ଗଞ୍ଜାମ,୯ା୨(ଡି.ଏନ.ଏ.)-ରମ୍ଭା ଥାନା ଅଧୀନ କାର୍ତ୍ତିକଢ଼ି ଗ୍ରାମର ଗୋଟିଏ ଗୋଷ୍ଠୀ ଓ ବେଣିଗୌରୀ ଗ୍ରାମବାସୀଙ୍କ ମଧ୍ୟରେ ପୂର୍ବ ଶତ୍ରୁତାକୁ କେନ୍ଦ୍ରକରି ଶନିବାର ଗଣ୍ଡଗୋଳ ଘଟିଛି। ଏହି ଘଟଣାରେ ବେଣିଗୌରୀ ଗ୍ରାମର କଲେଜ ଛାତ୍ର ଏସ୍. ସନ୍ତୋଷ ରେଡ୍ଡୀ, ଗୋପାଳ ରେଡ୍ଡୀ ଓ ଡମ୍ବୁରୁ ରେଡ୍ଡୀ ଆହତ ହୋଇ ଛତ୍ରପୁର ମେଡିକାଲରେ ଚିକିତ୍ସିତ ହେଉଥିବା ବେଳେ ସନ୍ତୋଷପୁର ଗ୍ରାମର ଲଡୁ କିଶୋର ମହାରଣା ଏବଂ ଏକ କ୍ରଶରରେ କାମ କରୁଥିବା ଛତ୍ରପୁର ଅଞ୍ଚଳର ସୁବ୍ରତ ନାହକ ମଧ୍ୟ ଆହତ ହୋଇଛନ୍ତି। ଏହି ଘଟଣାରେ ସମସ୍ତ ଅଭିଯୁକ୍ତଙ୍କୁ ଗିରଫ ଦାବିକରି ବେଣିଗୌରୀ ଗ୍ରାମବାସୀ ରାସ୍ତାରୋକୋ କରିଥିଲେ। ଆହତଙ୍କ ପକ୍ଷରୁ ରମ୍ଭା ଥାନାରେ ଏତଲା ଦିଆଯାଇଛି।
ପୂର୍ବରୁ ଏଭଳି ଗଣ୍ଡଗୋଳ ଘଟିଥିଲେ ମଧ୍ୟ ରମ୍ଭା ଥାନା ପୋଲିସ ପକ୍ଷରୁ କୌଣସି ପଦକ୍ଷେପ ନିଆ ନ ଯିବାରୁ ଏଭଳି ପରିସ୍ଥିତି ସୃଷ୍ଟି ହୋଇଥିବା ଗ୍ରାମବାସୀ ଅଭିଯୋଗ କରିଛନ୍ତି। ଏ ସମ୍ପର୍କରେ ରମ୍ଭା ଥାନାଧିକାରୀ କୃଷ୍ଣଚନ୍ଦ୍ର ସେଠୀଙ୍କୁ ପଚାରିବାରୁ ବାଲି ର଼୍ୟାମ୍ପ୍କୁ ନେଇ ଏହି ଗଣ୍ଡଗୋଳ ଘଟିଛି। ଏଥିରେ ସମ୍ପୃକ୍ତ ମୁଖ୍ୟ ଅଭିଯୁକ୍ତ କାର୍ତ୍ତିକ ଢ଼ୀ ଗ୍ରାମର ସନ୍ତୋଷ ରେଡ୍ଡୀଙ୍କୁ ଗିରଫ କରାଯାଇଛି। ଅନ୍ୟ ଅଭିଯୁକ୍ତଙ୍କୁ ମଧ୍ୟ ଶୀଘ୍ର ଗିରଫ କରାଯିବ ବୋଲି କହିବା ପରେ ଲୋକେ ଆନ୍ଦୋଳନରୁ ହଟିଥିଲେ।
