ନୂଆଦିଲ୍ଲୀ,୮।୬: ଯଦି ଟି୨୦ ବିଶ୍ୱକପ୍ ନିର୍ଦ୍ଧାରିତ କାର୍ଯ୍ୟସୂଚୀରେ ଆୟୋଜନ ନ ହୋଇପାରେ ତା‘ହେଲ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ଆୟୋଜନ କରୁ। ଏକଥା କହିଛନ୍ତି ଓ୍ବେଷ୍ଟଇଣ୍ଡିଜ୍ କିମ୍ବଦନ୍ତୀ ଦ୍ରୁତ ବୋଲର ମାଇକେଲ ହୋଲ୍ଡିଂ। ଅଷ୍ଟ୍ରେଲିଆରେ ଆସନ୍ତା ଅକ୍ଟୋବର ୧୮ରୁ ନଭେମ୍ବର ୧୫ ତାରିଖ ମଧ୍ୟରେ ଟି୨୦ ବିଶ୍ୱକପ୍ ଆୟୋଜନ ହେବା କାର୍ଯ୍ୟକ୍ରମ ରହିଛି। ଯଦି କୋଭିଡ୍-୧୯ ମହାମାରୀ କାରଣରୁ ଏହାକୁ ସ୍ଥଗିତ ରଖାଯାଏ ତା’ହେଲେ ବିସିସିଆଇକୁ ଆଇପିଏଲ ଆୟୋଜନ କରିବାକୁ ଅଧିକାର ଦିଆଯାଉ ବୋଲି ସେ କହିଛନ୍ତି। ଏପରି ହେଲେ ବିସିସିଆଇ ଆଇପିଏଲ୍ ପାଇଁ ଯୋଜନା ପ୍ରସ୍ତୁତ କରିବ ବୋଲି ନିଖିଲ ନାଜଙ୍କ ସହ ଇନ୍ଷ୍ଟ୍ରାଗ୍ରାମ୍ରେ କଥା ହେବା ଅବସରରେ ସେ କହିଛନ୍ତି। ତେବେ ଆଇପିଏଲ୍ ପାଇଁ ଓ୍ବିଣ୍ଡୋ ପ୍ରସ୍ତୁତ କରିବାକୁ ଯାଇ ଅନ୍ତର୍ଜାତୀୟ କ୍ରିକେଟ କାଉନସିଲ (ଆଇସିସି) ଜାଣିଶୁଣି ଟି୨୦ ବିଶ୍ୱକପ୍କୁ ବିଳମ୍ବିତ କରିବ ନାହିଁ ବୋଲି ଭାବୁଥିବା କଥା ସେ କହିଛନ୍ତି। ପୁଣି ଅଷ୍ଟ୍ରେଲିଆରେ ଟ୍ରାଭେଲ ରେଷ୍ଟ୍ରିକ୍ସନ ଜାରି କରାଯାଇଛି। ଏକ ନିର୍ଦ୍ଦିଷ୍ଟ ତାରିଖ ପୂର୍ବରୁ ଅଷ୍ଟ୍ରେଲିଆ କାହାକୁ ଦେଶ ଭିତରକୁ ପ୍ରାବେଶ ଅନୁମତି ଦେବନାହିଁ ବୋଲି ସେ କହିଛନ୍ତି।
