚନା ମଧ୍ୟ ସେ ପ୍ରଦାନ କରି ନାହାନ୍ତି।
ସୂଚନାଯୋଗ୍ୟ ଏୟାର ଇଣ୍ଡିଆର ସମ୍ପୂର୍ଣ୍ଣ ଅଂଶଧନ ବିକ୍ରି ନେଇ ସରକାର ନିଷ୍ପତ୍ତି ନେଇଛନ୍ତି। ଏହି ବିମାନ କମ୍ପାନୀର ୨୪% ଅଂଶଧନ ନିଜ ରଖିବା ନେଇ ସରକାର ପୂର୍ବରୁ ନିଷ୍ପତ୍ତି ନେଇଥିଲେ। ସେହିଭଳି କମ୍ପାନୀର ୭୬% ଅଂଶଧନ ବିକ୍ରି ପ୍ରକ୍ରିୟା ବିଫଳ ହୋଇଛି। ଉକ୍ତ ସମୟରେ ରଖାଯାଇଥିବା ସର୍ତ୍ତରେ କିଛିଟା ସମସ୍ୟା ରହିଥିବାରୁ ଟାଟା ଏଥିଲାଗି ଆଗ୍ରହ ପ୍ରକାଶ କରି ନ ଥିଲା। ଅପରପକ୍ଷରେ ଜେଟ୍‌ ବିମାନ କମ୍ପାନୀ ଅଧିଗ୍ରହଣ ନେଇ ଟାଟା ବିଚାର କରୁଥିବାରୁ ଏୟାର ଇଣ୍ଡିଆ କଥା ଧ୍ୟାନକୁ ନେଇ ନ ଥିଲା।

ନୂଆ ସମାଧାନ ଖୋଜୁଛି ଟାଟା
ଟାଟା ଏହାର ଏୟାରଲାଇନ ବାଣିଜ୍ୟ ଲାଗି ଏକ ସମାଧାନ ଖୋଜୁଛି। ଏହାକୁ ବଢାଇବା ଲାଗି କମ୍ପାନୀ ଯୋଜନା ରଖିଛି। ମାତ୍ର ୨୦୨୫ ପର୍ଯ୍ୟନ୍ତ ଏଥିରେ କ୍ଷତିର ଅଧିକ ସମ୍ଭାବନା ରହିଛି। ଏୟାର ଇଣ୍ଡିଆ ଅଧିଗ୍ରହଣ ଦ୍ୱାରା ବିମାନ ଚଳାଚଳ ବାଣିଜ୍ୟ କ୍ଷେତ୍ରରେ ଟାଟା ନିକଟରେ ପର୍ଯ୍ୟାନ୍ତ ସୁଯୋଗ ରହିଛି। ଗ୍ରୁପ ନିକଟରେ ଦୁଇଟି ଯୌଥ ଉଦ୍ୟୋଗ ରହିଛି। ସିଙ୍ଗାପୁର ଏୟାରଲାଇନ ସହ ମିଳିତ ହୋଇ ଏହା ଭିସ୍ତାରା କମ୍ପାନୀ ଏବଂ ବଜେଟ ବିମାନ କମ୍ପାନୀ ଏୟାର ଏସିଆ ସହ ସହଭାଗିତାରେ ବିମାନ ସେବା ପ୍ରଦାନ କରୁଛି।

ଜେଟ୍‌ ଡିଲ୍‌କୁ ଅଗ୍ରାହ୍ୟ କରିପାରେ
ଟାଟା ଗ୍ରୁପ ଜେଟ୍‌ ଏୟାରଓ୍ବେଜ ଡିଲ ଲାଗି ଅଗ୍ରାହ୍ୟ କରିପାରେ। ଏକ୍ଷେତ୍ରରେ ଏୟାର ଇଣ୍ଡିଆ କ୍ରୟ ନେଇ ଟାଟା ଗ୍ରୁପ ଆଗ୍ରହ ଦେଖାଇପାରେ। ଏହି ବିମାନ କମ୍ପାନୀକୁ ଜେଆରଡି ଟାଟା ୧୯୩୨ରେ ସ୍ଥାପନ କରିଥିଲେ। ଯାହା ପରେ ରାଷ୍ଟ୍ରାୟତ୍ତ କମ୍ପାନୀ ଭାବେ ପରିଣତ ହୋଇଥିଲା। ଏୟାର ଇଣ୍ଡିଆ ସହ ଟାଟା ଗ୍ରୁପର ପୂର୍ବରୁ ସମ୍ପର୍କ ରହିଛି। ଟାଟାସନ୍ସର ସେବା ନିବୃତ୍ତ ଅଧ୍ୟକ୍ଷ ତଥା ଟାଟା ଟ୍ରଷ୍ଟର ବର୍ତ୍ତମାନର ମୁଖ୍ୟ ରତନ ଟାଟା ଏୟାର ଇଣ୍ଡିଆ କ୍ରୟ ନେଇ ଗୁରୁତ୍ୱ ଦେଇପାରନ୍ତି।

ସ୍ଥିତି ଦୃଢ଼ ଲାଗି ଭିସ୍ତାରାକୁ ସୁବିଧା ହେବ
ଏୟାର ଇଣ୍ଡିଆ ଟାଟା ଗ୍ରୁପ ହାତକୁ ଗଲେ ଭିସ୍ତାରାକୁ ଅନ୍ତର୍ଜାତୀୟ ବଜାରରେ ଏହାର ସ୍ଥିତି ଦୃଢ କରିବା ଦିଗରେ ସହାୟକ ହେବ। ବର୍ତ୍ତମାନ ଭିସ୍ତାରା କେବଳ ୪ ଅନ୍ତର୍ଜାତୀୟ ଡେଷ୍ଟିନେଶନକୁ ଏହାର ସେବା ଯୋଗାଇଦେଉଛି। ଏହାବାଦ ଦେଶ ମଧ୍ୟରେ ବଜାର ଅଂଶକୁ ବଢାଇବା ଦିଗରେ ଭିସ୍ତରା ଏହି ଡିଲ୍‌ର ଲାଭ ନେଇ ପାରିବ। ଭିସ୍ତାରାର ବଜାର ଅଂଶ ଦେଶରେ ୬% ରହିଥିବା ବେଳେ ଏୟାର ଇଣ୍ଡିଆ ୧୨% ଅଂଶ ହାସଲ କରିଛି।


Enter your email to get our daily news in your inbox.

All Right Reserved By Dharitri.Com

ଶେୟାର ବଜାରରେ ନୂଆ ରେକର୍ଡ: ପ୍ରଥମଥର ୮୪ ହଜାର ପଏଣ୍ଟ ପାର୍‌ କଲା ସେନସେକ୍ସ

ନୂଆଦିଲ୍ଲୀ,୨୦।୯: କ୍ରମାଗତ ଦ୍ୱିତୀୟ ଦିନ ପାଇଁ ଘରୋଇ ଷ୍ଟକ ମାର୍କେଟ ନୂତନ ସର୍ବକାଳୀନ ରେକର୍ଡ ସୃଷ୍ଟି କରିଛି। ବ୍ୟବସାୟରେ ଧୀର ଆରମ୍ଭ ହେବା ପରେ, ଅଳ୍ପ...

ଆଇଫୋନ୍‌ କିଣିବାକୁ ଦୌଡିଲେ ଲୋକେ: ଜାଣନ୍ତୁ କାହିଁକି

ମୁମ୍ବାଇ,୨୦।୯:ଭେଟେରାନ ଟେକ୍‌ କମ୍ପାନୀ ଆପଲ ଆଜିଠାରୁ ଆଇଫୋନ ୧୬ ସିରିଜ ବିକ୍ରି ଆରମ୍ଭ କରିଛି। ସେପ୍ଟେମ୍ବର ୯ରେ ‘ଇଟିସ୍‌ ଗ୍ଲୋ ଟାଇମ’ରେ ଏଆଇ ବୈଶିଷ୍ଟ୍ୟ ସହିତ...

ବଜାରରେ ଏଚ୍‌ପିର ନୂତନ ଉତ୍ପାଦ

ନୂଆଦିଲ୍ଲୀ,୨୦।୯ (ଅଭୟ ଦାଶ):ଦେଶର ପ୍ରମୁଖ ଘରୋଇ ସଂସ୍ଥା ତଥା ଇ-ଉତ୍ପାଦନକାରୀ ବ୍ରାଣ୍ଡ ଏଚ୍‌ପିର ନୂତନ ଉତ୍ପାଦ ରେଞ୍ଜର ଅନାବରଣ ନିକଟରେ ହୋଇଯାଇଛି। ଏପରିକି ବ୍ରାଣ୍ଡ୍‌ର ଅଫିସ୍‌...

ଆଇସିଆଇସିଆଇ ପ୍ରୁ ସିଗ୍ନେଚର ପେନ୍‌ସନର ଶୁଭାରମ୍ଭ

ନୂଆଦିଲ୍ଲୀ,୨୦।୯ (ଅଭୟ ଦାଶ):ଆଇସିଆଇସିଆଇ ପ୍ରୁଡେନ୍ସିଆଲ ଲାଇଫ୍‌ ଇନ୍ସୁରାନ୍ସର ନୂତନ ଉତ୍ପାଦ ‘ଆଇସିଆଇସିଆଇ ପ୍ରୁ ସିଗ୍ନେଚର ପେନ୍‌ସନ’ ପ୍ଲାନ୍‌ର ଶୁଭାରମ୍ଭ ନିକଟରେ ହୋଇଯାଇଛି। ଏପରିକି ଏହା ଏକ...

ମଉଳୁଛି ପେଟ୍ରୋଲ, ଡିଜେଲ ଶସ୍ତା ହେବା ଆଶା

ଭୁବନେଶ୍ୱର,୨୦।୯ (ଅନୁରାଧା ମହାରଣା):ନିକଟରେ ଅଶୋଧିତ ତୈଳର ମୂଲ୍ୟ ହ୍ରାସ ପାଇବା ପରେ ଦେଶରେ ପେଟ୍ରୋଲ ଏବଂ ଡିଜେଲ ଦର ହ୍ରାସ ପାଇବ ବୋଲି ଆଶା କରାଯାଉଥିଲା।...

କୋଟି କୋଟି ଟଙ୍କାର ବ୍ୟବସାୟ ଛାଡି ରିଲାଏନ୍ସରେ ଦେଇଥିଲେ ଯୋଗ, ଏବେ କମ୍ପାନୀର…

ନୂଆଦିଲ୍ଲୀ,୧୯।୯: ଜୟକର୍ପ ଲିମିଟେଡର ଚେୟାରମ୍ୟାନ୍‌ ଆନନ୍ଦ ଜେନ ରିଅଲ ଇଷ୍ଟେଟ, ବିତ୍ତ ଓ ପୁଞ୍ଜି ବଜାର ସହିତ ଅନ୍ୟ ଉଦ୍ୟୋଗରେ ୩୦ବର୍ଷର ଅନୁଭବ ରଖିଛନ୍ତି। ତେବେ...

ପାର୍ବଣ ସମୟରେ ନିୟନ୍ତ୍ରଣରେ ରହିବ ଦରଦାମ୍: ଆଶ୍ୱସ୍ତ କଲେ ସରକାର

ନୂଆଦିଲ୍ଲୀ,୧୮ା୯: ସରକାର ନାଗରିକମାନଙ୍କୁ ଆଶ୍ୱାସନା ଦେଇଛନ୍ତି ଯେ ଆଗାମୀ ପାର୍ବଣ ଋତୁରେ ଅତ୍ୟାବଶ୍ୟକ ଦ୍ରବ୍ୟର ମୂଲ୍ୟ ବୃଦ୍ଧି ହେବ ନାହିଁ। ବଢୁଥିବା ଦରଦାମ୍ ଏବେ ଲୋକମାନଙ୍କର...

ଜିଡିପିରେ ଓଡ଼ିଶାର ଜବରଦସ୍ତ ଉନ୍ନତି: ପଛରେ ପଡିଲା ପଶ୍ଚିମବଙ୍ଗ

ନୂଆଦିଲ୍ଲୀ,୧୮।୯: ପ୍ରଧାନମନ୍ତ୍ରୀଙ୍କ ଅର୍ଥନୈତିକ ପରାମର୍ଶଦାତା ପରିଷଦ (ଇଏସି-ପିଏମ) ପକ୍ଷରୁ ଏକ ରିପୋର୍ଟ ପ୍ରକାଶ ପାଇଛି। ଏହି ରିପୋର୍ଟରେ ଦର୍ଶାଯାଇଛି ଯେ, ଉଦାରୀକରଣ ପରେ ଦକ୍ଷିଣ ରାଜ୍ୟଗୁଡ଼ିକ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri