ପୁରୀ ଅଫିସ,୨୦ା୪: କରୋନା ମୁକାବିଲା ନେଇ ଦେଶବ୍ୟାପୀ ଚାଲିଛି ଲକ୍ଡାଉନ। ଆସନ୍ତା ମେ ୩ ତାରିଖ ପର୍ଯ୍ୟନ୍ତ ଏହାର ଅବଧି ରହିଥିବାବେଳେ ସରକାର କେତେକ କ୍ଷେତ୍ରରେ ଏଥିରେ ସାମାନ୍ୟ କୋହଳ କରିଛନ୍ତି। କିନ୍ତୁ ଲକ୍ଡାଉନ ଶେଷ ନ ହେବା ପର୍ଯ୍ୟନ୍ତ ପୁରୀରେ କୌଣସି ଘରୋଇ ଗାଡ଼ିି ଗଡ଼ିବ ନାହିଁ ବୋଲି କହିଛନ୍ତି ଏସ୍ପି ଉମାଶଙ୍କର ଦାଶ। ସୋମବାର ଗଣମାଧ୍ୟମକୁ ସୂଚନା ଦେଇ ଏସ୍ପି କହିଛନ୍ତି, ଲକ୍ଡାଉନକୁ ନେଇ ସୋମବାରଠାରୁ ସରକାର ଏବଂ ଜିଲା ପ୍ରଶାସନ ପକ୍ଷରୁ ନୂଆ ନିୟମ କରାଯାଇଛି। କିନ୍ତୁ କୌଣସି ବ୍ୟକ୍ତିଗତ କାମ ହେଉ ଅବା ଅତ୍ୟାବଶ୍ୟକ ସାମଗ୍ରୀ କିଣିବା ପାଇଁ କେହି ଘରୋଇ ଗାଡ଼ିି ବ୍ୟବହାର କରିପାରିବେ ନାହିଁ। ଗତ ୨୫ଦିନ ଧରି ସହରବାସୀ ଯେଉଁଭଳି ଭାବେ ଲକ୍ଡାଉନକୁ ମାନିଛନ୍ତି ସେହିଭଳି ୩ ତାରିଖ ପର୍ଯ୍ୟନ୍ତ କଟକଣା ମାନିବାକୁ ଅନୁରୋଧ କରୁଛୁ। ପୋଲିସ ପକ୍ଷରୁ ଯାଞ୍ଚକୁ ଆହୁରି କଡ଼ାକଡ଼ି କରାଯିବ। କୌଣସି ବ୍ୟକ୍ତି ଯଦି ଘରୋଇ ଗାଡ଼ି ବାହାର କରନ୍ତି ତାଙ୍କ ଗାଡ଼ିି ଜବତ କରାଯିବ। ପୁରୀ ସହରରେ ଘରୋଇ ଗାଡ଼ି ଚଳାଚଳ ଉପରେ ପୂର୍ବପରି କଟକଣା ରହିଛି ବୋଲି ଏସ୍ପି ସୂଚନା ଦେଇଛନ୍ତି।
