ରାଞ୍ଚି,୨୧।୧୦- କ୍ରିକେଟ ମ୍ୟାଚ୍ବେଳେ ପ୍ରଶଂସକମାନେ ସୁରକ୍ଷା କର୍ଡନ ଅତିକ୍ରମ କରି ପସନ୍ଦୀୟ ଖେଳାଳିଙ୍କ ପାଦ ଛୁଇଁବା ସହ ସେଲ୍ଫି ନେବା ଘଟଣା ଦେଶରେ ନୂଆ ନୁହେଁ। ଏଠାରେ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଚାଲିଥିବା ତୃତୀୟ ଟେଷ୍ଟରେ ଜଣେ ପ୍ରଶଂସକ ସୁରକ୍ଷା କର୍ଡନ ଡେଇଁ ଭ୍ରମଣକାରୀ ଉଇକେଟକିପର କ୍ୱିଣ୍ଟନ ଡିକକ୍ଙ୍କ ପାଦ ଛୁଇଁଥିଲେ। ଏହାର ତୁରନ୍ତ ପରେ ସୁରକ୍ଷା କର୍ମୀମାନେ ତାଙ୍କୁ ଗ୍ରାଉଣ୍ଡ ବାହାରକୁ ଟାଣି ନେଇଥିଲେ। ଏଠାରେ ପ୍ରଶଂସକ କୌତୂହଳପୂର୍ଣ୍ଣ ତ୍ରୁଟି କରିଦେଇଥିଲେ। ଉକ୍ତ ପ୍ରଶଂସକ ନିଜ ଚପଲ ଗ୍ରାଉଣ୍ଡରେ ଛାଡ଼ି ଦେଇଥିଲେ। କିନ୍ତୁ ଡିକକ୍ ତାଙ୍କ ପ୍ରଶଂସକଙ୍କ ଚପଲ ଫେରାଇ ଦେଇଥିଲେ। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଯାଇଛି।
