ନୂଆଦିଲ୍ଲୀ, ୨୧।୬: କେବଳ ଦେଶରେ ନୁହେଁ, ସାରା ବିଶ୍ୱରେ ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜଲ୍ଓ୍ବା ଦେଖିବାକୁ ମିଳିଛି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍, ରୁଷ ରାଷ୍ଟ୍ରପତି ଭ୍ଲାଡିମିର୍ ପୁଟିନ ଏବଂ ଚାଇନା ରଷ୍ଟ୍ରପତି ସି ଜିନ୍ପିଙ୍ଗ୍ଙ୍କୁ ପଛରେ ପକାଇ ମୋଦି ବିଶ୍ୱର ସବୁଠୁ ପ୍ରଭାବଶାଳୀ ବ୍ୟକ୍ତି ହୋଇଛନ୍ତି। ବ୍ରିଟିଶ୍ ହେରାଲ୍ଡ ପକ୍ଷରୁ କରାଯାଇଥିବା ଏକ ସର୍ବେକ୍ଷଣରେ ବିଶ୍ୱର ୨୫ଜଣ ବ୍ୟକ୍ତି ସାମିଲ ହୋଇଥିଲେ। ଏଥିରେ ମୋଦିଙ୍କୁ ସର୍ବାଧିକ ୩୦.୯ ପ୍ରତିଶତ ଭୋଟ ମିଳିଥିଲା। ପୁଟିନଙ୍କୁ ୨୯.୯ ପ୍ରତିଶତ ଭୋଟ ମିଳିଥିବାବେଳେ ଟ୍ରମ୍ପ୍ଙ୍କୁ ୨୧.୯ ପ୍ରତିଶତ, ଜିନପିଙ୍ଗ୍ଙ୍କୁ ୧୮.୧ ପ୍ରତିଶତ ଭୋଟ ମିଳିଛି। ବ୍ରିଟିଶ୍ ହେରାଲ୍ଡ ମାମଗାଜିନ୍ର ଜୁଲାଇ ସଂସ୍କରଣର କଭର୍ ପେଜ୍ରେ ମୋଦିଙ୍କ ଫଟୋ ସ୍ଥାନିତ ହେବ। ଏହି ମାଗାଜିନ୍ ଜୁଲାଇ ୧୫ରେ ପ୍ରକାଶ ପାଇବ। ସୂଚନାଯୋଗ୍ୟ, ମୋଦି ଦ୍ୱିତୀୟଥର ପାଇଁ ପ୍ରଧାନମନ୍ତ୍ରୀ ଭାବେ ନିର୍ବାଚିତ ହେବା ପରେ ସାରା ବିଶ୍ୱରେ ତାଙ୍କ ଲୋକପ୍ରିୟତା ଅହେତୁକ ବୃଦ୍ଧି ପାଇଛି।
