Posted inଖେଳ

ପିଲାଦିନର ଅଭିଳାଷ ପେଣ୍ଟିଂକୁ ଉପଭୋଗ କରୁଛନ୍ତି ଭାଲେଣ୍ଟିନା

ଭୁବନେଶ୍ୱର, ୧୩।୪(କ୍ରୀଡ଼ା ପ୍ରତିନିଧି)- କରୋନା ଭାଇରସ୍‌ ସଂକ୍ରମଣ ଜନିତ କାରଣରୁ ଏବେ ଖେଳ ସମ୍ଭବ ନ ଥିବାରୁ ପ୍ରାକ୍ଟିସ ଉପରେ ବିଶେଷ ଫୋକସ କରି ପାରୁନାହାନ୍ତି କ୍ରୀଡ଼ାବିତ୍‌। ଯେଉଁମାନେ ଘରେ ରହୁଛନ୍ତି ସେମାନେ ପରିବାର ସହିତ ସମୟ ଅତିବାହିତ କରିବାର ସୁଯୋଗ ପାଇଛନ୍ତି। ବ୍ୟସ୍ତ ବହୁଳ କାର୍ଯ୍ୟସୂଚୀ ଯୋଗୁ ପୂର୍ବରୁ ଖେଳ ବ୍ୟତୀତ ଅନ୍ୟ କୌଣସି ଇଚ୍ଛା ପୂରଣ ହୋଇପାରୁ ନ ଥିଲା। ଏବେ କିନ୍ତୁ ସମଗ୍ର ଭାରତ ଲକ୍‌ଡାଉନ୍‌ ଥିବାରୁ ସାମାନ୍ୟ ଫିଟ୍‌ନେସ ଅଭ୍ୟାସ ସହିତ ସେମାନେ ନିଜର ଅଭିଳାଷକୁ ମଧ୍ୟ ପୂରଣ କରିବାପାଇଁ ସମୟ ପାଉଛନ୍ତି। ଏପରି କିଛି କରି ଏବେ ସମୟ ଅତିବାହିତ କରୁଛନ୍ତି ଅନ୍ତର୍ଜାତୀୟ ଖ୍ୟାତିସମ୍ପନ୍ନ କରାଟେକା ଭାଲେନା ଭାଲେଣ୍ଟିନା। ରାଜ୍ୟର ନିଜେ ଜଣେ ନାମୀ କରାଟେକା ହୋଇଥିବାବେଳେ ‘ଭିଭି କରାଟେ’ ନାମରେ ତାଙ୍କର ଏକ କରାଟେ ସ୍କୁଲ ରହିଛି। ତେଣୁ ନିଜେ ଅଭ୍ୟାସ କରିବା ସହିତ ସ୍କୁଲରେ ପିଲାମାନଙ୍କୁ ଟ୍ରେନିଂ ଦେବାରେ ବ୍ୟସ୍ତ ରହୁଥିବାରୁ ସେ ଘରପ୍ରତି ଏବଂ ନିଜର ଅନ୍ୟ କୌଣସି ଇଚ୍ଛା ପୂରଣପ୍ରତି ସମୟ ଦେଇପାରୁ ନ ଥିଲେ । ପିଲାଦିନେ ତାଙ୍କର ପେଣ୍ଟିଂ ପ୍ରତି ବହୁତ ଆଗ୍ରହ ଥିଲା। ଛୋଟ ବେଳେ ସେ ପେଣ୍ଟିଂ କରୁଥିଲେ ହେଁ ପରେ ବାଧ୍ୟହୋଇ ଦୂରେଇ ରହୁଥିଲେ। ମାତ୍ର ଏବେ ୨୪ ଘଣ୍ଟା ଘର ଭିତରେ ରହୁଥିବାରୁ ନିଜ ପିଲାଦିନର ଅଭିଳାଷ ପୂରଣ ଦିଗରେ ମନୋନିବେଶ କରୁଛନ୍ତି । ଏବେ ପେଣ୍ଟିଂକୁ ମନଭରି ଉପଭୋଗ କରୁଥିବା ପ୍ରକାଶ କରିଛନ୍ତି ।
ଭାଲେନାଙ୍କ କହିବା ଅନୁସାରେ ”ବ୍ୟସ୍ତ ବହୁଳ ସମୟ ମଧ୍ୟରେ ଖେଳ ବ୍ୟତୀତ ଅନ୍ୟ ଯାହା କରିବାକୁ ସମୟ ମିଳୁ ନ ଥିଲା ତାହା ଲକଡାଉନ୍‌ ଅବସରରେ ମିଳୁଛି। ପିଲାଦିନେ ମୋର ପେଣ୍ଟିଂରେ ବହୁତ ସଉକ ଥିଲା । ମୁଁ ପେଣ୍ଟିଂ ମଧ୍ୟ କରୁଥିଲି। ମାତ୍ର ପରେ କରାଟେ ବ୍ୟତୀତ ଅନ୍ୟ କୌଣସି କଥା ଚିନ୍ତା ମଧ୍ୟ କରି ହେଉ ନ ଥିଲା । କରାଟେ ଯୋଗୁ ମୁଁ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛି ଏବଂ ସବୁଠି ସମ୍ମାନ ପାଇଛି। ଏବେ କିନ୍ତୁ ନିକଟ ଭବିଷ୍ୟତରେ ଖେଳ ସମ୍ଭବ ହେବାର ନ ଥିବାରୁ ଫିଜିକାଲ ଫିଟ୍‌ନେସ ସହିତ ମୁଁ ଅନ୍ୟ କିଛି କରି ପିଲାଦିନର ଅଭିଳାଷ ପୂରଣ କରୁଛି, ଅର୍ଥାତ୍‌ ମୁଁ ଏବେ ଅଧିକ ସମୟ ପେଣ୍ଟିଂରେ ହିଁ କଟାଉଛି, ଯାହାକି ମୋତେ ବହୁତ ଆନନ୍ଦ ଦେଉଛି। ଏହା ବ୍ୟତୀତ ପୂର୍ବରୁ ଜଣେ ଅନ୍ତର୍ଜାତୀୟ କରାଟେକା ଭାବରେ ଅଧିକାଂଶ ସମୟ ବ୍ୟସ୍ତରେ କଟୁଥିଲା। ଏବେ କିନ୍ତୁ ଘର ଭିତରେ ରହିବାର ସମୟ। ତେଣୁ ମା’, ବାପା, ଭାଇ ଓ ଭଉଣୀଙ୍କ ସହ ଅଧିକ ସମୟ ବିତୁଛି। ଛୋଟ ବେଳେ ଆମେ ଲୁଡୁ ଏବଂ କ୍ୟାରମ ପରି ଖେଳ ଖେଳୁଥିଲୁ। ମାତ୍ର ପରେ ନିଜ ଖେଳ କରାଟେ ଉପରେ ଫୋକସ କରୁଥିବାରୁ ଏଥିପାଇଁ ସମୟ ପାଉ ନ ଥିଲି। ଏବେ କିନ୍ତୁ କେତେକ ସମୟରେ ଆମେ ସାଥିହୋଇ ଲୁଡୁ ଏବଂ କ୍ୟାରମ ଖେଳୁଛୁ। ଏଥିରୁ ବହୁତ ଆନନ୍ଦ ମଧ୍ୟ ମିଳୁଛି“। ଜଣେ ଅନ୍ତର୍ଜାତୀୟ କରାଟେକା ଭାବରେ ଏଭଳି ଘଡ଼ିସନ୍ଧି ମୁହୂର୍ତ୍ତରେ ନିଜକୁ ଫିଟ୍‌ ରଖିବା ଜରୁରୀ ବୋଲି ମଧ୍ୟ ସ୍ବୀକାର କରିଛନ୍ତି ଭାଲେନା। ”ଘରେ ୨୪ ଘଣ୍ଟା ରହୁଥିବାରୁ ସ୍ବାଭାବିକଭାବେ ଭୋକ ବେଶି ହେଉଛି। ତେଣୁ ଅଧିକ ଖାଇବା ଦ୍ୱାରା ଫିଟ୍‌ନେସ ଭାରସାମ୍ୟ ବିଗିଡ଼ିବା ସମ୍ଭାବନା ରହିଛି। ତେଣୁ ଖାଇବାରେ କଣ୍ଟ୍ରୋଲ କରିବା ସହ ସକାଳେ ୧ ଘଣ୍ଟା ଏବଂ ସନ୍ଧ୍ୟାରେ ୧ ଘଣ୍ଟା ଫିଟ୍‌ନେସ ଟ୍ରେନିଂ କରୁଛି। ଟିଭି ଏବଂ ୟୁଟ୍ୟୁବ୍‌ ଦେଖି କିଛି ସମୟ ଯୋଗ କରୁଛି। ଛାତ ଉପରେ କିଛି ସମୟ ରନିଂ ଏବଂ ଜଗିଂ କରୁଛି। ମାଂସପେଶୀର ଶକ୍ତିକୁ ପୂର୍ବପରିି ବଜାୟ ରଖିବା ପାଇଁ ଆବଶ୍ୟକ ଷ୍ଟ୍ରେନ୍ଥ ଟ୍ରେନିଂ କରୁଛି । ଘରେ ଆମର ପାରା ଅଛନ୍ତି। ତାଙ୍କୁ ଖାଦ୍ୟ ଖୁଆଇ ମଧ୍ୟ ଆନନ୍ଦ ଅନୁଭବ କରୁଛି। ସମୟ ପାାଇଲେ ଭାଇ ସହିତ ଟିକ୍‌ଟକ୍‌ ଭିଡିଓ ମଧ୍ୟ କରୁଛି“ ବୋଲି ଭାଲେଣ୍ଟିନା ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ସମସ୍ତଙ୍କ ସାମ୍ନାରେ ନିଜର ଭୁଲ ସ୍ବୀକାର କଲେ କୋହଲି, କହିଲେ-ହଁ, ମୁଁ…

ନୂଆଦିଲ୍ଲୀ,୨୬।୧୨: ବର୍ଡର-ଗାଭାସ୍କର ଟ୍ରଫିରେ କ୍ରିକେଟର ବିରାଟ କୋହଲିଙ୍କ ପ୍ରଦର୍ଶନ ନୈରାଶ୍ୟଜନକ ରହିଛି। ଏହି ଡାହାଣହାତୀ ବ୍ୟାଟ୍ସମ୍ୟାନ୍‌ ପର୍ଥ ଟେଷ୍ଟରେ ଶତକ ଲଗାଇଥିଲେ ହେଁ ଆଗାମୀ ୩...

ପ୍ରଥମ ଦିନରେ ଅଷ୍ଟ୍ରେଲିଆର ଆଧିପତ୍ୟ ଜାରି: ୪ ବ୍ୟାଟ୍ସମ୍ୟାନ୍‌ ହାସଲ କଲେ ଅର୍ଦ୍ଧଶତକ

ମେଲବୋର୍ନ,୨୬।୧୨: ମେଲବୋର୍ନରେ ଖେଳାଯାଉଥିବା ବକ୍ସିଂ ଡେ ଟେଷ୍ଟର ପ୍ରଥମ ଦିନ ଆୟୋଜକ ଅଷ୍ଟ୍ରେଲିଆ ନାମରେ ହୋଇଥିଲା। ପାଞ୍ଚ ମ୍ୟାଚ ସିରିଜର ଚତୁର୍ଥ ଟେଷ୍ଟ ମ୍ୟାଚରେ ୧୯...

ଏହି କାମ ପାଇଁ କୋହଲିଙ୍କ ଉପରେ ଲାଗିଲା ଜୋରିମନା

ମେଲବୋର୍ନ,୨୬।୧୨: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଚତୁର୍ଥ ଟେଷ୍ଟରେ ବିରାଟ କୋହଲି ପ୍ରଥମ ଅଧିବେଶନରେ ସାମ କନଷ୍ଟାସଙ୍କ ସହ ମୁହାଁମୁହିଁ ହୋଇଥିଲେ। ପଡ଼ିଆରେ ଝଗଡା...

୧,୧୧୨ ଦିନ ପରେ ଭାଙ୍ଗିଲା ରେକର୍ଡ: ବୁମ୍‌ରାଙ୍କ ମୁଣ୍ଡବିନ୍ଧା ବଢାଇଲେ ୧୯ ବର୍ଷୀୟ ବ୍ୟାଟ୍ସମ୍ୟାନ୍‌

ମେଲବୋର୍ନ,୨୬।୧୨: ଡିସେମ୍ବର ୨୬ରୁ ବକ୍ସିଂ ଡେ ଟେଷ୍ଟ ଆରମ୍ଭ ହୋଇଛି। ବର୍ଡର-ଗାଭାସ୍କର ଟ୍ରଫି ୨୦୨୪-୨୫ର ଏହା ହେଉଛି ଚତୁର୍ଥ ଟେଷ୍ଟ ମ୍ୟାଚ। ଭାରତ ଏବଂ ଅଷ୍ଟ୍ରେଲିଆ...

ବକ୍ସିଂ ଡେ’ ଟେଷ୍ଟ ମ୍ୟାଚ୍‌ କାହିଁକି ଖେଳାଯାଏ, ଜାଣନ୍ତୁ ଏହା ପଛର ଇତିହାସ

ମେଲବୋର୍ନ, ୨୬।୧୨: ଅଷ୍ଟ୍ରେଲିଆ ଏବଂ ଭାରତ ମଧ୍ୟରେ ବକ୍ସିଂ ଡେ’ ଟେଷ୍ଟ ମ୍ୟାଚ୍‌ ଆଜିଠାରୁ ଆରମ୍ଭ ହୋଇଛିଛି। ତେବେ ଏହି ବକ୍ସିଂ ଡେ’ ଟେଷ୍ଟ ମ୍ୟାଚ୍‌...

ବକ୍ସିଂ ଡେ’ ଟେଷ୍ଟ ଆରମ୍ଭ: ଅଷ୍ଟ୍ରେଲିଆର ଦମ୍‌ଦାର ଆରମ୍ଭ

ମେଲବୋର୍ନ,୨୬।୧୨: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ବକ୍ସିଂ ଡେ’ ଟେଷ୍ଟ ଆରମ୍ଭ ହୋଇଛି। ଚତୁର୍ଥ ଟେଷ୍ଟରେ ଅଷ୍ଟ୍ରେଲୀୟ ଅଧିନାୟକ ପ୍ୟାଟ କମିନ୍ସ ଟସ ଜିତି ପ୍ରଥମେ...

‘ସାଣ୍ଟା କ୍ଲଜ୍’ ବେଶରେ ଆସି ଇଣ୍ଟରନେଟରେ ନିଆଁ ଲଗାଇଲେ ଧୋନୀ

ଭୁବନେଶ୍ୱର,୨୫।୧୨: ଭାରତର କିମ୍ବଦନ୍ତୀ ଅଧିନାୟକ ପୁଣିଥରେ ଇଣ୍ଟରନେଟ୍ ନିଆଁ ଲଗାଇଛନ୍ତି। ଖ୍ରୀଷ୍ଟମାସରେ ଏକ ନୂତନ ଅବତାରରେ ଆଶି ସେ ସମସ୍ତଙ୍କୁ ଚମକି ଦେଇଛନ୍ତି। ଧୋନି ପାଞ୍ଚ...

”ପ୍ରଥମ ଦେଖାରେ ପ୍ରେମ”, ବିମାନରେ ଦେଖା ହେବା ପରେ ବିବାହ କରିବାକୁ ନେଇଥିଲେ ନିଷ୍ପତ୍ତି

ହାଇଦ୍ରାବାଦ: ଭାରତର ଷ୍ଟାର ସଟଲର ପିଭି. ସିନ୍ଧୁ ନିକଟରେ ଭେଙ୍କଟ୍ଟ ଦତ୍ତ ସାଇଙ୍କୁ ବିବାହ କରିଛନ୍ତି। ନିକଟତମ ସମ୍ପର୍କୀୟଙ୍କ ଗହଣରେ ଡିସେମ୍ବର ୨୨ ରେ ସେମାନଙ୍କର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri