କଳିଙ୍ଗନଗର, ୬ା୬(ଡି.ଏନ୍.ଏ.): ଗତ ବର୍ଷ ଜୁନ୍ ମାସରେ ସୁକିନ୍ଦା ବ୍ଲକ ଅନ୍ତର୍ଗତ ରଙ୍ଗିଟାଙ୍ଗର ଗ୍ରାମର ପ୍ରତିମା ଦାସ ଘରେ ରୋଷେଇ କରୁଥିବା ସମୟରେ ନିଅଁାରେ ପୋଡି ଗୁରୁତର ହୋଇଥିଲେ। ତାଙ୍କ ଶରୀର ପଛପଟର ଅଧିକାଂଶ ଭାଗ ପୋଡ଼ିଯାଇଥିଲା। ଏପରିକି ଶରୀରର ଅଧିକାଂଶ ଜାଗାରେ ହାଡ ମଧ୍ୟ ଦେଖାଯାଉଥିଲା। କିନ୍ତୁ ସ୍ବାମୀ ବଳରାମ ଅର୍ଥଭାବ କାରଣରୁ ପ୍ରତିମାଙ୍କ ଠିକ୍ଭାବେ ଚିକିତ୍ସା କରିପାରି ନ ଥିଲେ। ଫଳରେ ଦୀର୍ଘଦିନ ଧରି ଘରେ ପଡି ରହିବାରୁ ପ୍ରତିମାଙ୍କ ପୋଡ଼ିଯାଇଥିବା ସ୍ଥାନ ସଂକ୍ରମଣ ହୋଇଥିଲା। ଏ ନେଇ ବଳରାମ ଚିକିତ୍ସା ନିମନ୍ତେ ଟାଟା ଷ୍ଟିଲ ଚିକିତ୍ସା ଦଳର ସହଯୋଗ ଲୋଡିଥିଲେ। ପ୍ରତିମାଙ୍କ ଅବସ୍ଥାକୁ ଦୃଷ୍ଟିରେ ରଖି ଚିକିତ୍ସକ ଦଳ ତୁରନ୍ତ ଚିକିତ୍ସା ଆରମ୍ଭ କରିଥିଲେ। ନିୟମିତଭାବେ ୫ ମାସର ଚିିକିତ୍ସା ପରେ ପ୍ରତିମା ଏବେ ସମ୍ପୂର୍ଣ୍ଣ ରୂପେ ସୁସ୍ଥ ହୋଇ ପାରିଛନ୍ତି। ବର୍ତ୍ତମାନ ସେ ପୂର୍ବପରି ନିଜର ସମସ୍ତ କାର୍ଯ୍ୟ କରୁଥିବା ଜଣାପଡିଛି। ଟାଟା ଷ୍ଟିଲର ଏଭଳି କାର୍ଯ୍ୟ ସ୍ଥାନୀୟ ଅଞ୍ଚଳରେ ପ୍ରଂଶସାର ପାତ୍ର ପାଲଟଛି। ଟାଟା ଷ୍ଟିଲ ମେଡ଼ିକାଲ୍ ଟିମର ଡ଼. ଅଭିନାଶ ଚୌହ୍ବାନ କୁହନ୍ତି, ଏହା ଏକ ଗୁରୁତର ଅଘାତ ଯେଉଁଥିରେ କି ତାଙ୍କର ପଛଭାଗ ସମ୍ପୂର୍ଣ୍ଣଭାବେ ଜଳିବା ସହିତ ହାଡ଼ ମଧ୍ୟ ଦେଖାଯାଉଥିଲା। ପ୍ରତିମାଙ୍କ ଚିକିତ୍ସା ତୁରନ୍ତ କରାଯାଇ ନ ଥିଲେ, ହୁଏତ ଏହା ଜୀବନଘାତକ ହୋଇଥାନ୍ତା। ଆଘାତ ସ୍ଥାନ ଯେପରି ଅଧିକ ସଂକ୍ରମିତ ନ ହେବ ସେଥିପାଇଁ ତାଙ୍କୁ ଘରେ ଅଲଗା ରଖାଯାଇଥିଲା ବୋଲି ସେ କହିଛନ୍ତି।
