କୋଏମ୍ବାଟୁର,୧।୬: କରୋନା ସଂକ୍ରମଣ ପାଇଁ ସାରା ଦେଶରେ ଜାରି କରାଯାଇଥିଲା ଲକ୍ଡାଉନ। ଏହି ସମୟରେ ବାହାର ରାଜ୍ୟରେ ରହୁଥିବା ପ୍ରବାସୀ ଶ୍ରମିକମାନେ କାମଧନ୍ଦା ହରାଇବା ପରେ ଘରମୁହାଁ ହୋଇଥିଲେ। ହେଲେ ଯାନବାହାନ ଚଳାଚଳ ବନ୍ଦ ଥିବାରୁ ହଜାର ହଜାର କିଲୋମିଟର ଅତିକ୍ରମ କରିବାକୁ ଏମାନେ ପାଦରେ ଚାଲିବା ଆରମ୍ଭ କରିଥିଲେ। କେହି କେହି ସାଇକେଲରେ ମଧ୍ୟ ଶହ ଶହ କିଲୋମିଟର ଅତିକ୍ରମ କରି ଘରେ ପହଞ୍ଚିଥିବାର ଖବର ରହିଛି। ଏହି ସମୟରେ କିନ୍ତୁ ତାମିଲନାଡୁର ଜଣେ ବ୍ୟକ୍ତି ଘରେ ପହଞ୍ଚିବାକୁ ଯାହା କରିଛନ୍ତି ତାହା ଏବେ ଚର୍ଚ୍ଚାକୁ ଆସିଛି। ସେଠାରେ ଏକ ଚା’ ଦୋକାନରେ କାମ କରୁଥିବା ନିଜ ସ୍ତ୍ରୀ ପିଲାଙ୍କୁ ଘରେ ପହଞ୍ଚାଇବାକୁ ନିକଟରେ ତିବା ଏକ ବାଇକ୍ ଚୋରି କରିଥିଲେ। ଏଥିରେ ସେ ଘଷର ପହଞ୍ଚି ଯାଇଥିଲେ ସତ। ହେଲେ ନିଜର ସଚ୍ଚୋଟ ପଣିଆ ଯୋଗୁ ସେ ବାିକଟିକୁ ୨ ସପ୍ତାହ ପରେ ବାଇକ ମାଲିକଙ୍କ ନାଁରେ ପାର୍ସଲ କରିଦେଇଥିବା କୁହାଯାଏ। ତେବେ ସିସିଟିଭିରୁ କିଏ ବାଇକ ଚୋରି କରିଛି ଧରାପଡିବା ପରେ ଏନେଇ କାର୍ଯ୍ୟାନୁଷ୍ଠାନ ହେବା ପୂର୍ବରୁ କିନ୍ତୁ ସେ ବାଇକ ଟିକୁ ପାର୍ସଲ କରିଦେବା ଗାଡି ମାଲିକଙ୍କୁ ଆଶ୍ଚର୍ଯ୍ୟ କରି ଦେଇଥିଲା। ତେବେ ପାର୍ସଲର ଟଙ୍କା ଗାଡି ମାଲିକଙ୍କୁ ଦେବାକୁ ପଡିଥିଲା। କାରଣ ବାିକ ଚୋରି କରିଥିବା ବ୍ୟକ୍ତି ଜଣକ ପେ ଅନ୍ ଡେଲିଭରି କରିଦେଇଥିଲେ। ସେଥିପାଇଁ ଗାଡି ମାଲିକ ସୁରେଷ କୁମାର ପାର୍ସଲ ବାବଦରେ ଏକ ହଜାର ଟଙ୍କା ଦେଇଥିବା କହିଛନ୍ତି।
