ନୂଆଦିଲ୍ଲୀ,୨୩୧୭: ପୁଷ୍ପକ ଏକ୍ସପ୍ରେସ ପରେ ଏବେ ଅନ୍ୟ ଟ୍ରେନର ଜେନେରାଲ ବଗିରେ ଯାତ୍ରା କରିବା ପାଇଁ ଠେଲାପେଲା ଆଉ ହେବାକୁ ପଡ଼ିବ ନାହିଁ। ଯିଏ ପ୍ରଥମ ଆସିବ ତାଙ୍କୁ ପ୍ରଥମେ ସିଟ୍ ମିଳିବ। ଏହି ସମସ୍ୟାର ସମାଧାନ ପାଇଁ ରେଲଓ୍ବେର ଆରପିଏଫ୍ ପକ୍ଷରୁ ବ୍ୟବସ୍ଥା କରାଯାଇଛି। ମୁମ୍ବାଇ ଛତ୍ରପତି ଶିବାଜୀ ଟର୍ମିନାଲରୁ ଲକ୍ଷ୍ନୌକୁ ଯାଉଥିବା ପୁଷ୍ପକ ଏକ୍ସପ୍ରେସ୍ରେ ବାୟୋମେଟ୍ରିକ୍ ବ୍ୟବସ୍ଥାର ପରୀକ୍ଷା ସଫଳ ହେବା ପରେ ଏବେ ଅନ୍ୟ ଟ୍ରେନ ଗୁଡିକରେ ମଧ୍ୟ ଏହି ଉପାୟ ଅବଲମ୍ବନ କରାଯିବ ବୋଲି ଯୋଜନା ଚାଲିଛି। ଯାତ୍ରୀମାନେ ଜେନେରାଲ ବଗିରେ ପ୍ରବେଶ କରିବା ପାଇଁ ପ୍ରଥମେ ବାୟୋମେଟ୍ରିକ ଦେଇ ଯିବାକୁ ପଡ଼ିବ। ଏଥିଯୋଗୁ ଷ୍ଟେସନ୍ରେ ଯାତ୍ରୀଙ୍କ ଭିଡ, ମାରପିଟ ଓ ଠେଲାପେଲା ମଧ୍ୟ କମିବ ବୋଲି ଆଶା କରାଯାଉଛି। ଯାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ରେଳମନ୍ତ୍ରୀ ପୀୟୁଷ ଗୋଏଲଙ୍କ ନିର୍ଦ୍ଦେଶକ୍ରମେ ଆରପିଏଫ୍ ଷ୍ଟେସନ୍ରେ ଏହି ବ୍ୟବସ୍ଥା ଲାଗୁ କରିବାକୁ ଯାଉଛନ୍ତି।
