ପୁରୁଷୋତ୍ତମପୁର,୨୨।୩(ଡି.ଏନ୍.ଏ.): ମହାମାରୀ କରୋନା ଭାଇରସ୍ ଆତଙ୍କକୁ ନେଇ ଗଞ୍ଜାମ ଜିଲା ପୁରୁଷୋତ୍ତମପୁର ବ୍ଲକ ଅନ୍ତର୍ଗତ ପ୍ରତାପୁର ଗ୍ରାମର ଋଷିକୂଲ୍ୟାର ଉତ୍ତରବାଙ୍କଠାରେ ପ୍ରଭୁ ଶ୍ରୀରାମଚନ୍ଦ୍ରଙ୍କ ଦ୍ୱାରା ପ୍ରତିଷ୍ଠିତ ତୁମ୍ବେଶ୍ବର ଘାଟଠାରେ କେଉଁ ଆବାହନ କାଳରୁ ହୋଇ ଆସୁଥିବା ଐତିହାସିକ ବାରୁଣୀ ସ୍ନାନକୁ ପ୍ରଶାସନ ପକ୍ଷରୁ ବନ୍ଦ କରିଦିଆଯାଇଛ। ଯାହା ଫଳରେ ରବିବାର ବିଭିନ୍ନ ଠାକୁରଙ୍କ ମହାମେଳଣ ମଧ୍ୟ ବନ୍ଦ ହୋଇଛି। ନଦୀଘାଟରେ ମାଜିିଷ୍ଟ୍ରେଟ ଦାୟିତ୍ୱରେ ଥିବା ତହସିଲଦାର ଅରୁଣ କୁମାର ନାୟକଙ୍କ ସହ ପୁରୁଷୋତ୍ତମପୁର ଆଇଆଇସି ଜଗନ୍ନାଥ ମଲ୍ଲିକ ଓ ଫୋର୍ସ ମୁତୟନ ହୋଇ ଜଗି ରହିଛନ୍ତି। ଜନତା କର୍ଫ୍ୟୁ କାରଣରୁ ହିଣ୍ଡୁଳା ଗ୍ରାମର ଗୋପୀନାଥ, ଅମରେଶ୍ବର, ଗୋବାର ଜଗନ୍ନାଥ ଓ କେଏନ୍ପୁରର ନୃସିଂହ ଠାକୁର, ତୁମ୍ବେଶ୍ବର ଉତ୍ତର ବାଙ୍କ ନଦୀଘାଟ ମେଳଣ ସ୍ଥଳକୁ ଠାକୁର ଆସିପାରି ନାହାନ୍ତି । ଏହି ଠାକୁର ମାନଙ୍କୁ ନିଜ ନିଜ ଗ୍ରାମର ନଦୀଘାଟକୁ ନିଆଯାଇ ପୂଜାର୍ଚ୍ଚନା କରାଯାଇଛି।
