ନୂଆଦିଲ୍ଲୀ,୧୪।୨: ପୁଲଓ୍ବାମା ଆକ୍ରମଣକୁ ବର୍ଷେ ପୂରିଛି। ଏହି ଆକ୍ରମଣରେ ଶହୀଦ ହୋଇଥିବା ଯବାନଙ୍କୁ ଦେଶବାସୀ ଶ୍ରଦ୍ଧାଞ୍ଜଳି ଜଣାଇଛନ୍ତି। ଏଥିରେ ସାମିଲ ହୋଇଛନ୍ତି ଭାରତୀୟ କ୍ରିକେଟ ଦଳର ବିସ୍ଫୋରକ ବ୍ୟାଟ୍ସମ୍ୟାନ୍ ବୀରେନ୍ଦ୍ର ସେହ୍ବାଗ। ସେ ଟୁଇଟ ଯୋଗେ ବୀର ଯବାନଙ୍କୁ ମନେ ପକାଇଛନ୍ତି। ଏହାସହ ତାଙ୍କ କ୍ରିକେଟ ଏକାଡେମୀରେ ପୁଲଓ୍ବାମା ଶହୀଦ ଯବାନଙ୍କ ପୁଅ ଟ୍ରେନିଂ ନେଉଥିବାବେଳର କିଛି ଫଟୋ ମଧ୍ୟ ସେହ୍ବାଗ ଶେୟାର କରିଛନ୍ତି। ଫଟୋରେ ଶହୀଦ ରାମ ଭକିଲଙ୍କ ପୁଅ ବ୍ୟାଟ୍ସମ୍ୟାନ ଅର୍ପିତ ସିଂ ବ୍ୟାଟିଂ କରୁଥିବାବେଳେ ବିଜୟ ସୋରେଙ୍ଗଙ୍କ ପୁଅ ରାହୁଲ ସୋରେଙ୍ଗ ବୋଲିଂ କରୁଛନ୍ତି। ଉଲ୍ଲେଖଥାଉ କି, ଫେବୃୟାରୀ ୧୪ ତାରିଖରେ କଶ୍ମୀରର ପୁଲଓ୍ବାମା ଆକ୍ରମଣରେ ୪୦ ସିଆରପିଏଫ ଯବାନ ଶହୀଦ ହୋଇଥିଲେ।
