ଛତ୍ରପୁର,୯।୧୨(ଡି.ଏନ୍.ଏ.): ଗଞ୍ଜାମ ଜିଲାରେ ସୋମବାର ପୃଥକ୍ ପୃଥକ୍ ସଡ଼କ ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ଘଟିଛି। ଛତ୍ରପୁର ଏକାମ୍ର ନଗର ନିକଟ ଜାତୀୟ ରାଜପଥରେ ଡିଭାଇଡରକୁ ଏକ ବାଇକ୍ ଧକ୍କା ଦେବା ଫଳରେ ବାଇକ୍ ଚାଳକଙ୍କ ମୃତ୍ୟୁ ଘଟିଛି। ସେ ହେଲେ କଣ୍ଡରା ଆର୍ଜିପଲ୍ଲୀ ଗାଁର ଦୀପକ କୁମାର ବେହେରା। ଛତ୍ରପୁର ପୋଲିସ ତାଙ୍କ ମୃତଦେହ ଉଦ୍ଧାର କରି ବ୍ୟବଚ୍ଛେଦ ଲାଗି ସ୍ଥାନୀୟ ହସ୍ପିଟାଲକୁ ପଠାଇଛି।
ସେହିପରି ରମ୍ଭା ଥାନା ବୁରୁ ଗାଁର ଚାଷୀ ନୀଳକଣ୍ଠ ନାହାକ ଭୋର୍ ସମୟରେ ବିଲକୁ ଯାଉଥିବା ବେଳେ ଜାତୀୟ ରାଜପଥରେ ଏକ ଅଜଣା ଗାଡି ତାଙ୍କୁ ଧକ୍କା ଦେବାରୁ ତାଙ୍କର ମୃତ୍ୟୁ ଘଟିଛି। ପରେ ତାଙ୍କ ମୃତଦେହ ବ୍ୟବଚ୍ଛେଦ ଲାଗି ସ୍ଥାନୀୟ ପୋଲିସ ଛତ୍ରପୁର ହସ୍ପିଟାଲକୁ ପଠାଇଛି।
