କପ୍ତିପଦା,୨୦ା୧୨(ଡ଼ି.ଏନ୍.ଏ)- କପ୍ତିପଦା-ଉଦଳା ପୂର୍ତ୍ତ ବିଭାଗର ମୁଖ୍ୟରାସ୍ତାର ଝିଙ୍କପଦାଠାରେ ଥିବା ପଥପ୍ରାନ୍ତ ସୁବିଧା କେନ୍ଦ୍ରର କର୍ମଚାରୀମାନେ ଦରମା ଦାବିରେ ଧାରଣା ଦେଇଛନ୍ତି। ଗୁରୁବାର ଏହି କର୍ମଚାରୀମାନେ ସୁବିଧା କେନ୍ଦ୍ରରେ ତାଲା ପକାଇ ଧାରଣାରେ ବସିଥିଲେ। ଦରମା ନ ମିଳିବା ଆନ୍ଦୋଳନ ଚାଲିବ ବୋଲି କର୍ମଚାରୀମାନେ ପ୍ରକାଶ କରିଛନ୍ତି । ଜିଲା ଓ ରାଜ୍ୟ ବାହାରର ପର୍ଯ୍ୟଟକମାନଙ୍କୁ ଏହି କେନ୍ଦ୍ର ନିଃଶୁକ୍ଳ ସେବା ଯୋଗାଉଥିଲା । କେନ୍ଦ୍ରର ରକ୍ଷଣାବେକ୍ଷଣ ପାଇଁ ୧୩ ଜଣ କର୍ମଚାରୀଙ୍କୁ ପିଏସ୍ଆଇପିଏଲ୍ ଠିକା ସଂସ୍ଥା ନିଯୁକ୍ତି ଦେଇଥିଲା। ପୂର୍ତ୍ତ ବିଭାଗ ଏହି ଦାୟିତ୍ୱ ଦେଇଥିଲା। ମାତ୍ର ୪ ମାସ ହେଲା କର୍ମଚାରୀମାନେ ଦରମା ପାଇନାହାନ୍ତି। ସୁପରଭାଇଜର ସୁବ୍ରତ ପରିଡ଼ା, ଟିମ୍ ଲିଡ଼ର ଚିତ୍ତରଞ୍ଜନ ବେହେରା, ହାଉସ୍ କିପର ଚନ୍ଦନ ମୁଖୀ, ସତ୍ୟବ୍ରତ ମୁଖୀ, ଅକ୍ଷୟ ମୁଖୀ, ଏମ୍ଏସ୍ଟି ଆଶିଷ କୁମାର ବେହେରା, ତପନ କୁମାର ନାୟକ, ମାଳୀ ଅଜିତ୍ ବେହେରା, ତରଣୀ ବେହେରା, ସିକ୍ୟୁରିଟିଗାର୍ଡ ପ୍ରଭାତ କୁମାର ବେହେରା, ନିରଞ୍ଜନ ସାହୁ, ମନୋରଞ୍ଜନ ସେଠୀ, ପରିତୋଷ ସାହୁ ପ୍ରମୁଖ କର୍ମଚାରୀମାନେ ଏହି ଆନ୍ଦୋଳନରେ ସାମିଲ ହୋଇଛନ୍ତି।
