ସିରିଏଲ୍ ଜଗତରୁ ଚଳଚ୍ଚିତ୍ରକୁ ଆସିଥିଲେ ସୁଶାନ୍ତ ସିଂ ରାଜପୁତ୍। ଜୁନ୍ ୧୪ରେ ସେ ତାଙ୍କ
ବାନ୍ଦ୍ରାସ୍ଥିତ ଘରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି। ଏହି ଖବର ସିନେ ଜଗତ ସହ ତାଙ୍କ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଦେଇଥିଲା। କାଇ ପୋ ଚେ, ଏମ.ଏସ୍ଧୋନି, ଚ୍ଛିଚୋରେ ଭଳି ଚଳଚ୍ଚିତ୍ର ମାଧ୍ୟମରେ ସେ ବଲିଉଡରେ ଏକ ନୂତନ ସ୍ଥାନ ସୃଷ୍ଟି କରିଥିଲେ। ତେବେ ଏଯାଏ ତାଙ୍କ ଆତ୍ମହତ୍ୟାର କାରଣ ଜଣାପଡିନାହିଁ। ସୁଶାନ୍ତ ବିବାହ କରି ନ ଥିବାବେଳେ ଗତ କିଛି ଦିନ ହେବ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ସହ ତାଙ୍କ ନାମ ଯୋଡାଯାଉଥିଲା। କିନ୍ତୁ ଅଙ୍କିତା ଲୋଖଣ୍ଡେଙ୍କ ସହ ସୁଶାନ୍ତଙ୍କ ସମ୍ପର୍କ ଏକ ଉଦାହରଣ ଥିଲା। ସିରିଏଲ ପବିତ୍ର ରିସ୍ତା ପାଇଁ ଉଭୟଙ୍କୁ ଘରେ ଘରେ ମାନବ ଓ ଅର୍ଚ୍ଚନା ନାମରେ ପରିଚିତ ଥିଲେ। ଅର୍ଚ୍ଚନାଙ୍କ ସହ ମାନବଙ୍କ ଯୋଡ଼ି ଏକ ଉଦାହରଣ ସୃଷ୍ଟି କରିଥିଲା।
ପବିତ୍ର ରିସ୍ତାରୁ ଅଙ୍କିତା ଲୋଖଣ୍ଡେ ମଧ୍ୟ ତାଙ୍କ କ୍ୟାରିୟର ଆରମ୍ଭ କରିଥିଲେ। ସେହି ସମୟରେ ଅଙ୍କିତାଙ୍କ ସହ ଅଭିନୟକୁ ନେଇ ସୁଶାନ୍ତ ଚର୍ଚ୍ଚାରେ ରହୁଥିଲେ। ଏହି ଦୁଇଜଣଙ୍କ ଯୋଡି ଦର୍ଶକଙ୍କୁ ବହୁତ ପସନ୍ଦ ଆସିଥିଲା। ମାତ୍ର ସୋ ଶେଷ ହେବା ପରେ ଦୁହିଁଙ୍କ ମଧ୍ୟରେ ଦୂରତା ଆସିଥିଲା ଏବଂ ସେମାନଙ୍କ ରାସ୍ତା ଅଲଗା ହୋଇଯାଇଥିଲା
ଧାରାବାହିକରେ ଯେପରି ଉଥାନ ପତନ ଥିଲା। ବାସ୍ତବରେ ମଧ୍ୟ ତାଙ୍କ ସମ୍ପର୍କ ଉଥାନ ପତନ ଦେଇ ଗତି କରିଥିଲା।
କୁହାଯାଏ ଧାରାବାହିକ ହେଉ ଅବା ଚଳଚ୍ଚିତ୍ର କାହାଣୀ ଶେଷରେ ସବୁ କିଛି ଠିକ୍ ହୋଇ ଯାଇଥାଏ। ମାତ୍ର ବାସ୍ତବରେ ତାହା ଠିକ୍ ହେବା କଷ୍ଟକର । ଏପରି କିଛି ଘଟିଲା ଉଭୟଙ୍କ ଜୀବନରେ ।ଦୁହେଁ ପରସ୍ପରଠାରୁ ଅଲଗା ହୋଇଗଲେ।
ସୁଶାନ୍ତଙ୍କୁ ପ୍ରଥମ ଥର ପାଇଁ ଅଙ୍କିତା ପବିତ୍ର ରିସ୍ତା ସୁଟିଂ ସେଟ୍ରେ ଦେଖିଥିଲେ। ସେବେଠାରୁ ସେମାନଙ୍କର ବନ୍ଧୁତା ଆରମ୍ଭ ହୋଇଥିଲା। ପରେ ତାହା ପ୍ରେମରେ ପରିଣତ ହୋଇଥିଲା। ଦୁହେଁ ପ୍ରୟତଃ ଏକାଠି ଦେଖାଯାଉଥିଲେ। ଏହି ଯୋଡି ଡ୍ୟାନ୍ସ ଭିତ୍ତିକ ଡ୍ୟାନ୍ସ ରିୟଲିଟି ସୋ ଝଲକ ଦିଖଲା ଜାରେ ଅଂଶଗ୍ରହଣ କରିଥିଲେ। ପରେ ବୋଧହୁଏ ଦୁହିଁଙ୍କର ପବିତ୍ର ସମ୍ପର୍କରେ କାହାର ଦୃଷ୍ଟି ପଢ଼ିଥିଲା।
ପବିତ୍ର ରିସ୍ତା ଶେଷ ହେବା ପରେ ସୁଶାନ୍ତ ଅନେକ ଚଳଚ୍ଚିତ୍ରରୁ ଅଫର ପାଇ ବଲିଉଡ୍ରେ କ୍ୟାରିୟର ଆରମ୍ଭ କଲେ। ପରେ ଅଙ୍କିତା ସହ ତାଙ୍କ ସମ୍ପର୍କ ଭାଙ୍ଗିବା ପରେ ମଧ୍ୟ ଦୁହେଁ ଦୁହିଁଙ୍କୁ ଦୋଷ ଦେଇ ନ ଥିଲେ। ମାତ୍ର ଚ୍ଚଳଚିତ୍ର ଚ୍ଛିଚୋରେ ସବୁ ସମସ୍ୟାର ସମାଧାନ ଆତ୍ମହତ୍ୟା ନୁହେଁ ବାର୍ତ୍ତା ଦେଇଥିବା ସୁଶାନ୍ତ କିଭଳି ଆତ୍ମହତ୍ୟା କଲେ ତାହା ପ୍ରଶଂସକ ମଧ୍ୟରେ ପ୍ରଶ୍ନବାଚୀ ସୃଷ୍ଟିକରିଛି।
