ନିରାକାରପୁର,୯।୧(ଡି.ଏନ୍.ଏ.): ଖୋର୍ଦ୍ଧା ରେଳ ଡିଭିଜନ ଅଧୀନ ନିରାକାରପୁର-ଭୂଷଣ୍ଡପୁର ମଝିରାସ୍ତା ରେଳଧାରଣାରେ ଗୁରୁବାର ଏକ ଚଳନ୍ତା କୋଇଲା ବୋଝେଇ ଟ୍ରେନ୍ରେ ନିଆଁ ଲାଗିଯାଇଛି। ତେବେ ହରିପୁର ଗେଟ୍ ଜଗୁଆଳି ନିଆଁ ଲାଗିଥିବା ଦେଖିବା ପରେ ନାଲି ପତାକା ଦେଖାଇ ଅଟକାଇବାକୁ ଚେଷ୍ଟା କରିଥିଲେ। ହେଲେ ସେତେବେଳକୁ ଟ୍ରେନ୍ର ଇଞ୍ଜିନ୍ଟି ପାସ୍ କରି ଯାଇଥିଲା। ଟ୍ରେନ୍ ପଛରେ ଥିବା ସୁରକ୍ଷା କର୍ମୀ ପତାକା ଦେଖି ଟ୍ରେନ୍ ବ୍ରେକ୍ ମାରିଦେଇଥିଲେ। ବର୍ତ୍ତମାନ ଟ୍ରେନ୍ଟି ଅଟକି ରହିଛି। ଟ୍ରେନ୍ଟି ବ୍ରହ୍ମପୁରରୁ ଖୋର୍ଦ୍ଧା କୋଇଲା ନେଇ ଆସୁଥିବା ବେଳେ ଏଭଳି ଅଘଟଣ ଘଟିଛି। ଇଞ୍ଜିନର ପ୍ରଥମ ବଗିକୁ ଛାଡ଼ି ୨ୟ, ୩ୟ, ୪ର୍ଥ ବଗିରେ ନିଆଁ ଲାଗିଥିବା ଦେଖାଯାଇଛି। ଖବରଲେଖାଯିବା ସୁଦ୍ଧା ନିଆଁ ଲିଭାଇବାକୁ ଦମକଳବାହିନୀ ପହଞ୍ଚି ନ ଥିବା ଜଣାପଡ଼ିଛି।
