ମୁମ୍ବାଇ: ଏବେ ଲକ୍ଡାଉନ ଚାଲିଥିବାରୁ ବଲଉଡ୍ର ସମସ୍ତ ଶୁଟିଂ ବନ୍ଦ ରହିଛି। ହେଲେ ଆଗକୁ କିଛି ଫିଲ୍ମର ଶୁଟିଂ ପାଇଁ ସବୁକିଛି ଧାର୍ଯ୍ୟ କରାଗଲାଣି ବୋଲି ଶୁଣିବାକୁ ମିଳିଛି। ଏମିତିକି ଷ୍ଟାରକାଷ୍ଟ ମଧ୍ୟ ଫାଇନାଲ ହୋଇଗଲାଣି। ଏହି କ୍ରମରେ ନିର୍ଦ୍ଦେଶକ ଶକୁନ ବାତ୍ରା ମଧ୍ୟ ତାଙ୍କ ଆଗାମୀ ଫିଲ୍ମ ପାଇଁ କଳାକାରଙ୍କ ନାଁ ଫାଇନାଲ କରି ସାରିଲେଣି। ତାଙ୍କ ଫିଲ୍ମ ମାଧ୍ୟମରେ ପ୍ରଥମଥର ଅନନ୍ୟା ପାଣ୍ଡେ ବଲିଉଡ୍ ନାୟିକା ଦୀପିକା ପାଦୁକୋନଙ୍କ ସହ ସ୍କ୍ରିନ୍ ଶେୟାର କରିବେ ବୋଲି ଜଣାପଡିଛି। ଏବେ ସେ ଦୀପିକାଙ୍କ ସହ ଅଭିନୟକୁ ନେଇ ଏକ୍ସାଇଟେଡ ଥିବା ନିକଟରେ ଏକ ସାକ୍ଷାତ୍କାରରେ କହିଛନ୍ତି। ଏକ ଓ୍ବେବସାଇଟକୁ ଦେଇଥିବା ସାକ୍ଷାତ୍କାରରେ ଅନନ୍ୟା କହିଛନ୍ତି ଦୀପିକା ବାହାରୁ ଯେତିକି ସୁନ୍ଦର ଭିତରୁ ତା’ଠାରୁ ଅଧିକ ସୁନ୍ଦର। ତାଙ୍କ ସହ କାମ କଲେ ଆଦୌ ଲାଗିବ ନାହିଁ କି ଏତେ ବଡ ଆର୍ଟିଷ୍ଟଙ୍କ ସହ କାମ କରୁଛି ବୋଲି। କାରଣ ସେ ବହୁତ କୋଅପରେଟିଭ। ଆଗାମୀ ଦିନରେ ଅନନ୍ୟା ହରର ଫିଲ୍ମ କରିବାକୁ ଇଚ୍ଛା ରଖିଥିବା ବେଳେ ତାହାପୁଣି ରଣବୀର ସିଂଙ୍କ ସହ କରିବେ ବୋଲି କହିଛନ୍ତି।
