ଖୋର୍ଦ୍ଧା ଅଫିସ,୧୩।୮: ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ(ଏବିଭିପି)ର ତ୍ରିରଙ୍ଗା ଯାତ୍ରାବେଳେ ତ୍ରିରଙ୍ଗାକୁ ତଳେ ପକାଇବାକୁ ନେଇ ପ୍ରାଣନାଥ ସ୍ବୟଂଶାସିତ ମହାବିଦ୍ୟାଳୟରେ ମଙ୍ଗଳବାର ପୂର୍ବାହ୍ନରେ ଉତ୍ତେଜନା ଦେଖାଦେଇଛି। ତ୍ରିରଙ୍ଗାର ଅପମାନ ପ୍ରତିବାଦରେ ଏବିଭିପି ପକ୍ଷରୁ ଧାରଣା ଚାଲୁରହିଛି। ଏ ନେଇ ବିଜୁ ଛାତ୍ର ଜନତା ଦଳ (ବିସିଜେଡି) ଓ କଲେଜ କର୍ତ୍ତୃପକ୍ଷଙ୍କୁ ଦାୟୀ କରାଯାଉଛି । ନ୍ୟାୟ ନ ପାଇବା ପର୍ଯ୍ୟନ୍ତ ଆନ୍ଦୋଳନ ଚାଲୁ ରହିବ ବୋଲି ଏବିଭିପି ପକ୍ଷରୁ କୁହାଯାଇଛି । ଅନ୍ୟପଟେ ବିସିଜେଡି ପକ୍ଷରୁ ଧାରଣା ଦିଆଯାଇଥିଲେ ମଧ୍ୟ ସେମାନେ ତ୍ରିରଙ୍ଗାକୁ ଅବମାନନା କରି ନ ଥିବା ଦର୍ଶାଇଛନ୍ତି। ଫଳରେ କଲେଜରେ ଉତ୍ତେଜନା ପରିସ୍ଥିତି ଲାଗିରହିଛି।
