ମାଲକାନଗିରି,୧୯।୮(ନୃସିଂହ ଚରଣ ମହାନ୍ତି)-ସୀମାନ୍ତ ଓଡ଼ଶା, ଛତିଶଗଡ଼ ଓ ଆନ୍ଧ୍ର ପ୍ରଦେଶରେ ଭୟ ସୃଷ୍ଟି କରିଥିବା ଦୁର୍ଦ୍ଦାନ୍ତ ମାଓବାଦୀ ରାଜା ରେଡ୍ଡିଙ୍କ ଶୁକ୍ରବାର ମୃତ୍ୟୁ ହୋଇଛି। ଛତିଶଗଡ଼ର ବସ୍ତର ଜଙ୍ଗଲରେ ତାଙ୍କ ମୃତ୍ୟୁ ହୋଇଥିବା ଜଣାପଡିଛି। ପ୍ରାପ୍ତ ଏକ ଭିଡିଓରୁ ରାଜାଙ୍କ ପରି ଦେଖାଯାଉଥିବା ଜଣେ ମାଓବାଦୀଙ୍କ ନିକଟରେ ସାଥୀ ମାଓବାଦୀମାନେ ବସି କାନ୍ଦୁଥିବା ଦେଖିବାକୁ ମିଳିଛି। ବୟସାଧିକ ହେତୁ ସେ କିଛିଦିନ ଧରି ରୋଗରେ ପୀଡିତ ଥିଲେ। ତାଙ୍କ ନାମରେ ଛତିଶଗଡ଼ର ବିଭିନ୍ନ ଥାନାରେ ବହୁ ମାମଲା ରହିଛି। ପୋଲିସ, ପ୍ରଶାସନ ଓ ସାଧାରଣ ଲୋକଙ୍କ ବହୁ କ୍ଷତି ଘଟାଇଥିବା ରାଜାଙ୍କ ପାଇଁ ଛତିଶଗଡ଼ ସରକାର ୧ କୋଟି ଟଙ୍କା ପୁରସ୍କାର ଘୋଷଣା କରିଥିଲେ। ତାଙ୍କ ମୃତ୍ୟୁ ଖବର ପାଇବା ପରେ ବସ୍ତର ପୋଲିସ ପ୍ରଶାସନ ସତ୍ୟତା ପରଖିବାକୁ ସର୍ଚ୍ଚ ଅପରେଶନ ସହ ତଦନ୍ତ ଆରମ୍ଭ କରିଛି।
