ପୁରୀ ଅଫିସ,୫।୩: ବାରମ୍ବାର ତାଗିଦ ସତ୍ତ୍ୱେ ମାନୁନାହିଁ ଇସ୍କନ। ପୂର୍ବରୁ ମୁମ୍ବାଇ ଶିବାଜୀ ପାର୍କରେ ଅଦିନିଆ ରଥଯାତ୍ରା କରି ବିବାଦୀୟ ହୋଇପଡିଥିବା ଇସ୍କନ ଏବେ ନାମ ପରିବର୍ତ୍ତନ କରି ଅଦିନିଆ ରଥଯାତ୍ରା କରିବାକୁ ଯୋଜନା କରୁଥିବା ଆଶଙ୍କା କରାଯାଉଛି। ତେବେ ସୋସିଆଲ ମିଡିଆରେ ଘୂରିବୁଲୁଥିବା ଇସ୍କନର ପୋଷ୍ଟର ଏବେ ପୁଣି ବିବାଦ ସୃଷ୍ଟି କରିଛି। ପୋଷ୍ଟରରେ କ୍ରୀଷ୍ଣା ଫେଷ୍ଟିଭାଲ ଲେଖା ରହିଥିବା ବେଳେ ରୁଟ୍ ଚାର୍ଟ ମଧ୍ୟ ରହିଛି। ସବୁଠୁ ବଡ଼ କଥା ହେଉଛି ଏହି ପୋଷ୍ଟରରେ ରଥର ଫଟୋ ରହିଛି। ଚଳିତ ମାସ ୧୮ ତାରିଖ ଦିନ ଏହି କ୍ରୀଷ୍ଣା ଫେଷ୍ଟିଭାଲର ଆୟୋଜନ କରାଯାଇଛି। ମଥୁରା ମୁକୁନ୍ଦ ବିହାର ଅଞ୍ଚଳରେ ଅପରାହ୍ନ ୨ଟା ସମୟରେ ଅନୁଷ୍ଠିତ ହେବ ବୋଲି ସୂଚନା ଦିଆଯାଇଛି। ଏହାକୁ ନେଇ ବୁଦ୍ଧିଜୀବୀ ଓ ଭକ୍ତଙ୍କ ମହଲରେ ଅସନ୍ତୋଷ ପ୍ରକାଶ ପାଇଛି।
